தண்ணீரில் கல் மிதப்பது அதிசயமா?

**டார்வின்** · **டார்வின்** Mon Dec 09, 2013 2:32 pm

தண்ணீரில் கல் மிதப்பது அதிசயம் ஒன்றும் இல்லை. இது ஒரு இலகுவான இயற்பியல் தான். அனைவராலும் இந்த கூற்றைப் புரிந்து கொள்ள இயலும்.

இருப்பினும், இக்கூற்றை ஏற்றுக் கொள்ளும் பக்குவம் மிகச் சிலருக்கு மட்டுமே இருக்கும். தண்ணீரில் மிதக்கும் கற்கள் எவ்வாறு உருவாகின்றன?

எரிமலை வெடிக்கும் பொழுது, அதிலிருந்து வெளிவரும் எரிமலை குழம்புகள் பெரும்பாலும் திரவ நிலையிலான கற்களும் பாறைகளுமே ஆகும். இவ்வாறு மிகுதியான வெப்பநிலை கொண்ட கற்குழம்புகள், குறைவான அழுத்தத்தினாலும் (மலைகளில் பெரும்பாலும் அழுத்தம் குறைவாக இருக்கும்) வெகு விரைவாகக் குளிரடைவதாலும், கற்குழம்புகளுக் கிடையே காற்றுக் குமிழ்கள் (air bubbles) தோன்றுகின்றன. கற்குழம்பில் கலக்கும் கரிவளி, மேலும் கற்குழம்பில் நுரை தோன்ற வழி வகுக்கின்றன. (குளிர்பானத்தைத் திறக்கும் பொழுது காற்றோடு கலக்கும் பானம் நுரையை ஏற்படுத்துவது போல) நீரில் மிதக்கும் கற்கள் பெரும்பாலும் வெளிர் நிறத்தில் (வெளுப்பான நிறம்) காணப்படும். கடலுக்கு அடியில் ஏற்படும் எரிமலை வெடிப்புகள், கடலின் மேற்பரப்பில் மிதக்கும் கற்கள் தோன்றுவதற்கு வழிவகுக்கின்றன. எடுத்துக்காட்டாக 2006-ஆம் ஆண்டு, ஃபிஜி அருகே தென்-பசிபிக் கடலுக்கு அடியில் ஏற்பட்ட எரிமலை வெடிப்புகள் ஃபிஜி தீவுகளிடையே பல மிதக்கும் கற்களைத் தோற்றுவித்துள்ளன. 30km வரையிலான பரப்பளவு கொண்ட கற்கள் , ஃபிஜி அருகே கடலில் மிதக்கின்றன. பல வருடங்களுக்கு முன் பெரிய பரப்பளவு கொண்ட மிதக்கும் கற்களைக் கப்பல் போல பயன்படுத்தி தான் விலங்குகள் ஒரு தீவை விட்டு மற்றொரு தீவுக்குப் புலம் பெயர்ந்ததாக உயிரியல் ஆய்வாளர்கள் கருத்து தெரிவிக்கின்றனர். பெரிய பரப்பளவைக் கொண்ட மிதக்கும் எரிமலை கற்கள் ஆங்கிலத்தில் 'மிதக்கும் கற்கப்பல்கள்' என்றழைக்கப்படுகின்றது.
facebook

**டார்வின்** · **டார்வின்** Mon Dec 09, 2013 2:38 pm

தண்ணீரில் கல் மிதப்பது அதிசயமா? OcHg8TZPTGiFCcbEutJ3+BVKS_FloatingStone12

பாறைகள் தண்ணீரில் விழுந்தால் அல்லது போடப்பட்டால் அவைகள் மூழ்குவதுதான் இயல்பு. ஆனால் ராமேசுவரத்தில் மட்டும் ஆச்சரியப்படும் வகையில் பாறைகள் தண்ணீரில் மிதக்கின்றன. ராவணனால் கவர்ந்து செல்லப்பட்ட சீதையை மீட்கும் பொருட்டு இலங்கை செல்ல ராமபிரான் பாறைகளை கடலில் தூக்கிப்போட்டு பாலம் அமைத்தார் என்று சொல்வார்கள்.

இலங்கைக்கும் ராமேஸ்வரத் திற்கும் இடையே உள்ள ஆதம் பாலம் அதாவது தற்போது ராமர் பாலம் என்று கருதுவது ராமபிரான் அமைத்ததே என்ற கருத்து இப்போதும் உள்ளது. அவ்வாறு ராமர் அமைத்ததாகக்
கூறப்படும் பாலத்திற்கும் இங்கே தண்ணீரில் மிதக்கும் பாறைக்கும் நிறைய தொடர்பு இருப்பதாகச் சொல்கிறார்கள்.

தீவு நகரமான ராமேஸ்வரத்தில் உள்ள துளசி பாபா மடத்தில் இந்த மிதக்கும் பாறைகள் உள்ளன. அந்த மடத்தில் ஒரு தொட்டிக்குள் தண்ணீர் நிரப்பி அதில் இரண்டு பாறைகளை மிதக்க விட்டிருக்கிறார்கள். இன்னும் சில பாறைகளை அங்கே வருவோர் கைகளால் தொட்டுப்பார்ப்பதற்காக அருகே வைத்திருக்கிறார்கள்.
தண்ணீரில் கல் மிதப்பது அதிசயமா? RxxG7h8CT5GnoXafrhzo+images