நடிகைகளில் இந்த ஆண்டின் மோசமாக உடையணிந்தவர்கள் பட்டியல்

இதோ 2013-ம் ஆண்டு முடியப்போகிறது. எம்.டிவி-யின் டாப் 10 பட்டியல் இதோ... ஹாலிவுட் மற்றும் பாலிவுட் நடிகைகளில் இந்த ஆண்டின் மோசமாக உடையணிந்தவர்கள் பட்டியல் இது. மோசமானவங்களில் முக்கியமானவங்க இவங்கதான் :

பலத்த கரகோஷங்களுக்கு இடையே நம்பர் ஒன் இடத்தைப் பிடித்திருக்கிறார் பாப் பாடகி மிலி சைரஸ். கவனம் ஈர்க்கும் நடவடிக்கைகள் மூலம் தன்னை விளம்பரப்படுத்திக்கொள்வதிலேயே கவனமாக இருக்கும் மிலி சைரஸ், உடை அணிவதில் மோசமோ மோசம் என்கிறது எம்.டிவி!

ராப் பாடகியும், நடிகையுமான நிக்கி மினாஜ் ( 2-ம் இடம் ): இந்த ஜமாய்க்கா கறுப்பழகி டிரெஸ்ஸே போடுவது இல்லை. அப்படியே போட்டாலும் நம் ஊர் இட்லித் தட்டில் உள்ள துணி அளவுக்குத்தான் போடுகிறார். மிக மிக மிக மோசம் என்கிறார்கள்!

அமெரிக்க டிவி நடிகை, ஃபேஷன் டிசைனர், தொழிலதிபர் என்று பல முகம்கொண்ட கிம் கதர்ஷியன் (3-ம் இடம்): கட்டுக்கோப்பான உடலமைப்பில் ரசிகர்களைக் கிறங்கடிக்கும் கிம் கதர்ஷியன், குழந்தை பெற்ற பிறகு அமெரிக்காவில், உடலைக் கட்டுக்கோப்பாகப் பேணியதில் காட்டிய கவனத்தை உடைகளில் காட்டுவது இல்லையாம்!

பாப் பாடகியும் நடிகையுமான ஜெனிஃபர் லோபஸ் (4-ம் இடம்): 44 வயதாகிறது. கூகுளில் 'ஜெனி’ என்று டைப் செய்தாலே, 'ஜெனிஃபர் லோபஸா?’ என்று கூகுள் நம்மிடம் கேட்கிறது. அந்த அளவுக்கு இன்னும் அம்மணி மீதான கிரேஸ் குறையவில்லை. எப்போதும் புதிய ஃபேஷன்களை அறிமுகப்படுத்தும் லோபஸ், இந்த ஆண்டு சுணக்கம் காட்டுகிறார்!

பிபாஷா பாசு ( 5-ம் இடம்) : அறிமுகமானதில் இருந்து ஜொள்விட்டு ரசித்துக்கொண்டிருந்த ரசிகர்களே கொஞ்சம் சலித்துக்கொள்ளும் அளவுக்கு மேடம் பொது இடங்களில் அணிந்து வரும் உடைகள் இருக்கின்றனவாம்!

பாலிவுட் நடிகை முக்தா கோட்சே (6-ம் இடம்): இந்த அம்மணி நடித்த முதல் படத்தின் பெயரே 'ஃபேஷன்’. ஆனாலும் இப்போதெல்லாம் படு மொக்கையாக உடை அணிகிறாராம் முக்தா!

அமெரிக்க பாப் பாடகி லேடி காகா (7-ம் இடம்): 2011-ல் டிரெண்டாக இருந்த உடைகளை இப்போதும் அணிந்து, பொது இடங்களில் தலை காட்டுகிறாராம் லேடி காகா!

அமெரிக்க பாப் பாடகி ரிஹானா (8-ம் இடம்) : என்னதான் சூப்பர் ஃபிகர்னு ஊரே கொண்டாடினாலும் ரிகானா பாப்பா டிரெஸ்ஸைத் தீயில போடச் சொல்றாங்க எம்.டிவி-க்காரங்க. கோபப்பட்டு இருக்கிறதையும் கழட்டி வீசிடப் போகுது பாப்பா!

கரினா கபூர் ( 9-ம் இடம் ): போன வருடம் கரீனா கபூரின் மேக்கப் போடாத படங்கள் வெளியாகி ரசிகர்கள் எல்லாம் 'ப்பா’ என்று பேஸ்த்தடிச்சுப் போனாங்க. இந்த வருடம் அம்மணி... வெரி ஸாரி. வொர்ஸ்ட் லிஸ்ட்ல ஒன்பதாவது இடம்!

வித்யாபாலன் (10-ம் இடம்) : சிக்குன்னு சிறுத்தைக்குட்டி மாதிரி இருந்த வித்யாபாலன் திருமணத்துக்குப் பிறகு, பெருத்தகுட்டி ஆகிவிட்டார் என்று சொல்லும் எம்.டிவி, டிரெஸ்ஸிங் சென்ஸ் மோசம் என்று பத்தாம் இடத்தை அளித்திருக்கிறது!

விகடன்