ஓட்டலில் கூடுதலாக வெங்காயம் கேட்ட வாடிக்கையாளர் மீது தாக்குதல் !

மும்பை, டிச. 2-

வெங்காயத்தின் விலை விண்ணை முட்டும் அளவுக்குச் சென்றது. கடந்த அக்டோபர் மாதம் ஒரு கிலோ 100 ரூபாய் அளவுக்கு விலை உயர்ந்தது. பின்னர் படிப்படியாக கிலோ 60 ரூபாய்க்கு குறைந்தது. தற்போது மகாராஷ்டிரா, கர்நாடகா மாநிலங்களில் அதிக அளவு உற்பத்தியாகியிருக்கும் வெங்காயம், நாட்டின் பிற பகுதிகளுக்கு வரத் தொடங்கியதால் விலை மேலும் குறையத் தொடங்கியிருக்கிறது.

இருப்பினும் ஒரு சில ஓட்டல்களில் வெங்காயத்தின் விலையை காரணம் காட்டி வாடிக்கையாளர்களுக்கு அளவைக் குறைத்து வழங்குகின்றனர். இவ்வாறு குறைவாக வழங்கப்பட்டபோது, திரும்ப வெங்காயம் கேட்ட வாடிக்கையாளரை கொடூரமாக தாக்கிய சம்பவம் மும்பையில் நடந்துள்ளது.

மும்பை பைசுல்லா பகுதியைச் சேர்ந்த மயூர் பிராட்டி ஜாதவ் (23) என்ற வாலிபர் தனது நண்பர்கள் மற்றும் உறவினர்களுடன் வெள்ளிக்கிழமை இரவு 11 மணியளவில் பிஐடி சால் முகமது அலி சாலையில் உள்ள ஒரு பிரபல ஓட்டலுக்கு சாப்பிடச் சென்றார்.

பிரியாணி ஆர்டர் செய்த அவர்களுக்கு, தொட்டுக்கொள்ள ஒரு பிளேட் வெங்காயம் வழங்கப்பட்டது. அது போதாது என்று மீண்டும் ஒரு பிளேட் வெங்காயம் கேட்டுள்ளனர். ஆனால் கொண்டு வருவதாக கூறிச்சென்ற வெயிட்டர், திரும்பி வரவில்லை. இதனால் மீண்டும் வெங்காயம் கேட்டு வலியுறுத்தியபோது, அதன் விலை உயர்வு பற்றி வெயிட்டர் பேசத் தொடங்கினார். அப்போது வெங்காயத்தின் விலை குறைந்திருப்பது பற்றி ஜதாவ் தெரிவித்ததால் வாக்குவாதம் ஏற்பட்டது.

பின்னர் ஜாதவ் தரப்பினருக்கும், வெயிட்டர்களுக்கும் மோதல் ஏற்பட்டது. உடனே ஓட்டலுக்குள் சாப்பிட்டுக்கொண்டிருந்த மற்ற வாடிக்கையாளர்களை வெளியேற்றிய வெயிட்டர்கள், அனைத்து கதவுகளையும் முடிவிட்டு ஜாதவை தாக்கினர். ஒரு வெயிட்டர் டம்ளரை தூக்கி வீசியதில், ஜாதவின் கண் அருகே வெட்டுக்காயம் ஏற்பட்டு ரத்தம் கொட்டியது. இதுதொடர்பாக ஜாதவ் அளித்த புகாரின் அடிப்படையில் பைதோன் போலீசார் வழக்குப்பதிவு செய்து ஓட்டல் மேலாளர் முகமது ரிஸ்வான் (21), வெயிட்டர் பிரிஜ்பான் ஆசாராம் சிங்(31) ஆகியோரை கைது செய்தனர்.

வெட்டுப்பட்ட பகுதியில் 12 தையல் போடப்பட்டுள்ளதாகவும், மயிரிழையில் கண் தப்பியது என்றும் ஜாதவ் தெரிவித்தார்.

மாலை மலர்

அடப்பாவிகளா

அதானே ... கொய்யாலா கொல்லுங்கடா அவன ...... ஏதோ 1 கிராம் தங்கம் கேட்டிருந்தாலும் போனாபோகுதுன்னு கொடுத்துருக்கலாம்... என்ன தைரியம் இருந்தா வெங்காயம் கேட்டுருப்பான்

ராஜா wrote:அதானே ... கொய்யாலா  கொல்லுங்கடா அவன ...... ஏதோ 1 கிராம்  தங்கம்  கேட்டிருந்தாலும் போனாபோகுதுன்னு கொடுத்துருக்கலாம்...  என்ன தைரியம் இருந்தா வெங்காயம் கேட்டுருப்பான்

அதானே ....

மற்ற வாடிக்கையாளர்களை வெளியேற்றிய வெயிட்டர்கள், அனைத்து கதவுகளையும் முடிவிட்டு ஜாதவை தாக்கினர் wrote:

இதுக்குப்பேர் தான் ரூம் போட்டு அடிக்கிறதா?

வெங்காயம் கண்ணீரை தான் வரவைக்கும் இப்படி ரத்தத்தை எல்லாமா வரவைக்கும்