பழைய தமிழ் சினிமா நடிக நடிகையர் அபூர்வ புகைப்படங்கள்.

First topic message reminder :

பழைய தமிழ் சினிமா நடிக நடிகையர் புகைப்படங்கள். (தொடர்)

நம்மில் பலருக்கு அந்தக்கால நடிக நடிகையரின் புகைப்படங்களை காணும் போதோ, அல்லது தொலைக்காட்சிகளில் அவர்கள் நடித்த படங்களைக் காணும் போதோ மனதுக்குள் ஒரு இனம் புரியா சந்தோஷம் பரவுவதை உணர முடியும். நாம் டைம் மிஷினில் ஏறி அந்தக் காலத்திற்கு சென்று விட மாட்டோமா என்ற ஏக்கம் நமக்கு வருவதுண்டு. அதுவும் அரிய புகைப்படங்களைப் பார்க்கையில் ஏற்படும் பரவசமே தனிதான். அதற்காகத் தொடங்கப்பட்டதுதான் இந்தத் திரி. அன்பர்களும் தங்களிடம் உள்ள அரிய நட்சத்திரங்களின் புகைப்படங்களை இங்கே பதித்து அனைவரையும் இன்புறச் செய்யலாம்.

முதல் பதிவாக எனக்கு மிகவும் பிடித்த நடிகர் திலகத்தின் அபூர்வ வண்ணப் படமொன்றைப் பதிவிடுகின்றேன். பிடித்திருக்கிறதா என்று சொல்லுங்கள்.

'பேசும்படம்' பிப்ரவரி 1966

கானல் நீர் .. பானுமதியின் சிறந்த நடிப்பிற்கோர் சான்றான மற்றோர் திரைப்படம். பாடல்கள் அருமை. கண்ணில் என்று தொடங்கும் ஒரு பாடல் எனக்கு மிகவும் பிடித்த பாடல்களில் ஒன்று.
நினைவூட்டலுக்கு நன்றி வாசு சார்.
மிகவும் சிறப்பாக அமைந்துள்ளது இத்திரி. பாராட்டுக்கள்.

வீயார் சார்,

நன்றி! தங்கள் உயரிய ரசனைக்கு நிஜமாகவே தலை வணங்குகிறேன். தாங்கள் குறிப்பிட்டப் பாடலைக் கேட்டு கண்ணீர் விடாமல் இருந்தால் அவன் மனிதனே இல்லை. அழகிருந்தும் அறிவிருந்தும் இளம் வயதில் விதவையான கன்னியர் வாழ முடியாமல் தவிக்கும் நிலைமையை மன பாரத்துடன் விளக்கும் இந்தப் பாடலின் வரிகளைப் பாருங்கள். கரையாத மனமும் கரையுமே!

கண்ணில் தெரிந்தும் கைக்கு வராத கானல் நீருண்டு
கட்டழகிருந்தும் வாழ்க்கையில்லாத கன்னியர் பலருண்டு
மண்ணில் விளைந்தும் பசிக்குதவாத கனிகள் சிலவுண்டு
மனதில் இருந்தும் சொல்லில் வராத நினைவுகள் பலவுண்டு
நினைவுகள் பலவுண்டு

என்ன ஒரு பாடல்! என்ன ஒரு டியூன்! என்ன பாடகியின் குரல்! அந்தக் காலம் அந்தக் காலம்தான். பாடலை நினைவு படுத்தியதற்கு நன்றி!

'கானல் நீர்' நாகேஸ்வரராவ்





'கானல் நீர்' திரைப்படம் பானுமதியின் சொந்தப்படம் ஆகும். பானுமதியின் கணவர் ராமகிருஷ்ணா அவர்களே படத்தை இயக்கியிருந்தார். தெலுங்கிலும், தமிழிலும் நேரடியாக எடுக்கப்பட்ட இந்தப் படம் தெலுங்கில் 1961-ஆம் ஆண்டில் 'பாட்டசாரி' என்ற பெயரில் வெளியானது. நாகேஸ்வரராவ், பானுமதி, கல்கத்தா விஸ்வநாதன், ஜாவர் சீதாராமன், சௌகார் ஜானகி, பி.எஸ்.ஞானம், பி.ஆர்.பந்துலு, கொட்டாப்புளி ஜெயராமன் ஆகியோர் நடித்திருந்தனர். தேவிகாவும் உண்டு. ஒரு இளம் விதவைக்கும், அவளை காதலித்து மறக்க முடியாமல் வேறு பெண்ணை சூழ்நிலை காரணமாக மணந்து தவிக்கும் பணக்கார ஜமீன்தாருக்குமான உணர்ச்சிப் போராட்டங்களை விளக்கும் கதைதான் கானல் நீர். பானுமதியின் மிகச் சிறந்த நடிப்பைக் கொண்ட படம். பல பேருக்குத் தெரியாத அபூர்வ படமும் கூட.

இன்றும் இனிக்கும் இந்தப் பழைய படங்களுக்கு நன்றிகள் பல ஐயா.

 
-

நன்றி திரு.மாணிக்கம் நடேசன் மற்றும் திரு. அய்யாசாமி அய்யா.