குரல் கொடுத்தால் கார் வழிகாட்டும் - டேஷ்போர்டின் புதிய வடிவம்

வாகனத் துறையில் நாள் தோறும், புதிய கண்டுபிடிப்புகள் அறிமுகமாகின்றன. அதில் ஒன்றுதான்,"டேஷ் போர்டு' பகுதியின் அதி நவீன வடிவம். ஓட்டுனருக்கு அதிகப்படியான குழப்பங்களை தவிர்க்க, "டேஷ்போர்ட்'ல் இருக்கும் நிறைய பட்டன்களை நீக்கிவிட்டு, தொடுதிரை வசதி செய்யப்பட்டுள்ளது.

கார் தயாரிப்பு நிறுவனங்கள், தங்கள் புதிய தயாரிப்புகளில், இந்த தொடுதிரை வசதியை கொடுத்திருக்கின்றன. எனவே, கார் என்பது, ஒரு நகரும் கணினியாகவே மாறிவிட்டது என்று கூறலாம். அதில், நீங்கள் இணையத்தை பயன்படுத்தலாம். டிராபிக் நிலவரங்களை தெரிந்து கொள்ளலாம். அதற்கேற்ப ஓட்டுனர், பயணத்தை திட்டமிடலாம். உங்கள் மொபைல் போனையும், அதனுடன் இணைக்கலாம். உங்கள் காரை "பார்க்' செய்ய வசதியான இடத்தை தெரிந்து கொள்ளலாம். அருகில் இருக்கும், "ஷாப்பிங் காம்ப்ளக்ஸ்' போன்ற விவரங்களையும், உங்கள் காரில் இருந்தபடியே தெரிந்து கொள்ளலாம்.

உங்கள் மொபைல் போன், காருடன் இணைத்திருக்கும்போதும், ஓட்டுனர் சாலையிலிருந்து கவனத்தை எடுக்காமலே குரல் மூலம், அவருக்கு தேவையான நபரை அழைக்கலாம். இந்த குரல் வழி கட்டளைகளை, மேலும், சில அமைப்புகளுக்கும் நீங்கள், பயன்படுத்த முடியும்.

உதாரணமாக, காரின், 'ஏசி'யை குறைக்க நினைக்கும்போது, அதற்கு, "ரிமோட்டையோ', "பட்டனையோ' தேட வேண்டியதில்லை. நீங்கள் கூறினால், உடனே, உங்கள் குரலை உணர்ந்து, தானாகவே, 'ஏசி' குறைந்துவிடும். மியூசிக் சிஸ்டத்தி"ல், இப்போதும், பாடும் பாடலை மாற்ற வேண்டும் என்றால், அதற்கும், குரலால் "கட்டளை' இட்டால் போதும்; உடனே, பாடும் பாடல் மாறிவிடும்.

காரில் பயணம் செய்யும் போது, தேவைக்கு ஏற்ப, "டேஷ்போர்டி'ன் தொடு திரையில், பயணத்திற்கு முன், நீங்கள் சில ஏற்பாடுகளை செய்யலாம். உதாரணமாக, உங்களது மியூசிக் சிஸ்டம் எவ்வளவு சத்தத்துடன் இருக்க வேண்டும்; "ஏசி' எவ்வளவு அளவில் இருக்க வேண்டும்; என்ன மேப் வரவேண்டும் என்று, எல்லாவற்றையும் "செட்' செய்து வைத்துவிட்டால், ஓட்டும்போது, ஒரே ஒருமுறை, "ஆன்' செய்தால் போதும். நீங்கள் செய்து வைத்த அத்தனை வசதிகளும், தானாகவே வேலை செய்ய ஆரம்பித்துவிடும்.

வேறு ஒருவர் ஓட்டும்போது, அவருக்கு தேவையான அமைப்புகளை, அவர் பெயரில் பதிவு செய்து வைத்துக் கொள்ளலாம். ஒரு வீட்டில் ஐந்து பேர் உள்ளனர் என்றால், ஒவ்வொருவர் பெயரிலும், ஒரு அமைப்பை ஏற்படுத்தி, அதில் அவர்களின் தேவைகளை, வசதிகளை பதிவு செய்யலாம்.

காரில், "ஏசி' இருந்தாலே, அது வசதியான கார் என்பது மாறி, "புஷ் பேக் சீட்', டி.வி.டி., ப்ளேயர், எ.சி.டி.ஸ்கீர், என்று வளர்ந்து, இப்போது தொடுதிரை "டேஷ்போர்டு' வரை வந்து, இன்னும், ஓட்டுனரின் தேவைகளையும், வசதிகளையும் கணக்கில் கொண்டு, புதிய கண்டுபிடிப்புகளுக்கான தேடுதல் நடந்தபடியே இருக்கிறது.

தினமலர்

டெக்னாலஜி தினம் தினம் வளர்ந்துகிட்டு தான் இருக்கு.


இன்னும் கொஞ்ச நாளில் காரின் கட்டுப்பாட்டையும் வீட்டில் இருந்தே நிர்வாகம் பண்ண ஆரம்பித்துவிடுவார்கள் போல (யார் என்று உங்கள் அனைவருக்கும் தெரிந்திருக்கும் என நினைக்கிறேன்) , நாம ஆசைப்பட்டு எங்காவது போக நினைத்தாலும் கார் போகாது அலுவலகத்தில் இருந்து கிளம்பினால் நேரா வீட்டுக்கு போயி தான் நிற்கும்

ராஜா wrote:டெக்னாலஜி தினம் தினம் வளர்ந்துகிட்டு தான் இருக்கு.


இன்னும் கொஞ்ச நாளில் காரின் கட்டுப்பாட்டையும் வீட்டில் இருந்தே நிர்வாகம் பண்ண ஆரம்பித்துவிடுவார்கள் போல (யார் என்று உங்கள் அனைவருக்கும் தெரிந்திருக்கும் என நினைக்கிறேன்) , நாம ஆசைப்பட்டு எங்காவது போக நினைத்தாலும் கார் போகாது அலுவலகத்தில் இருந்து கிளம்பினால் நேரா வீட்டுக்கு போயி தான் நிற்கும்

ஆஹா. இது சூப்பர் தல! விரைவில் இந்த சிஸ்டம் வர வேண்டும், நீங்கள் திண்டாட வேண்டும், அதைக் கண்டு நாங்கள் குதூகலிக்க வேண்டும்!

நான் எப்பொழுதும் போல் சைக்கிளிலேயே வேலைக்குச் சென்று வந்துவிடுவேன்!