இசைஞானி இளையராஜா மருத்துவமனையில் அனுமதி

soplangi · soplangi Mon Dec 23, 2013 3:52 pm

சென்னை: இசைஞானி இளையராஜா உடல்நல குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். இன்று காலை பிரசாத் ஸ்டுடியோவிற்கு வந்த இளையராஜா, புதிய படத்திற்கான பாடல் இசையமைப்பில் ஈடுபட்டிருந்தார். அதன் பின் டிசம்பர் 28ம் தேதி நடைபெற உள்ள விழாவிற்காக பாடல் கம்போசிங்கில் ஈடுபட்டுக் கொண்டிருந்தார். அப்போது அவருக்கு லேசான நெஞ்சு வலி ஏற்பட்டது. இதனையடுத்து அவர் தனியார் மருத்துவமனையில் அனுமதிக்கப்பட்டார். அவருக்கு டாக்டர்கள் சிகிச்சை அளித்து வருகின்றனர்.

-- dinamalar

soplangi · soplangi Mon Dec 23, 2013 3:54 pm

சென்னை: நெஞ்சுவலி காரணமாக மருத்துவமனையில் அனுமதிக்கப்பட்டுள்ள இசைஞானி இளையராஜா இப்போது நார்மலாக உள்ளதாக அப்பல்லோ மருத்துவமனை தெரிவித்துள்ளது. இன்று காலை திடீர் நெஞ்சுவலி காரணமாக அப்பல்லோ மருத்துவமனையில் அனுமதிக்கப்பட்டார் இளையராஜா. இது சினிமா உலகை மட்டுமல்ல, அவரது பல கோடி அபிமானிகளையும் அதிர வைத்தது. இந்நிலையில், இளையராஜாவின் உடல் நிலை குறித்து அப்பல்லோ மருத்துமனை நிர்வாகத்திடம் தொடர்பு கொண்டு நாம் விசாரித்தோம். இளையராஜாவுக்கு லேசான நெஞ்சுவலிதான் என்றும், இப்போது ஐசியுவில் நார்மலாக இருப்பதாகவும் தெரிவித்தனர். இதயத் துடிப்பு கண்காணிக்கப்பட்டு, கொலஸ்ட்ரால் அளவு குறித்த சோதனைகள் அனைத்தும் முடிந்தபிறகு ஆஞ்சியோகிராம் செய்ய முடிவு செய்துள்ளதாகத் தெரிவித்தனர். அதுவரை இளையராஜா கிரீம்ஸ் சாலையில் உள்ள அப்பல்லோ தலைமை மருத்துவமனையிலேயே தங்கியிருப்பார்.

-- one india

**சிவா** · **சிவா** Mon Dec 23, 2013 3:57 pm

பூரண குணமடைந்து மேலும் இளையராஜா எனும் இசைக்கடவுளின் அருள் நமக்குக் கிடைக்க வேண்டும் என வேண்டுகிறேன்!

**ராஜா** · **ராஜா** Mon Dec 23, 2013 4:28 pm

ஐயோ ...... இளையராஜா அவர்கள் பூரண குணமடைய இறைவனை வேண்டுகிறேன்

உதயசுதா · உதயசுதா Mon Dec 23, 2013 4:53 pm

என் மனதுக்கு மட்டும் அல்ல பல்லாயிரம் மனங்களின் அன்புக்கு பாத்திரமான ராகதேவன் இவர். இவர் பூரண நலம் பெற்று பல்லாண்டு காலம் காலம் வாழ என் மனமுருகிய பிரார்த்தனைகள்