மிசோராம் தேர்தல்: ஆட்சியை தக்க வைத்தது காங்கிரஸ்!

ஐஸ்வால்: மிசோரம் மாநில சட்டமன்ற தேர்தலில் காங்கிரஸ் கட்சி அறுதிப்பெரும்பான்மை இடங்களை கைப்பற்றி ஆட்சியை தக்கவைத்துக்கொண்டுள்ளது.

40 தொகுதிகளைக் கொண்ட மிசோரம் சட்டசபைக்கு நவம்பர் 25ஆம் தேதி தேர்தல் நடைபெற்றது. மிசோரமில் தற்போது காங்கிரஸ் ஆட்சி நடைபெற்று வருகிறது. 40 தொகுதிகளிலும் காங்கிரசும் அதன் கூட்டணி கட்சிகளும் போட்டியிட்டன.

வாக்கு எண்ணிக்கை இன்று காலை தொடங்கி நடைபெற்ற நிலையில், முடிவு அறிவிக்கப்பட்ட 25 தொகுதிகளில் காங்கிரஸ் கட்சி 24 தொகுதிகளில் வெற்றி பெற்றுள்ளதாக அறிவிக்கப்பட்டுள்ளது. மேலும், 6 தொகுதிகளில் காங்கிரஸ் கட்சி முன்னிலை பெற்றுள்ளது. ஆட்சியமைக்க தேவையான அறுதிப்பெரும்பான்மைக்கு 21 இடங்களே தேவை என்ற நிலையில் காங்கிரஸ் கட்சி அதற்கும் அதிகமான தொகுதிகளில் வெற்றி பெற்றுள்ளதால், ஆட்சியை தொடர்ந்து தக்கவைத்துக்கொண்டுள்ளது.

சோரம் தேசியவாத கட்சி 4 இடத்தில் வெற்றி பெற்றுள்ளதாகவும் தெரிவிக்கப்பட்டுள்ளது.

இந்த  தேர்லில் மிசோ தேசிய முற்போக்கு கட்சி 31 இடங்களிலும், மிசோரம் மக்கள் மாநாட்டு கட்சி 8 இடங்களிலும், மாராலாந்து ஜனநாயக முற்போக்கு கட்சி ஒரு இடத்திலும் போட்டியிட்டது.

சோரம் தேசியவாத கட்சி 38 இடங்களிலும், பா.ஜ.க 17 இடங்களிலும் போட்டியிட்டன. இவர்கள் தவிர 2 தேசியவாத காங்கிரஸ் வேட்பாளர்களும், ஒரு ஜெய் மகா பாரத் கட்சி வேட்பாளரும், 4 சுயேட்சைகளும் களத்தில் நின்றனர்.
 
மிசோரமில் முதல்வராக உள்ள காங்கிரஸ் கட்சியின் லால் தன்ஹவ்லா தனது சொந்த தொகுதியில் போட்டியிட்டார். இவர் கடந்த 4 முறையாக முதல்வராக இருந்து வருவது குறிப்பிடத்தக்கது.

முக்கிய எதிர்க்கட்சியான மிசோ தேசிய முற்போக்கு கட்சியின் தலைவரும் முன்னாள் முதல்வருமான சோராம்தங்கா துய்புய் கிழக்கு தொகுதியில் போட்டியிட்டுள்ளார்

என்னாது, ஜெயிச்சாச்சா?. கடவுளே என்ன கொடுமை இது.

ஆறுதல் பரிசு போல் தோனுகிறதே ?

ஐந்தாவது முறையும் ஒருத்தர்
முதல்வராகிறார் என்றால் அவரைப்
பாராட்டியே தீர வேண்டும்
-
அவர் புகைப்படத்தை போடுங்க...!