சர்ச்சைக்குரிய அதிகாரி தேவயானிக்கு 11 இடங்களில் அசையா சொத்துக்கள்!

by **krishnaamma** Mon Dec 23, 2013 9:25 pm

மும்பை : அமெரிக்காவில், 'விசா' மோசடி சர்ச்சையில் சிக்கியுள்ள, தூதரக அதிகாரி தேவயானிக்கு, மும்பையில் உள்ள, ஆதர்ஷ் வீட்டு வசதி சங்கம் உட்பட, 11 இடங்களில், அசையா சொத்துக்கள் உள்ளதாக, தகவல் வெளியாகியுள்ளது.

அமெரிக்காவில், இந்திய தூதரகத்தில் பணியாற்றி வந்த, தேவயானி என்ற பெண் அதிகாரி மீது, அந்த நாட்டு அரசு, விசா மோசடி செய்ததாக, வழக்கு பதிவு செய்துள்ளது.
இந்த விவகாரத்தில், அமெரிக்க அதிகாரிகள், தேவயானியை கைது செய்தது, அவரை நடத்திய விதம் ஆகியவை, பெரும் சர்ச்சையை ஏற்படுத்தியுள்ளன. இந்த விவகாரத்தில், அமெரிக்கா - இந்திய நாடுகளுக்கு இடையேயான உறவில், விரிசல் விழுந்துள்ளது.இந்நிலையில், தேவயானி, மும்பையில், பெரும் சர்ச்சையை ஏற்படுத்திய, ஆதர்ஷ் வீட்டு வசதி திட்டத்தில், முறைகேடாக வீடு ஒதுக்கீடு பெற்றுள்ளதாக, பரபரப்பு தகவல்கள் வெளியாகியுள்ளன.

ஆதர்ஷ் வீட்டு வசதி சங்க விதிமுறைப்படி, சொந்த வீடு இல்லாத அதிகாரிகள் தான், அரசு ஒதுக்கீட்டின் கீழ், வீடுகளுக்கு விண்ணப்பிக்க முடியும். ஆனால், தேவயானிக்கு சொந்தமாக வீடுகள், நிலங்கள் இருந்தபோதும், அவருக்கு, ஆதர்ஷ் வீட்டு வசதி சங்கத்தில், வீடு ஒதுக்கீடு செய்யப்பட்டுள்ளது.ஆதர்ஷ் ஊழல் தொடர்பாக விசாரித்த குழு தாக்கல் செய்துள்ள அறிக்கையில், இந்த தகவல் இடம் பெற்றுள்ளது.இதுதவிர, மகாராஷ்டிராவில், எட்டு இடங்களிலும், கேரள மாநிலம் எர்ணாகுளத்தில், இரண்டு இடங்களிலும், உ.பி., மாநிலம் கவுதம புத்தர் நகரில், ஒரு இடத்திலும், தேவயானிக்கு சொந்தமான, அசையா சொத்துக்கள் உள்ளன.இந்த, 10 சொத்துக்களில், ஏழு சொத்துக்களின் மதிப்பு, 78 லட்சம் ரூபாய். ஆதர்ஷ் குடியிருப்பில், அவருக்கு ஒதுக்கப்பட்டுள்ள வீட்டின் மதிப்பு, 90 லட்சம் ரூபாய். இந்த, 11 சொத்துக்கள் மூலமாக, அவருக்கு, ஆண்டு தோறும், 1.26 லட்சம் ரூபாய் வருமானம் கிடைக்கிறது.இந்த தகவலை, கடந்தாண்டு, அவர் தாக்கல் செய்துள்ள வருமான வரி தாக்கல் அறிக்கையில் தெரிவித்துள்ளார்.இந்த தகவல்கள் அனைத்தும், வெளியுறவு அமைச்சக இணையதளத்தில் இடம் பெற்றுள்ளதாக, மகாராஷ்டிரா பத்திரிகை செய்தி வெளியிட்டுள்ளது.

by **krishnaamma** Mon Dec 23, 2013 9:29 pm

//தலித் தலித் என்று ஆடுவது. தகுதி இல்லாமல் பதவி பெறுவது. வெளிநாடு செல்வது. ஆட்சியாளர்களின் கருப்பு பணத்தை நிர்வாகம் செய்வது.முடிந்த வரை விசா ஆவணங்களில் ஊழல் செய்து பாரதத்தின் மானத்தை வாங்குவது.இதை எல்லாம் மீறி....அமெரிக்க நடவட்டிக்கை எடுத்த உடன் ரோஷம் பொத்துக்கொண்டு வருகிறது. உடம்பு தெரிவது போல் பிளவுஸ் போட்டுக்கொண்டு போஸ் கொடுத்தால் உடனே உத்தமி ஆகி விடுவாரா.......செய்த குற்றத்துக்கு கடுமையான நடவடிக்கை தேவை. இவர் போன்ற தேச துரோகிகளை எதற்காக வெளிநாடு அனுப்புகிறார்கள் எனபது பட்டவர்த்தனமாகி விட்டதுSathyam - chennai,இந்தியா. //

தினமலரில் படித்த பின்னுட்டம் !

by **krishnaamma** Mon Dec 23, 2013 9:31 pm

//சர்ச்சைக்குரிய அதிகாரி தேவயானிக்கு 11 இடங்களில் அசையா சொத்துக்கள்
அமெரிக்காவின் தவறுகள் வருமாறு, 1. அந்த பணிப்பெண், கணவர் மாமனார், மாமியார் அவர்கள் எல்லாம் அமெரிக்க துதரகத்தில் வேலை பார்த்தனர். 2. அந்த பெண் அமெரிக்க உளவாளி. இதை தேவயாணி அவர்கள் தெரிந்து கொண்டு விட்டார். அது தெரிந்ததும் அந்த பெண் மாயமாகிவிட்டார். அதனால் காணவில்லை என்று தேவயாணி அவர்கள் அமெரிகாவில் புகார் கொடுக்க சென்ற பொது அதை வாங்காமல் அந்த பெணின் சொந்தங்கள் புகார் கொடுக்க வேண்டும் என அலைகழிதுவிட்டது. 3. அந்த பெண்ணின் கணவர் மற்றும் மகன், மகள் பாஸ்போர்ட் விண்ணப்பம் செய்து உள்ளனர்.அவை இந்தியாவில் வழங்கப்பட்டன. எவ்வித இடையுறு இன்றி ஆகையால் அவர்கள் இந்தியாவில் அச்சுறுத படுகின்றனர் என்ற வாதம் அடிபட்டு போகிறது. 4. ஒரு புறம் வெளிஉறவு செயலருடன் பேச்சு மறுபுறம் இங்கு வழுக்கு நிலுவையில் உள்ள பணிபென்னின் குடும்பத்தை இந்திய சட்டத்தை மீறி அமெரிக்க விசா கொடுத்து உள்ளது, நாடு கடத்தியுள்ளது 5. இவை எல்லாம் தெரிந்தும் அமெரிக்கா மதிப்புமிக்க நண்பன் என கூறும் இந்தியவை மார்பில் குத்தியது ஆகவே நன்றாக யோசனை செய்யுங்கள் இந்த மாதிரி நண்பன் தேவையா அமெரிக்கா பொருட்களை புறகணிப்போம். அமெரிக்காவின் துரோகம் மன்னிக்க முடியாது. JALRA JAYRAMAN - chennai,இந்தியா//

இதுவும் தினமலரில் படித்த பின்னுட்டம் !

by **krishnaamma** Mon Dec 23, 2013 9:34 pm

//அவங்க வீட்டுகாரர் குழந்தைகள் எல்லாம் இந்தியா வோட குடிமகன்கள் இல்லையாமே. இந்த பொண்ணு கூட பச்சை கார்டு வச்ச்ருக்காங்க்லாமே. நியூ யார்க் ல வீடு, மிச்சிகன் ல பெரிய ஏரி யுடன் கூடிய திராட்சை பண்ணை தோட்டம் உட்பட பல தோட்டங்கள் அமெரிக்க ல இருக்காமே. இந்த பொண்ணுக்காக சிவில் பேப்பர் ல ஜேர்மன் மொழியை விருப்ப பாடமா வச்சு பாஸ் பண்ண வச்சு எக்ஸாம் முறையை கூட மாத்தினாங்கலாமே. இந்த மேடம் IFS சர்வீஸ் முடிஞ்சவுடனே டாட்டா பை பை காண்பிச்சு எப்படியும் அமெரிக்க லதான் செட்டில் ஆக போறாங்க. இந்த ஊர்ல ஏதோ 11 இடத்திலே சொத்து மட்டுந்தானே இருக்கு. அதை போய் பெரிசா அலட்டிகிரீன்களே நோண்டி நோண்டி பாருங்க..திகில் விசயம் நிறைய கிடைக்கும். ஆனா ஒன்னு இந்த நியூஸ் எல்லாம் படிச்சு நேர்மையான அதிகாரிகள் சகாயம், அசோக் கெலாட், திருச்சி ஜெயஸ்ரீ போல உள்ளவங்க எவ்ளோ மனசு கஷ்டபடுவாங்க.Panchu Mani - chennai,இந்தியா//

இதுவும் தினமலரில் படித்த பின்னுட்டம் !

by **krishnaamma** Mon Dec 23, 2013 9:35 pm

by **krishnaamma** Mon Dec 23, 2013 9:38 pm

//வெளி நாடுகளில் இருக்கும் இந்திய தூதரங்களில் முதலில் தமிழர்களை மதிப்பதே கிடையாது..... அங்கே இன வெறியும் மொழி வெறியும் அதிகமாக இருக்கிறது.... தூதரகங்களில் வேலை செய்பவர்கள் ஒன்று மந்திரிகளின் உறவினர்களாக இருப்பார்கள் அல்லது அவர்களுக்கு வேண்டியபட்டவர்களாக இருப்பார்கள்... பாரிஸில் இருக்கும் இருக்கும் இந்திய தூதரகம் ரயில்வே டிக்கெட் கவுண்டர் போல இருக்கும்... உள்ளே 15 நபருக்கு மேலே உட்கார முடியாது.... பிரான்ஸ் தேசத்தை பொறுத்தவரை மரியாதைக்கு ரொம்ப முக்கியத்துவம் கொடுப்பார்கள் ஆனால் நம்ப ஆட்களிடம் சுத்தமாக மரியாதையை எதிர்பார்க்க முடியாது.... ஒரு பிறந்த பதிவோ அல்லது மற்ற சான்றிதழோ எடுக்கவேண்டும் என்றால் 20 ஈரோவுக்கு மேல் பணம் கட்டவேண்டும்..... அதற்கு இரண்டு நாட்கள் அலைய வேண்டும்.... தேவயாணி போல வசதியானவர்கள் வெளிநாடு தூதரகங்களில் வேலை செய்வதால், வெளி நாடுகளுக்கு சென்று வேலை செய்பவர்கள் தூதரகங்களுக்கு செல்லும்போது பலமான மன உளைச்சலுடன் தான் சென்று திரும்புகின்றார்கள். madurai mani bharathi - madurai,இந்தியா//

இதுவும் தினமலரில் படித்த பின்னுட்டம் ! எவ்வளவு கதைகள் இருக்கு பாருங்கள் சோகம்