தேமுதிகவுக்கு டெபாசிட் கிடைக்குமா? டெல்லியில் 74% வாக்குகள் பதிவு!

First topic message reminder :

டெல்லி: டெல்லி சட்டசபை தேர்தலில் 74% வாக்குகள் பதிவாகி உள்ளன. இத்தேர்தல் பாஜக, காங்கிரஸ், கெஜ்ரிவாலின் ஆம் ஆத்மி கட்சிகளைவிட விஜயகாந்தின் தேமுதிகவுக்குத்தான் மிக முக்கிய'மான' ஒன்றாகும். வேறு எந்த தமிழக கட்சிகளும் டெல்லி தேர்தலில் போட்டியிடாத நிலையில் களம் இறங்கியுள்ள தேமுதிக டெபாசிட்டையாவது தக்க வைத்துக் கொள்ளுமா? என்ற எதிர்பார்ப்பு உள்ளது.

70 தொகுதிகளைக் கொண்டது டெல்லி மாநில சட்டசபை. இதற்கான தேர்தலில் காங்கிரஸ், பாரதிய ஜனதா, அர்விந்த் கெஜ்ரிவாலின் ஆம் ஆத்மி ஆகிய கட்சிகள் இடையே மும்முனை போட்டி நிலவுகிறது. அத்துடன் விஜயகாந்தின் தேமுதிகவும் 11 தொகுதிகளில் களமிறங்கியுள்ளது. டெல்லியில் தமிழர்கள் வசிக்கும் பகுதிகளில் தேமுதிகவின் வேட்பாளர்கள் நிறுத்தப்பட்டுள்ளனர்.

முதல்வர் வேட்பாளர்கள்

முதல்வர் பதவிக்கான வேட்பாளர்களாக காங்கிரஸ் சார்பாக ஷீலா தீட்சித், பாரதிய ஜனதா கட்சி சார்பாக ஹர்ஷ்வர்தன், ஆம் ஆத்மி கட்சி சார்பாக கெஜ்ரிவால் ஆகியோர் களம் இறக்கப்பட்டுள்ளனர்.

இந்நிலையில் டெல்லி சட்டசபை தேர்தலுக்கான வாக்குப்பதிவு இன்று காலை தொடங்கி நடைபெற்று வருகிறது.

 இன்றைய தேர்தலில் ஒரு கோடியே 19 லட்சம் பேர் வாக்களிக்கின்றனர். இதில் 4 லட்சத்து 5 ஆயிரம் பேர் முதல் முறையாக வாக்களிக்க உள்ளனர்.

70 தொகுதிகளுக்கு மொத்தம் 810 வேட்பாளர்கள் போட்டியிடுகின்றனர்.

காங்கிரஸ், ஆம் ஆத்மி கட்சிகள் அனைத்து தொகுதிகளிலும் வேட்பாளர்களை நிறுத்தி உள்ளன. பாரதிய ஜனதா கட்சி 66 தொகுதிகளில் போட்டியிடுகிறது. இவை தவிர தே.மு.தி.க., சமாஜ்வாடி, பகுஜன் சமாஜ் கட்சிகளும் வேட்பாளர்களை நிறுத்தி உள்ளன.

இவற்றில் தேமுதிகதான் டெல்லி தேர்தல் களத்துக்கு புதுசு. தமிழகத்தில் கூட்டணி வைத்து கணிசமான இடங்களைக் கைப்பற்றியது தேமுதிக. தற்போது ஏற்காடு இடைத்தேர்தலில் கூட போட்டியிடாமல் தவிர்த்துவிட்டது. அத்துடன் எந்த கட்சிக்கு ஆதரவு என்ற நிலைப்பாடும் எடுக்கவில்லை. ஆனால் டெல்லியில் துணிகரமாக வேட்பாளர்களை களமிறக்கியுள்ளது. இது டெல்லியில் தனது திராணியை தேமுதிக வெளிப்படுத்துமா என்ற எதிர்பார்ப்பை ஏற்படுத்தியுள்ளது.

டெல்லியில் இன்று காலை 8 மணிக்கு வாக்குப் பதிவு தொடங்கியது. கடும் குளிரையும் பொருட்படுத்தாமல் பொதுமக்கள் மற்றும் அரசியல் தலைவர்கள் வாக்களித்தனர். மாலை 5 மணிவரை மொத்தம் 74% வாக்குகள் பதிவாகி இருக்கின்றன.

டெல்லியில் தமிழர்கள் அதிகம் வாழும் ஆர்.கே.புரம், கிரேட்டர் கைலாஷ் ஆகிய இடங்களில் சராசரியாக 80% வாக்குகள் பதிவாகி இருக்கின்றன. இதனால் தேமுதிகவுக்கு கணிசமான வாக்குகள் அல்லது குறைந்தபட்சம் டெபாசிட்டாவது கிடைக்க வாய்ப்பிருக்கிறது என்று கூறப்படுகிறது.

ராஜா wrote:

பிளேடு பக்கிரி wrote:

அருண் wrote:தரணியெங்கும் ஆட்சி செய்ய வாழ்த்துகிறோம் கேப்டனை.. 

காமெடி  இல்லையே?  

ச்சேச்சே ... அப்படியெல்லாம் இல்லை ..... செவ்வாய் கிரகத்துல MLA சீட்டுக்கு நிற்குறதுக்கு கூட  மங்கல்யான்ல ஒருத்தர  கேப்டன் அனுப்பியிருக்கிறாராம்  

ஹா.. ஹா..

ராஜா wrote:

பிளேடு பக்கிரி wrote:எங்க கேப்டனுக்கு டெல்லி முதலைமைச்சர் ஆகிறதுக்கும் வாய்ப்பு இருக்காம்  

அடுத்த வருடம் ஒபாமாவை எதிர்த்து ஆள் நிப்பாட்ட போறாராம் , அமெரிக்காவில் உள்ள தமிழர்களிடம் ஆதரவு கேட்டு பிரச்சாரம் போவதற்காக இப்ப ஆங்கிலம் கற்றுகிட்டு இருக்கிறாராம்.  

அப்படியே மலேசியாவிலும் காலடி வைக்கச் சொல்லுங்கள் தல! 55 வருடமாக ஒரே ஆட்சியைப் பார்த்து போரடிக்கிறது! அடுத்த மலேசியப் பிரதமர் கேப்டன் விஜயகாந்த்! ஆஹா, கேட்கவே ரொம்ப நல்லாருக்கு!

சிவா wrote:

ராஜா wrote:

பிளேடு பக்கிரி wrote:எங்க கேப்டனுக்கு டெல்லி முதலைமைச்சர் ஆகிறதுக்கும் வாய்ப்பு இருக்காம்  

அடுத்த வருடம் ஒபாமாவை எதிர்த்து ஆள் நிப்பாட்ட போறாராம் , அமெரிக்காவில் உள்ள தமிழர்களிடம் ஆதரவு கேட்டு பிரச்சாரம் போவதற்காக இப்ப ஆங்கிலம் கற்றுகிட்டு இருக்கிறாராம்.  

அப்படியே மலேசியாவிலும் காலடி வைக்கச் சொல்லுங்கள் தல! 55 வருடமாக ஒரே ஆட்சியைப் பார்த்து போரடிக்கிறது! அடுத்த மலேசியப் பிரதமர் கேப்டன் விஜயகாந்த்! ஆஹா, கேட்கவே ரொம்ப நல்லாருக்கு!

படிப்படியான முன்னேற்றம் 
ஒரு MLA சீட் முதலில்.
கூட்டணியில் 28 சீட் இப்போது தக்கவைத்துள்ளது எவ்வளவு தெரியாது.
டில்லியில் போட்டி 
டில்லியில் முதல் அமைச்சர்.
இந்தியாவின் பிரதமர் 
அமெரிக்க ஜனாதிபதி.
பிறகு எல்லோரும் மிகவும் வேண்டிக்கொண்டால்தான் மலேசியா பக்கம். தக்க ஏற்பாடுகள் இப்பவே ஆரம்பிக்கவும் சிங்கபுரிலும் இவர் சேவை தேவையாம் 
ரமணியன்