குழந்தை நட்சத்திரமாக நடித்த நடிகர் மாஸ்டர் ஸ்ரீதர் மாரடைப்பால் மரணம்

by soplangi Thu Dec 12, 2013 1:18 pm

பல படங்களில் குழந்தை நட்சத்திரமாக நடித்த மாஸ்டர் ஸ்ரீதர், சென்னையில் மாரடைப்பால் மரணம் அடைந்தார். அவருக்கு வயது 61.

மாஸ்டர் ஸ்ரீதர்

கர்ணன், திருவிளையாடல், கந்தன் கருணை உள்பட பல படங்களில் குழந்தை நட்சத்திரமாக நடித்தவர், மாஸ்டர் ஸ்ரீதர். ‘குறத்தி மகன்’ படத்தில் கதாநாயகனாக, ஜெயசித்ராவுக்கு ஜோடியாக நடித்தார். 150 படங்களுக்கு மேல் நடித்த மாஸ்டர் ஸ்ரீதர், நீண்டகாலமாக ஆஸ்துமா நோயினால் அவதிப்பட்டு வந்தார். நேற்று அதிகாலை 4 மணிக்கு திடீர் மாரடைப்பு ஏற்பட்டு அவர் மரணம் அடைந்தார்.

ராதாரவி அஞ்சலி

அவருடைய உடல் சென்னை கொட்டிவாக்கம் கற்பகாம்பாள் நகரில் உள்ள வீட்டில் பொதுமக்கள் அஞ்சலிக்காக வைக்கப்பட்டிருந்தது. தென்னிந்திய நடிகர் சங்க பொதுச்செயலாளர் ராதாரவி உள்பட பல திரையுலக பிரமுகர்கள் மாலை வைத்து அஞ்சலி செலுத்தினார்கள்.

அதன்பிறகு மாலை 4 மணிக்கு மாஸ்டர் ஸ்ரீதரின் உடல் பெசன்ட்நகரில் உள்ள மின்சார மயானத்தில் தகனம் செய்யப்பட்டது.

மரணம் அடைந்த மாஸ்டர் ஸ்ரீதருக்கு பேபி இந்திரா என்ற மனைவியும், பிரசாந்த், ரக்ஷித் என்ற 2 மகன்களும் இருக்கிறார்கள்.

-- தினத்தந்தி

by **மாணிக்கம் நடேசன்** Thu Dec 12, 2013 1:20 pm

ஆத்மா சாந்தியாடைய பிராத்திக்கிறேன்.

by **ராஜா** Thu Dec 12, 2013 1:21 pm

அன்னாரின் ஆத்மா சாந்தியடைய எனது பிரார்த்தனைகள் & குடும்பத்தாருக்கு ஆழ்ந்த அனுதாபங்கள்

by பாலாஜி Thu Dec 12, 2013 1:31 pm

அன்னாரின் ஆத்மா சாந்தியடைய எனது பிரார்த்தனைகள் & அன்னாரின் குடும்பத்தாருக்கு ஆழ்ந்த அனுதாபங்கள்

by soplangi Thu Dec 12, 2013 1:32 pm

திருவிளையாடல் படத்தில், அவ்வையாரிடம், சுட்ட பழம் வேண்டுமா? சுடாத பழம் வேண்டுமா? என்று கேட்டு நடித்தவர் மாஸ்டர் ஸ்ரீதர்

-- தினகரன்

by **T.N.Balasubramanian** Thu Dec 12, 2013 1:42 pm

ஆன்ம சாந்தி அடைய வேண்டுகிறேன்.
ஆழ்ந்த அனுதாபங்கள் குடும்பத்தினருக்கு
ரமணியன்

by **krishnaamma** Thu Dec 12, 2013 2:25 pm

ஆத்மா சாந்தியடைய பிராத்திக்கிறேன் :வணக்கம்:

by veeyaar Thu Dec 12, 2013 10:02 pm

மாஸ்டர் ஸ்ரீதரின் மறைவு உண்மையிலேயே அதிர்ச்சியளிக்கக் கூடியதாக உள்ளது. அந்நாளைய சிறந்த கலைஞர்கள் ஒவ்வொருவராக மறைந்து வருவது மனதுக்குக் கஷ்டமாக இருக்கிறது.

அவருடைய ஆன்மா சாந்தியடைய இறைவனை வேண்டுகிறேன்.