சூப்பர் ஸ்டார் ரஜினிகாந்த் பிறந்தநாள் - (டிச. 12, 1950)

by **ராஜா** Thu Dec 12, 2013 12:04 pm

தமிழ் சினிமாவில் சூப்பர் ஸ்டார் என அழைக்கப்படும் ரஜினிகாந்த் 1950-ம் ஆண்டு டிசம்பர் மாதம் இதே தேதியில் பிறந்தார். கர்நாடக மாநிலத்தில் பிறந்த இவரது இயற்பெயர் சிவாஜி ராவ் கெய்க்வாட். இவருடைய பெற்றோர் ராமோசிராவ் கெய்க்வாட்-ராமாபாய் ஆவர். ஐந்து வயதான நிலையில் தனது தாயை இழந்த சிவாஜிராவ் பெங்களூரில் கல்வி பயின்றார். படித்து முடித்தவுடன் பெங்களூரில் பேருந்து நடத்துனராக பணியாற்றினார்.

இந்த காலக்கட்டத்தில் பல மேடை நாடகங்களில் நடித்த சிவாஜிராவ் மனதில் சினிமாவில் நடிக்க வேண்டும் என்ற ஆவல் எழுந்தது. இதையடுத்து, நடிகராகும் ஆசையுடன் சென்னைக்கு வந்தார். நண்பரின் உதவியுடன் சென்னை திரைப்படக் கல்லூரியில் சேர்ந்து பயின்றார். 1975-ம் ஆண்டு கே.பாலச்சந்தர் இயக்கிய ‘அபூர்வ ராகங்கள்’ என்ற படத்தில் சிறிய வேடத்தில் நடித்தார். அடுத்து அவர் நடித்த மூன்று முடிச்சு என்ற படம் அவரை சிறந்த நடிகராக அடையாளம் காட்டியது.

அதன்பிறகு ‘16 வயதினிலே’, ‘காயத்ரி’ போன்ற படங்களில் வில்லனாக நடித்தார். அதன்பிறகு, நிறைய படங்களில் ஹீரோவாக நடிக்கத் தொடங்கினார். பில்லா, போக்கிரி ராஜா, முரட்டுக்காளை போன்ற படங்கள் இவரை அதிரடி நாயகனாக ஆக்கியது. தில்லு முல்லு திரைப்படத்தின் மூலம் தான் ஒரு நல்ல நகைச்சுவை நடிகர் என்பதையும் நிரூபித்து காட்டியவர். ஸ்ரீராகவேந்திர சுவாமிகளின் தீவிர பக்தரான இவர் தனது 100-வது படமாக ஸ்ரீராகவேந்திர சுவாமிகளின் வாழ்க்கை பற்றிய காவிய படமான ‘ஸ்ரீராகவேந்திரா’ படத்தில் நடித்தார்.

1980-களில் இவர் நடித்த பல படங்கள் பொழுதுபோக்கு அம்சங்கள் நிறைந்ததாக இருந்தன. 1999-ஆம் ஆண்டு படையப்பா படத்திற்கு பிறகு சுமார் 3 ஆண்டுகள் படத்தில் நடிக்காமல் ஒதுங்கி இருந்தார். இதோடு சினிமாவில் இருந்து ஒதுங்கிவிடுவார் என்று நினைத்திருந்த வேளையில், பாபா என்ற படத்தில் நடித்தார். அந்த படம் சரிவர வெற்றியடையவில்லை. இதையடுத்து, ஒரு வெற்றியைக் கொடுத்துவிட்டு சினிமாவில் என்று ஒதுங்கலாம் என்றிருந்தவர் அடுத்ததாக நடித்த ‘சந்திரமுகி’ என்ற படம் அவரை மேலும் புகழின் உச்சிக்கு இழுத்துச் சென்றது. இதைத்தொடர்ந்து ‘சிவாஜி’, ‘குசேலன்’, ‘எந்திரன்’ ஆகிய படங்களில் நடித்து தனது ரசிகர் பலத்தை தக்கவைத்துக் கொண்டார்.

ரஜினி தமிழ் மட்டுமல்லாது தெலுங்கு, இந்தி, கன்னடம், மலையாளம், வங்காளம், ஆங்கிலம் ஆகிய மொழிகளிலும் 154 திரைப்படங்களில் நடித்துள்ளார். ரஜினிகாந்தின் திரைப்படங்களுக்கு தமிழகத்தில் மாபெரும் வரவேற்பு கிடைக்கிறது. அவருடைய திரைப்படங்கள் தயாரிப்பாளர்களுக்கும், வெளியீட்டாளர்களுக்கும் அதிக லாபத்தை ஈட்டிக் கொடுக்கிறது. தமிழகத்தில் இவருக்கு பல்லாயிரக்கணக்கான ரசிகர் மன்றங்கள் உள்ளன. இதுதவிர ஜப்பானிலும் பல ரசிகர்கள் உள்ளனர்.

ரஜினிகாந்த் 1981-ம் வருடம் பிப்ரவரி 16-ந் தேதி லதாவை மணந்தார். இவர்களுக்கு ஐஸ்வர்யா, சௌந்தர்யா என இருமகள்கள் உள்ளனர். மூத்தமகள் ஐஸ்வர்யாவை நடிகர் தனுசுக்கும், இளைய மகள் சௌந்தர்யாவை அஸ்வின் ராம்குமார் என்ற தொழிலதிபருக்கும் திருமணம் செய்து கொடுத்துள்ளார். தன்னுடைய இளைய மகள் சௌந்தர்யா இயக்கத்தில் ரஜினி நடித்துள்ள ‘கோச்சடையான்’ என்ற அனிமேஷன் படம் முடிவடைந்து திரைக்குவர தயாராக உள்ளது. இந்த படம் வெளியானால் ஹாலிவுட் தரத்துக்கு ரஜினி பேசப்படுவார் என அனைவராலும் எதிர்பார்க்கப்படுகிறது.

-maalaimalar

by பாலாஜி Thu Dec 12, 2013 12:40 pm

இனிய பிறந்த நாள் நல் வாழ்த்துகள் பிறந்தநாள்

by **உமா** Thu Dec 12, 2013 12:42 pm

சூப்பர் ஸ்டாருக்கு இனிய பிறந்த நாள் நல் வாழ்த்துகள் பிறந்தநாள்

by **ஜாஹீதாபானு** Thu Dec 12, 2013 12:49 pm

இனிய பிறந்தநாள் நல் வாழ்த்துகள் சூப்பர் ஸ்டார்

by பூர்ணகுரு Thu Dec 12, 2013 1:24 pm

இவன் பேர் சொன்னதும்
பெருமை சொன்னதும்
கடலும் கடலும் கைதட்டும்
இவன் உலகம் தாண்டிய
உயரம் கொண்டதில்
நிலவு நிலவு தலை முட்டும்
அடி அழகே உலகழகே

இந்த " ரஜினி " என்பவன் படைப்பின் உச்சம் !

சூப்பர் ஸ்டாரு யாருன்னு கேட்டா
சின்னக் குழந்தையும் சொல்லும் கண்ணா
உங்க பேரை ஒரு தரம் சொன்னா
நிமிர்ந்து எழுந்திடும் புல்லும் !

வீரத்தில் மன்னன் நீ
வெற்றியில் கண்ணன் நீ
என்றுமே ராஜா நீ ரஜினி நீ ரஜினி
உண்மைக்கு பேர் சொல்லும் கலைஞனே
நீ ஒரு கோடி ஆண்களின் தலைவனே
மின்னல் போல, நீ வந்து நின்றால்
கூட்டம் கை தட்டுமே கொடி பூக்கள் கொட்டுமே ...

இனிய பிறந்தநாள் நல்வாழ்த்துகள் தலைவா ! புன்னகை

by **சிவா** Thu Dec 12, 2013 4:34 pm

by உதயசுதா Thu Dec 12, 2013 5:41 pm

சிவா wrote:

மேற்கோள் செய்த பதிவு: 1038062

நானும் திட்டணும்ன்னு நினைச்சு வந்தேன். இத பார்த்ததும் இதை விட வேற எந்த வார்த்தையில் திட்ட முடியாது

by யினியவன் Thu Dec 12, 2013 8:37 pm

வாழ்த்துகள் சூப்பர் ஸ்டாருக்கு.

(அட போங்க பாஸ் இங்கிருக்கும் பச்சைத் தமிழனே பச்சை துரோகம் செய்யறான் தமிழனுக்கு - இதுல இவரு நமக்கு எதுவும் பண்ணலேன்னு சொல்றது ரொம்பவே ஓவரா இருக்கு)

நமை மகிழ்விக்க இவர்கள் நடிப்பதை நடிப்பா மட்டும் பார்த்தால் இந்த மாதிரி உணர்ச்சிவசப் படவேண்டாம்.

by **T.N.Balasubramanian** Thu Dec 12, 2013 9:36 pm

சினிமா நக்ஷத்திரங்களுக்கு பிறந்த நாள் வாழ்த்து கூறுவதில் அர்த்தம் இல்லை ,அவசியமும் இல்லை என்று எனது பிந்தைய பதிவில் குறிப்பிட்டு இருந்தேன். 2 அல்லது 3 வருடங்களுக்கு முன் இவர் பிறந்த நாள் பதிவு வந்தபோது , ஈகரை ரஜினி அன்பர்களை , அவர் தமிழனுக்காக /தமிழ்நாட்டிற்கு என்ன செய்தார் என்று பட்டியல் இடமுடியுமா என்று கேட்டு இருந்தேன்.
என் நிலையில் மாற்றம் இல்லை.
மாயை இல் இருந்து விடுபட வேண்டும்.
ரமணியன்

by **krishnaamma** Thu Dec 12, 2013 9:46 pm

T.N.Balasubramanian wrote:சினிமா நக்ஷத்திரங்களுக்கு பிறந்த நாள் வாழ்த்து கூறுவதில் அர்த்தம் இல்லை ,அவசியமும் இல்லை என்று எனது பிந்தைய பதிவில் குறிப்பிட்டு இருந்தேன். 2 அல்லது 3 வருடங்களுக்கு முன் இவர் பிறந்த நாள் பதிவு வந்தபோது , ஈகரை ரஜினி அன்பர்களை , அவர் தமிழனுக்காக /தமிழ்நாட்டிற்கு என்ன செய்தார் என்று பட்டியல் இடமுடியுமா என்று கேட்டு இருந்தேன்.
என் நிலையில் மாற்றம் இல்லை.
மாயை இல் இருந்து விடுபட வேண்டும்.
ரமணியன்

மேற்கோள் செய்த பதிவு: 1038186

நீங்க அப்படி சொன்னதால் தான் நான் இன்று வாழ்த்து போடலை ஐயா புன்னகை

நேற்று பாரதியார் பிறந்த தினம் என்று போட்டதற்கு எவ்வளவு பார்வையாளர்கள் என்று பாருங்களேன் சோகம்