"மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!

by DERAR BABU Mon Dec 23, 2013 12:34 pm

இன்று தில்லியில் ஆட்சி அமைப்பதாக தில்லி துணை நிலை ஆளுநர் நஜீப் ஜங்கை சந்தித்துக் கூறிய ஆம் ஆத்மி கட்சித் தலைவர் அரவிந்த் கேஜ்ரிவால் தமிழகத்தில் மதுரையில்தான் பிறந்தாராம். இப்படி ஒரு விநோதம் இன்று வெளிப்பட்டுள்ளது. மதுரை மாநகராட்சியில் இருந்து அளிக்கப்பட்டுள்ள பிறப்புச் சான்றிதழின்படி, அரவிந்த் கேஜ்ரிவால் மதுரையில் பிறந்துள்ளார் என்பதே அந்த விநோதம்.

மதுரை மாவட்ட நீதிமன்ற வளாகத்தில் உள்ள வழக்குரைஞர்கள் அறை எண் 95-க்கு கடந்த வியாழன் அன்று ஒரு தபால் வந்துள்ளது. வழக்குரைஞர்கள் முத்துக்குமார், மோகன்தாஸ், ஸ்டாலின் ஆகியோரின் அலுவலகத்துக்கு தபாலில் வந்த உறையில், மதுரை மாநகராட்சியில் நடைபெறும் பல்வேறு முறைகேடுகள் குறித்தும், போலியாக வழங்கப்பட்டுள்ள அரவிந்த் கேஜ்ரிவால் பிறப்புச் சான்றிதழும் இணைக்கப்பட்டிருந்தன.

அதில், அரவிந்த் கேஜ்ரிவால், 27.12.1970-ல் மதுரையில் பிறந்துள்ளதாகவும், அவரது பெற்றோர் வசித்த முகவரி 27, கற்பக நகர், கே.புதூர், மதுரை எனவும் குறிப்பிடப்பட்டுள்ளது. அவர்களின் நிரந்தர வீட்டு முகவரியாக, ராம் வர்மா நகர், புது தில்லி எனக் குறிப்பிடப்பட்டுள்ளது.

இந்தச் சான்றிதழுக்கு 7.3.2012ல் பதிவு செய்ததாகவும், சான்றிதழ், 20.5.2013-ல் வழங்கப்பட்டுள்ளதாகவும் அதில் அச்சிடப்பட்டுள்ளது. ஆனால், சான்றிதழில் வழங்கப்படும் அலுவலரின் கையெழுத்து இடம்பெறவில்லை.

இது குறித்து, மாவட்ட ஆட்சியரிடம் வழக்குரைஞர்கள் சார்பில் புகார் கொடுக்கப்பட்டுள்ளது. இந்தச் சம்பவம் மதுரையில் இன்று காலை பரபரப்பை ஏற்படுத்தியுள்ளது. இது குறித்து அதிகாரிகள் விசாரித்து வருகின்றனர்.

ஏற்கெனவே செல்லூர் கே ராஜு, சட்டப்பேரவை உறுப்பினர் அண்ணாத்துரை ஆகியோருக்கு மதுரை மாநகராட்சி சார்பில் இறப்புச் சான்றிதழ் வழங்கப்பட்டது குறிப்பிடத்தக்கது.

dinamani

????????????????????????

by soplangi Mon Dec 23, 2013 3:49 pm

"மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்! 31f7e456-98cc-454f-b6c4-84a2fc3f8fcf_S_secvpf

மதுரை மாநகராட்சியில் கடந்த சில மாதங்களுக்கு முன்பு அமைச்சர் மற்றும் எம்.எல்.ஏ. பெயரில் இறப்பு சான்றிதழ் வழங்கப்பட்ட சம்பவம் பரபரப்பை ஏற்படுத்தியது. இது மக்கள் மனதை விட்டு மறைவதற்குள், ஆம் ஆத்மி கட்சியின் தலைவர் அரவிந்த் கெஜ்ரிவால் பெயரில் பிறப்பு சான்றிதழ் வழங்கப்பட்டுள்ளது பரபரப்பை ஏற்படுத்தி உள்ளது.

இதுகுறித்து மதுரை அண்ணாநகரைச் சேர்ந்த வக்கீல் முத்துக்குமார் தலைமையில் மேலும் சில வக்கீல்கள் மாவட்ட கலெக்டர் சுப்பிரமணியனை சந்தித்து ஒரு புகார் மனு கொடுத்தனர்.

அதில், ஆம் ஆத்மி கட்சி தலைவர் அரவிந்த் கெஜ்ரிவால் பெயரில் ஒரு பிறப்பு சான்றிதழ் வெளிவந்துள்ளது. அதில் மதுரை மாநகராட்சியின் முத்திரை உள்ளது. ஆனால் அதிகாரியின் கையெழுத்து இல்லை. இந்த சான்றிதழ் போலியானதா? அல்லது எப்படி வெளியானது? என்பது குறித்து உரிய விசாரணை நடத்த உத்தரவிட வேண்டும் என குறிப்பிட்டுள்ளனர்.

ஏற்கனவே அமைச்சர் மற்றும் எம்.எல்.ஏ. பெயரில் வெளியான இறப்பு சான்றிதழை தொடர்ந்து தற்போது அரவிந்த் கெஜ்ரிவால் பெயரில் பிறப்பு சான்றிதழ் வெளி வந்து உள்ளது என்பது குறிப்பிடத்தக்கது.

-- maalaimalar

by **சிவா** Mon Dec 23, 2013 3:50 pm

செல்லூர் கே ராஜு, சட்டப்பேரவை உறுப்பினர் அண்ணாத்துரை ஆகியோருக்கு மதுரை மாநகராட்சி சார்பில் இறப்புச் சான்றிதழ் வழங்கப்பட்டது

அப்படியே அனைத்து அரசியல்வாதிகளுக்கும் வழங்கிவிடுங்கள், நாட்டைப் பிடித்த பீடைகள் ஒழியட்டும்! சிரி

by **T.N.Balasubramanian** Mon Dec 23, 2013 9:53 pm

மதுரை தமிழன்
அஞ்சாநெஞ்சன்
கேஜ்ரிவால்
வைகையின் மைந்தனே
யமுனை ஆள்பவனே !
நன்னா ஆட்சிப் பண்ணுங்க ! நிறைய கட்டவுட் வைத்து பாலாபிஷேகம் பண்ணி மாலைகள் போட்டு , பட்டப் பெயர்கள் கொடுத்து ...............
ரமணியன்

by Sponsored content

"மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!

"மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!

Re: "மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!

Re: "மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!

Re: "மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!

Re: "மதுரையில் பிறந்த” அரவிந்த் கேஜ்ரிவால் இன்று தில்லி முதல்வர்!