மலரும் பாரதியார் நினைவுகள்

**ayyasamy ram** · **ayyasamy ram** Sat Dec 07, 2013 11:57 pm

சுப்பிரமணிய பாரதி
(திசம்பர் 11, 1882 - செப்டம்பர் 11, 1921).
-

மலரும் பாரதியார் நினைவுகள் 0nZ1SaLaRBymkSviA9qR+Bharathiar

----

இவர் பாரதியார் என்றும், மகாகவி என்றும்
அழைக்கப்படுகிறார். பாரதி ஒரு கவிஞர், எழுத்தாளர்,
பத்திரிக்கையாசிரியர், விடுதலை வீரர், சமூக
சீர்திருத்தவாதி என பல்வேறு பரிமாணங்கள் கொண்டவர்.
சுப்பிரமணியன் என்ற இயற்பெயர் கொண்டவர்.
-
தமிழின் கவிதை மற்றும் உரைநடையில் தன்னிகரற்ற
புலமை பெற்ற பேரறிவாளரும், நவீன தமிழ் கவிதைக்கு
முன்னோடியும் ஆவார்.
-
தம் எழுத்துக்களின் வாயிலாக மக்களின் மனதில்
விடுதலை உணர்வை ஊட்டியவர். இந்திய வரலாற்றின்
திருப்பங்கள் நிறைந்த காலகட்டத்தில் வாழ்ந்தவர்.
இவரின் சமகாலத்தைய மனிதர்கள் மகாத்மா காந்தி,
பால கங்காதர திலகர், உ. வே. சாமிநாதையர்,
வ. உ. சிதம்பரம் பிள்ளை மற்றும் மகான் அரவிந்தர்
ஆகியோர்.
-
தமிழ், தமிழர் நலன், இந்திய விடுதலை, பெண் விடுதலை,
சாதி மறுப்பு மற்றும் பல்வேறு சமயங்கள் குறித்து
கவிதைகளும் கட்டுரைகளும் எழுதியுள்ளார். இவருடைய
கவித்திறனை மெச்சி பாரதி என்ற பட்டம் எட்டப்ப
நாயக்கர் மன்னரால் எட்டயபுரம் அரச சபையால்
வழங்கப்பட்டது.
-
-----------------------------------
;

**ayyasamy ram** · **ayyasamy ram** Sun Dec 08, 2013 12:01 am

மதுரை: மகாகவி பாரதியார் நினைவாக அவர் உருவம் பொறித்த நாணயங்களை வெளியிடும் கோரிக்கையை மத்திய அரசு நிராகரித்துள்ளது. மதுரை பாரதியார் சிந்தனையாளர் அமைப்பின் செயலாளர் வக்கீல் லட்சுமி நாராயணன், ஜனாதிபதி பிரணாப் முகர்ஜிக்கு அனுப்பிய மனு: மகாகவி சுப்பிரமணிய பாரதியார் தேசிய கவிஞர். இந்திய விடுதலைக்காக போராடிய வீரர். அவர் தூத்துக்குடி மாவட்டம் எட்டையபுரத்தில் 1882ல் பிறந்தார். 39வது வயதில் இறந்தார். பாடல்கள், கவிதைகள் ஏராளம் எழுதியுள் ளார். அவரது அனைத்து படைப்புகளை தமிழக அரசு தேசியமயமாக்கி உள்ளது.

அவரது நினைவை போற்றும் வகை யில், அவரின் படம், பாராளுமன்றத்தில் 2004ல் திறக்கப்பட்டது. பாரதியாரின் பிறந்த நாளான டிச.11ல் அவரை கவுரவிக்கும் விதத்தில் அவரது உருவம் பொறித்த ரூ.100, ரூ.5 நாணயங்களை வெளியிட வேண்டும். ரவீந்திரநாத் தாகூர் நினைவாக அவரது உருவம் பொறித்த நாணயங்களை வெளியிடுவதாக அறிவிப்பு வெளியிடப்பட்டுள்ளது. இதனை வரவேற்கிறோம், பாரதியாரும் தேசிய கவிஞர். அவர் நினைவாகவும் அவர் உருவம் பொறித்த நாணயங்களை வெளியிட வேண்டும். இவ்வாறு மனுவில் கூறப்பட்டிருந்தது.

இந்த மனுவுக்கு மத்திய நிதித்துறை செயலாளர் பங்கஜ் குப்தா, பதிலளித்து அனுப்பியுள்ள கடிதத்தில், Ôஉங்களது மனு ஆய்வுக்கு உட்படுத்தப்பட்டது. இந்த ஆய்வில், பாரதியார் நினைவு நாணயம் வெளியிடுவதற்கான சிறப்பு நிகழ்வு, திருப்புமுனை எதுவும் இல்லை என தெரியவந்துள்ளது. எனவே, உங்களது கோரிக்கையை ஏற்க முடியாது' என கூறப்பட்டுள்ளது.
-
நன்றி: தினகரன்

மலரும் பாரதியார் நினைவுகள்

மலரும் பாரதியார் நினைவுகள்

Re: மலரும் பாரதியார் நினைவுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக