என் பெயர் கௌதம்

**ராஜ்அருண்** · **ராஜ்அருண்** Thu 5 Dec 2013 - 2:29

புதுமையான படைப்பாளிகளை இனம்கண்டு சிறந்த படைப்புகளை வெளியிட்டு கொண்டிருக்கும் யாழ் பதிப்பகத்தின் அடுத்த வெளியீடு ,இளம் எழுத்தாளர் கார்த்திக் ன் இரண்டாவது நாவல் "என் பெயர் கௌதம்"

இவரது முதல் படைப்பான "நிலவில் ஒரு நாள்" அனைத்து வாசகர்களையும் வெகுவாக கவர்ந்தது அதன் காரணமாகவே "என் பெயர் கௌதம் ".புத்தக முன்பதிவே இரண்டாயிரத்தை தாண்டியது.மிகுந்த எதிர்பார்ப்புடன் இன்று வெளியானது .ஆர்வ மிகுதியால் காலையே சுதர்சன் புக் மாலில் சென்று வாங்கி வந்தேன் .ஒரே மூச்சில் படித்து முடித்தாகிவிட்டது

கதைப்படி சிறுவயதில் தந்தையை இழந்து தாயின் அரவணைப்பில் வாழும் சிறுவன் கௌதம் .ஆடிசம் நோயால் பாதிக்கபட்டவன் .ஒரே மகன் என்பதால் மையத்தில் சேர்க்காமல் தன்னுடனே வைத்து வளர்த்துவருகிறார் அவனது தாய்.இருப்பினும் கௌதமின் செயல்பாடுகள் அவரை துவள செய்கிறது ,மகனின் எதிர்காலம் என்னவாகும் என்கிற பயத்திலேயே வாழ்கிறார்.
பின்னர் கௌதமின் நண்பர்கள் ,சமூகம் அவனை பார்க்கும் விதம்,அவன் படும் துயரங்கள் என நீள்கிறது

ஒரு கட்டத்தில் 2007 ல் வெளியான taare zameen par கதையோ என்று நினைக்கும் வேளையில் ,கதையில் திருப்பம் ,கௌதம் தாயின் இறப்பு ,அதை தொடர்ந்து தன் மாமாவின் பண்ணைவீடுஅங்கு கூட்டி செல்லப்படும் கௌதமிடம் முன்பில்லாத மாற்றங்கள்.நோயின் தாக்கம் என அவனது மாமா கவனிக்காமல் விடுகிறார் ,ஒரு சமயத்தில் தனியாக அமர்ந்து பேசிகொண்டிருக்கும் கௌதமை நிலை கண்ணாடியில் பார்த்து அதிர்ச்சியடைகிறார் கண்ணாடியில் அமானுஷ்ய உருவம் அவனுடன் அமர்ந்து பேசிகொன்டிருக்கிறது .அங்கிருந்து சூடு பிடிக்கிறது கதை .இறுதிவரை அதே வேகம்.

மன நோய்க்கும் அமானுஷியத்திற்கும் சிக்கியிருக்கும் கௌதமை காப்பாற்ற போராடுகிறார் ,மனோ தத்துவ நிபுணர் உதவியுடன் .அந்த டாக்டர் ம் ஒரு ஆவி என்று தெரியவருகிறது .இறுதியில் என்னவாயிற்று என்பதே மீதி கதை ,பண்ணை வீட்டிலிருந்து தான் எழுத்தாளரின் திறன் பளிச்சிடுகிறது ,இறுதி முடிவு யாரும் யூகிக்க முடியாதது

.நாவல் விரும்பிகளுக்கு மிகவும் பிடிக்கும் .எழுத்தாளரின் முந்தய படைப்பு "நிலவில் ஒரு நாள்" ஏற்படுத்திய தாக்கம் இதில் இல்லை மற்றபடி அனைவரும் படிக்கலாம் .நீங்கள் படித்து விட்டு கருத்துக்களை பின்னூட்டத்தில் தெரிவியுங்கள் .

புத்தகம் கிடைக்கும் இடங்கள் :நியூ வேர்ல்ட் புக் ஸ்டோர்,ஓல்ட் அண்ணா நகர் ,சென்னை .(வானதி ,கிழக்கு பதிப்பகங்களிலும் கிடைக்கிறது) .விலை 300 ரூபாய்

2020 ல் வெளியாகவிருக்கும் புத்தகத்திற்கு முதன் முதலில் விமர்சனம் எழுதியவன் என்கிற பெருமையில் லேப்டாப் ஐ shutdown செய்கிறேன் .அருகிலிருக்கும் என் கால யந்திரம் கண்ணடிக்கிறது ஓரக்கண் பார்வை