ஆசிரியரை புரட்டி எடுத்த மாணவர்கள்.

N.S.Mani · N.S.Mani Tue Dec 10, 2013 10:29 am

ஆசிரியரை புரட்டி எடுத்த மாணவர்கள்.

கல்வி வியாபாரமாக மாறிவிட்டது. மாணவர்கள் மதிப்பெண்கள் பெரும் இயந்திரமாக பார்க்கப்படுகிறார்கள். இந்த கல்வி வியாபாரிகளுக்கு லாபம் மட்டும்தான் குறிக்கோள். படி, படி என்று விடுமுறை நாட்களில்கூட சிறப்பு வகுப்புக்களை நடத்தி அவர்களை பாடாய் படுத்துகிறார்கள். பெற்றோர்களும் அவர்கள் பங்குக்கு தங்கள் கனவுகளை எல்லாம் குழந்தைகள் மீது திணிக்கிறார்கள். இதன் விளைவு... குழந்தைகள் மன அழுத்தம் கொண்டவர்களாக மாறுகிறார்கள்.

விளையாட்டு, ஓவியம், இசை, போன்ற வடிகால் தருகின்ற வகுப்புக்கள் இந்த மாதிரி பள்ளிகளில் அறவே இல்லை. போதாக்குறைக்கு தனியார் பள்ளிகளே புதுப்புது பாடதிட்டங்களைப் புகுத்தி கூடுதல் சுமையை மாணவர்களுக்கு கொடுக்கின்றன. அந்த மன அழுத்தக் கோபத்தை அவன் ஆசிரியர்கள் மீது காட்டுகிறான். ஆசிரியர்களுக்கும் 'டார்க்கெட்' கொடுத்து ரிசல்ட் கொடுக்கச்சொல்லி இந்த தனியார் பள்ளிகள் வறுத்து எடுக்கின்றன. அவர்களும் மாணவர்களிடம் கடுமையாக நடந்துகொள்கிறார்கள். அதன் விளைவுதான் இப்படிப்பட்ட தாக்குதல்கள். சமச்சீர் கல்விமுறையை தீவிரமாக நடைமுறைப்படுத்துவது ஒன்றே இதற்கு சரியான தீர்வு'

திருப்பூரைச் சேர்ந்த பிரபல எழுத்தாளர் திரு.சுப்ரபாரதி - ஜூனியர் விகடன்

--------------------------------------------------------------------------------------------------
எனது கருத்து:[/u] ஆசிரியர்களை மாணவர்கள் அடிப்பது, புரட்டி எடுப்பது போன்றவைகள் ஏற்றுக்கொள்ளத்தக்க செய்கைகள் அன்று. கண்டிக்கத்தக்க திருத்தப்படவேண்டிய ஒன்று என்பதில் யாருக்கும் கருத்துவேறுபாடு இருக்காது.

ஆனால், சமச்சீர் கல்விமுறையை தீவிரமாக நடைமுறைப்படுத்துவது ஒன்றே சரியான தீர்வாக இருக்காது. ஏனெனில், தமிழக அரசினால் அமல் படுத்தப்பட்டுள்ள இன்றைய சமச்சீர் கல்விமுறையின் தரம் மேலும் மேம்படுத்தப்பட வேண்டியது மிக அவசியம். இந்த முறையில் பயிலும் மாணவர்கள் நாளை வேலை வாய்ப்புகளில் அடுத்த மாநிலங்களுடன் போட்டி போட முடியாது என்பதே உண்மை.

எங்களுடைய பேரன் ஐந்தாம் வகுப்பில் புகுத்தப்பட்ட சமச்சீர் கல்வியின் குறைந்த தரம் காரணமாக (பல கீழ் வகுப்பு பாடங்கள் மறுபடியும் 5-ம் வகுப்பு பாடத்தில் புகுத்தப்பட்டிருந்ததை ஏற்றுக்கொள்ள முடியாமல்,) அவனே எங்களை வற்புறுத்தி, 6-ம் வகுப்பிற்கு சி.பி.எஸ்.சி பாடதிட்டமுள்ள பள்ளியில் சேர்ந்து இதர பள்ளிகளில் படிக்கும் மாணவர்களின் தரத்திற்கு தன்னையும் உயர்த்திக்கொண்டு மகிழ்ச்சி அடைகிறான்.

**ஜாஹீதாபானு** · **ஜாஹீதாபானு** Tue Dec 10, 2013 3:35 pm

நல்ல பதிவு நன்றி

**சிவா** · **சிவா** Tue Dec 10, 2013 4:01 pm

என்னதான் காரணங்கள் கூறினாலும், கற்றுத் தரும் ஆசிரியரை மதிக்காத ஒருவன் எவ்வகையிலும் இச்சமுதாயத்திற்கு உகந்தவனாக இருக்க மாட்டான்! இவர்களை பள்ளிகளிலிருந்து நீக்குவதுதான் ஒரே வழி! வேறு எந்தப் பள்லியிலும் சேர முடியாதவாறு செய்ய வேண்டும்!

**மாணிக்கம் நடேசன்** · 14/12/2009

நல்ல வேல நான் தமிழ்நாட்டுல ஆசிரியர் பணி புரியல. தப்பிச்சேன் சாமி.

**Muthumohamed** · **Muthumohamed** Tue Dec 10, 2013 11:50 pm

இதெல்லாம் கண்டிக்க வேண்டிய செயல் தான் அப்போது தான் மாணவர்களுக்கு ஒரு பயம் வரும்

**M.M.SENTHIL** · **M.M.SENTHIL** Wed Dec 11, 2013 11:04 am

சிவா wrote:என்னதான் காரணங்கள் கூறினாலும், கற்றுத் தரும் ஆசிரியரை மதிக்காத ஒருவன் எவ்வகையிலும் இச்சமுதாயத்திற்கு உகந்தவனாக இருக்க மாட்டான்! இவர்களை பள்ளிகளிலிருந்து நீக்குவதுதான் ஒரே வழி! வேறு எந்தப் பள்லியிலும் சேர முடியாதவாறு செய்ய வேண்டும்!

மேற்கோள் செய்த பதிவு: 1037493

ஏற்றுக் கொள்கிறேன். ஆனால், கல்விக் கண் திறக்கும் ஆசிரியரே சில பள்ளிகளில், மாணவிகளிடம் தவறான முறையில் நடந்து கொள்ளும்போது?,. அவர்களையும் வேலையை விட்டு நிரந்தரமாக நீக்க வேண்டும். வேறு எந்த பள்ளியிலும் வேலை கொடுக்க கூடாது.

இப்போது சில அரசு பள்ளிகளில் மாணவர்களை மிகவும் கீழ்த்தரமாக விமர்சிக்கும் ஆசிரியர் உண்டு. மாணவர்கள் கெட்டுபோக இவர்களும் ஒரு காரணம்.