'பெண்களிடம் பேச அச்சமாக உள்ளது'- மத்திய அமைச்சர் பரூக் அப்துல்லா

thavamani · thavamani Fri Dec 06, 2013 6:27 pm

ஜம்மு: நாட்டில் தற்போது உள்ள சூழலில் பெண்களிடம் பேசவே தமக்கு அச்சமாக இருப்பதாகவும், இதனால் சிறைக்கு செல்ல வேண்டிய நிலை இருக்கிறது என்ற பயமும் ஏற்பட்டுள்ளதாகவும் மத்திய அமைச்சர் பரூக் அப்துல்லா கூறியுள்ளார். இவரது பேச்சுக்கு பா.ஜ., மகளிரணியை சேர்ந்தவர்கள் எதிர்ப்பு தெரிவித்துள்ளனர்.
பெண்கள் கற்பழிப்பு தொடர்பான கேள்விக்கு அவர் அளித்த பதிலில், ' தற்போதைய நிலை படுமோசமாக உள்ளது. கற்பழிப்புகள் அதிகரித்து வருகின்றன. இதற்காக நான் பெண்களை குறை சொல்லவில்லை. சமூகம் அப்படி ஆகியிருக்கிறது. உதவியாளராக பெண்களை நியமிக்கலாமா என்பது குறித்து ஒருமுறைக்கு பல முறை யோசித்து முடிவு எடுக்க வேண்டியது இருக்கிறது. நான் பெண் செயலர்களை வைத்து கொள்ள மாட்டேன். ஏன் பெண்களிடம் பேச கூட அச்சமாக உள்ளது. எங்கே சிறையில் அடைக்கப்பட்டு விடுவோமோ என்ற பீதியும் உருவாகியுள்ளது,' என்றார். .

இவரது பேச்சுக்கு பா.ஜ., மகளிரணியை சேர்ந்த ஸ்ருதிராணி கண்டனம் தெரிவித்துள்ளார். 'இந்த பேச்சு பெண்களை கேவலப்படுத்தும் செயல் , இதற்கு அவர் மன்னிப்பு கேட்ட வேண்டும், என்று அவர் கூறியுள்ளார். பரூக் அப்துல்லாவின் மகன் ஒமர் அப்துல்லாவும் தனது தந்தை மன்னிப்பு கோருவார் என நம்புவதாக கூறினார்.

மன்னிப்பு கோரினார்; இந்நிலையில், தனது கருத்தை திரும்ப பெறுவதாகவும், யாரையும் காயப்படுத்துமானால் அதற்கு தாம் மன்னிப்பு கோருவதாகவும், பரூக் அப்துல்லா கூறியுள்ளார்.