கெஜ்ரிவால் டெல்லி முதல்வராகிறார்: அதிகாரப்பூர்வ அறிவிப்பு

First topic message reminder :


70 இடங்களைக் கொண்ட டெல்லி மாநில சட்டசபைக்கு நடந்த தேர்தலில் பா.ஜ.க. 32, ஆம் ஆத்மி 28, காங்கிரஸ் 8, சுயேட்சைகள் 2 இடங்களில் வெற்றி பெற்றனர். ஆட்சி அமைக்க தேவையான 36 இடங்கள் எந்த கட்சிக்கும் கிடைக்காததால் அங்கு ஆட்சி அமைப்பதில் இழுபறி ஏற்பட்டது. அதிக இடங்களில் வெற்றி பெற்ற கட்சி என்ற அடிப்படையில் பா.ஜ.க.வை ஆட்சி அமைக்க டெல்லி துணைநிலை கவர்னர் நஜீப்சிங் அழைத்தார். ஆனால் ஆட்சி அமைக்க பா.ஜ.க. மறுத்து விட்டது.

இதையடுத்து 2–வது அதிக இடங்களை பிடித்த கட்சியான ஆம்ஆத்மி கட்சிக்கு கவர்னர் நஜீப்சிங் அழைப்பு விடுத்தார். அதை ஏற்று கவர்னரை சந்தித்த ஆம்ஆத்மி கட்சித் தலைவர் அரவிந்த் கெஜ்ரிவால் 23–ந் தேதி வரை அவகாசம் கேட்டார். கடந்த 6 நாட்களாக அவர் டெல்லியில் 280 கூட்டங்களை நடத்தி ஆட்சி அமைப்பது குறித்து மக்களிடம் கருத்து கேட்டார். அவர்கள் ஆட்சி அமைக்க ஆதரவு தெரிவித்தனர்.

பேஸ்புக், டுவிட்டர், எஸ்.எம்.எஸ். மூலமாகவும் ஆம்ஆத்மி கட்சி கருத்து கேட்டது. சுமார் 6½ லட்சம் பேர் தங்கள் கருத்துக்களை தெரிவித்தனர். அதில் பெரும்பாலானவர்கள் ஆம்ஆத்மி கட்சி ஆட்சி அமைக்க வேண்டும் என்றனர். இதை ஏற்று ஆம்ஆத்மி கட்சி டெல்லியில் ஆட்சி அமைக்க முடிவு செய்தது. இன்று பகல் 11 மணியளவில் டெல்லி காசியாபாத்தில் மக்கள் முன்னிலையில் நடந்த ஆம்ஆத்மி கட்சியின் அரசியல் விவகாரக்குழு கூட்டம் நடந்தது. அதில் ஆட்சி அமைக்கலாம் என்று அதிகாரப்பூர்வமாக முடிவு எடுக்கப்பட்டது. இது தொடர்பாக ஆம் ஆத்மி கட்சி மூத்த தலைவர்களில் ஒருவரான மணீஷ் சிசோடியா கூறுகையில், ‘‘280 மக்கள் சபை கூட்டங்களை நாங்கள் நடத்தினோம். அதில் 257 கூட்டங்களில் ஆம்ஆத்மி ஆட்சி அமைக்க மக்கள் சம்மதித்துள்ளனர்’’ என்றார்.

அவரைத் தொடர்ந்து 11.20 மணிக்கு பேசிய அரவிந்த் கெஜ்ரிவால், ‘‘டெல்லியில் ஆம்ஆத்மி ஆட்சி அமைக்கிறது என்று அதிகாரப்பூர்வமாக அறிவித்தார். இதை கேட்டதும் திரண்டிருந்த ஆம்ஆத்மி கட்சித் தொண்டர்கள் மகிழ்ச்சி ஆரவாரம் செய்தனர். பிறகு ஆம்ஆத்மி கட்சி மூத்த தலைவர்களுடன் கெஜ்ரிவால் கவர்னர் மாளிகைக்கு புறப்பட்டு சென்றார். மதியம் 12.30 மணியளவில் அவர் கவர்னர் நஜீப்சிங்கை சந்தித்து பேசினார். அப்போது கெஜ்ரிவால் ஆட்சி அமைக்க உரிமை கோரினார். அதோடு ஆம்ஆத்மி கட்சி எம்.எல்.ஏ.க்கள் தன்னை சட்டசபை கட்சித் தலைவராக தேர்வு செய்து நிறைவேற்றப்பட்ட தீர்மானத்தை கொடுத்தார்.

கெஜ்ரிவாலின் கடிதத்தை கவர்னர் நஜீப்சிங் ஏற்றுக் கொண்டார். ஆம்ஆத்மி ஆட்சி அமைக்க அவர் சம்மதம் தெரிவித்தார். அப்போது கெஜ்ரிவால், பதவி ஏற்பு விழாவை ‘‘ஜந்தர் மந்திர்’’ பகுதியில் நடத்த வேண்டும் என்று கோரிக்கை விடுத்தார்.

ஊழலுக்கு எதிராக ஜந்தர் மந்திர் பகுதியில் நடந்த போராட்டங்கள் தான் கெஜ்ரிவாலை நாடெங்கும் பிரபலப்படுத்தியது என்பது குறிப்பிடத்தக்கது. எனவேதான் பதவி ஏற்பு விழாவை ஜந்தர்மந்திரில் நடத்த கெஜ்ரிவால் விரும்புகிறார். அரவிந்த் கெஜ்ரிவால் 26–ந்தேதி (வியாழக்கிழமை) பதவி ஏற்பார் என்று தெரிய வந்துள்ளது. அவர் பதவி ஏற்றதும் சட்டசபை கூட்டப்படும். எம்.எல்.ஏ.க்கள் பதவி ஏற்பார்கள். அந்த கூட்டத்திலேயே சில அறிவிப்புகளை நிறைவேற்ற கெஜ்ரிவால் திட்ட மிட்டுள்ளதாக கூறப்படுகிறது.

குறிப்பாக லோக்பால் மசோதாவை அவர் கொண்டு வர திட்டமிட்டுள்ளதாக தெரிகிறது. கெஜ்ரிவால் ஆட்சியில் நீடிக்க காங்கிரஸ் கட்சி நிபந்தனையற்ற ஆதரவு கொடுப்பதாக வாக்குறுதி அளித்திருப்பதாக கூறப்படுகிறது. சட்டசபையில் கெஜ்ரிவால் பெரும்பான்மை பலத்தை நிரூபித்து காட்ட வேண்டிய சூழ்நிலை ஏற்பட்டால் அப்போது காங்கிரஸ் கட்சி ஆதரவு கொடுக்கும். மற்றபடி காங்கிரசிடம் இருந்து ஆம்ஆத்மி நேரடி ஆதரவை பெறவில்லை என்பது குறிப்பிடத்தக்கது.

கெஜ்ரிவாலுக்கு இசட் பிரிவு பாதுகாப்பு

டெல்லி அருகே உள்ள காசியாபாத்தில் தற்போது வசித்து வரும் அரவிந்த் கெஜ்ரிவாலுக்கு 12 போலீசார் பாதுகாப்பு அளித்து வருகிறார்கள். இந்நிலையில், அவர் சட்டசபை கட்சி தலைவராக (முதல்-மந்திரி) தேர்ந்தெடுக்கப்பட்டவுடன், அவருக்கு ‘இசட்’ பிரிவு பாதுகாப்பு அளிக்கப்பட உள்ளது.

அதன்படி, துப்பாக்கி ஏந்திய டெல்லி போலீஸ் கமாண்டோக்கள் 30 பேர், கெஜ்ரிவாலுக்கு பாதுகாப்பு அளிப்பார்கள். இத்தகவலை டெல்லி உயர் போலீஸ் அதிகாரி ஒருவர் தெரிவித்தார்.

அரவிந்த் கெஜ்ரிவாலுக்கு இந்தி திரையுலகினர் வாழ்த்து

டெல்லி சட்டசபை தேர்தலில் ஆம் ஆத்மி கட்சி வெற்றி பெற்றதற்கு, இந்தி திரையுலகினர் வாழ்த்து தெரிவித்து உள்ளனர்.

டெல்லி சட்டசபை தேர்தலில் ஆம் ஆத்மி கட்சி 67 தொகுதிகளில் வெற்றி பெற்று ஆட்சியை கைப்பற்றியது. இதற்கு இந்தி திரையுலகினர் வாழ்த்து தெரிவித்து உள்ளனர். அதன் விவரம் வருமாறு:-

இசை அமைப்பாளர் விஷால் தத்லானி:- ஆம் ஆத்மி கட்சியின் வெற்றியை கொண்டாடுவதற்காக விமானத்தில் நான் டெல்லிக்கு செல்கிறேன். தேர்தல் பிரசாரத்தின்போது நான் சந்தித்த ஒவ்வொருவருக்கும் இப்போது நன்றி சொல்கிறேன்.

இயக்குனர் அனுபவ் சின்கா:- இறுதியில், செயல்பாடுகள் எங்கு இருக்கிறதோ அங்குதான் நான் இருப்பேன். இதை பெருமையாகவே கருதுகிறேன்.

பிரிதீஷ் நன்டி:- இந்திய வரலாற்றில் ஆம் ஆத்மி பெற்ற இந்த வெற்றி மகத்தானது.

தயாரிப்பாளர் சேகர் கபூர்:- ஆம் ஆத்மி கட்சிக்கு வாக்களித்து இளைய தலைமுறை வாக்காளர்கள், நாட்டுக்கு மிகவும் தெளிவான செய்தியை சொல்லிவிட்டார்கள். இது நமது தேசம். நமது எதிர்காலம். அரவிந்த் கெஜ்ரிவால் மீது பொதுமக்கள் வைத்திருக்கும் நம்பிக்கையை, மெய்ப்பிக்கும் தருணம் அவருக்கு வந்துவிட்டது.

இயக்குனர் ராம்கோபால் வர்மா:- ஆம் ஆத்மி கட்சியை நகைச்சுவையாக கருதியவர்கள், இப்போது பிறர் தங்களை பார்த்து நகைப்பதை உணர தொடங்கி விட்டனர். நகைச்சுவையை எண்ணி நகைக்காதீர்கள். பின், நகைச்சுவை உங்களை எண்ணி நகைக்க ஆரம்பித்துவிடும்.

ரித்தேஷ் தேஷ்முக்:- டெல்லியில் வரலாறு காணாத வெற்றியை பெற்ற ஆம் ஆத்மி கட்சிக்கு வாழ்த்துகள்.

இதேபோல் நடிகை தியா மிர்ஷா, டி.வி.நிகழ்ச்சி தொகுப்பாளர் ரகுராம் உள்ளிட்ட பலரும் ஆம் ஆத்மி கட்சி தலைவர் அரவிந்த் கெஜ்ரிவாலுக்கு வாழ்த்து தெரிவித்து உள்ளனர்.

இந்த முறையாவது சொன்னதை செய்துகாட்ட வேண்டும் , அதைவிட்டுவிட்டு மத்திய அரசு அதை கொடுக்கல இதைகொடுக்கள என்று வெட்டிபேச்சு பேசிகொண்டிருந்தால் , இவரை நம்பி ஒட்டுப்போட்ட டெல்லி மக்களுக்கு குல்லா தான்

மக்களுக்கு நன்மை யார் செய்தாலும் வரவேற்போம் .
இலவசங்களை அடியோடு நிறுத்தவேண்டும் .
ஊழலின் ஆரம்பமே அங்குதான் .
ரமணியன்

T.N.Balasubramanian wrote:மக்களுக்கு நன்மை யார் செய்தாலும் வரவேற்போம் .
இலவசங்களை அடியோடு நிறுத்தவேண்டும் .
ஊழலின் ஆரம்பமே அங்குதான் .
ரமணியன்

மேற்கோள் செய்த பதிவு: 1120136