முதலமைச்சருக்கு ஜால்ரா போடாத தலைமைச் செயலாளர், டி.ஜி.பி இருந்துள்ளார்களா?

(?) முதலமைச்சருக்கு ஜால்ரா போடாத தலைமைச் செயலாளர், டி.ஜி.பி இருந்துள்ளார்களா?

(*) ‘ரூபாய்க்கு மூன்று படி அரிசி’ என்று அண்ணா அறிவித்துவிட்டார். ஆனால், அது சாத்தியம் இல்லை என்று அன்றைய தலைமைச் செயலாளர் கார்த்திகேயன் சொன்னார். ‘நான் அறிவித்துவிட்டேனே என்ன செய்வது என்று அப்பாவியாக முதலமைச்சர் அண்ணா கேட்டார். ‘எங்காவது ஓர் இடத்திலாவது கொடுத்துவிடுங்களேன்’ என்று அவர் வைத்த வேண்டுகோளை, மனம் இல்லாமல்தான் ஒப்புக்கொண்டார் கம்பீரமான கார்த்திகேயன்.

காங்கிரஸ் ஆட்சியில் யார் டி.ஜி.பியாக இருந்தாரோ அதே எப்.பி அருள் அவர்களை டி.ஜி.பி யாக தொடரவைத்தார் அண்ணா. காங்கிரஸ் ஆட்சியின்போது எப்படி அருள் கறாராக இரூந்தாரோ, அதேமாதிரிதான் அப்போதும் இருந்தார். ஓர் ஆலோசனைக்கூட்டத்தில், ‘இதோ இருக்கிறாரே இவர் நினைத்தால் இந்த ஆட்சியையே கவிழ்ததுவிடுவார்’ என்று அருளைப் பார்த்து, முதல்வர் அண்ணா சொன்னார் என்றால், அவர் கம்பீரத்தைக் கவனியுங்கள்.

இன்று மரியாதை நிமித்தமாக பொக்கே தூக்கிக்கொண்டு வரிசையில் நிற்கிறார்களே... கருணாநிதி முதல்வரானபோது சென்னைப் பல்கலைக்கழகத் துணைவேந்தராக இருந்த நெ.து.சுந்தரவடிவேலு அப்படி போகவில்லை. கருணாநிதியே இதைக் கேள்விப்பட்டு கோபம் ஆனதாக சொல்வார்கள். தன்னை ஐந்து நிமிடங்கள் காக்கவைத்தார் என்பதற்காக முதல்வர் எம்.ஜி.ஆரைச் சந்திக்காமல் வெளியேறியவர் தஞ்சை தமிழ் பல்கலைக்கழகத் துணைவேந்தராக இருந்த வி.ஐ.சுப்பிரமணியம். ஆனால், இப்போது இவை எல்லாம் பழங்கதைகள்.

நிலைமை எப்படி மாறிவிட்டது என்பதற்கு ஓர் உதாரணம்… அரசு அதிகாரி ஒருவர் மீது அதிகாரம் பொருந்தியவர் ஆத்திரப்பட்டு எச்சில் துப்பியதாக செய்தி பரவியது. அந்த அதிகாரியிடமே சக நண்பர் கேட்டாராம். ‘அப்படின்னா என்ன அர்த்தம், நாங்க ரெண்டு பேறும் அவ்வளவு நெருக்கமா உட்கார்ந்து பேசிக் கொண்டிருந்தோம்னு தெரியலையா?’ என்று சிரித்தாராம்.

நாம் அழுவதா – சிரிப்பதா?

நன்றி – ஜூனியர் விகடன் 25.12.13

நா.செ.மணி

இந்தப் பதிவை ஈகரை உறுப்பினர்களின் பேச்சைக் கேட்டு தெரியாமல் படித்துவிட்டேன் தாயே, என்னை மன்னித்தருள்வீராக!

இனிய காலை வணக்கங்கள்.

மிக அருமையான மறுமொழி.

அரசியல்ல இதெல்லாம் சகஜமப்பா, அப்படின்னு சொல்லிடுவானுங்க இந்த தரங்கெட்ட அரசியல்வாதிகள்.

              
ரமணியன்.