என் தலைமை -கூட்டணி OK --விஜயகாந்த்

by **T.N.Balasubramanian** Tue Dec 03, 2013 6:27 am

என் தலைமை -கூட்டணி OK --விஜயகாந்த்
என் தலைமையை ஏற்கும், எந்த கட்சியுடனும், கூட்டணி வைப்பதற்கு, நான் தயார். சில குறைகள் கூறப்பட்டாலும், காங்கிரஸ் கட்சியை, தமிழர்களுக்கு நல்லது செய்ய வைப்பதற்கு, என்னால் முடியும் என, நம்புகிறேன்,'' என, விஜயகாந்த் கூறியதால், புதிய பரபரப்பு எழுந்துள்ளது.

லோக்சபா தேர்தலில், தமிழகத்தில் கூட்டணி எப்படி அமையப்போகிறது என்பது குறித்து, பல்வேறு யூகங்கள், நிலவி வருகின்றன. குறிப்பாக, தே.மு.தி.க., எந்த கூட்டணியில் இடம் பெறப் போகிறது என்பது பற்றிய எதிர்பார்ப்பு, பலமாக இருந்து வருகிறது.

இந்த சூழ்நிலையில், டில்லி சட்டசபைத் தேர்தலுக்காக, ஒருவாரமாக, தங்கியிருந்து விட்டு, சென்னை திரும்பும் முன், நேற்று, தே.மு.தி.க., தலைவர் விஜயகாந்த், நிருபர்களிடம் கூறியதாவது:டில்லி மாநில சட்டசபைத் தேர்தலில், தே.மு.தி.க.,வின் வெற்றி வாய்ப்பு எப்படி இருக்கும் என்று கேட்டால், கட்சியின் தலைவர் என்ற முறையில், "பிரகாசமாக இருக்கும்' என்பதை தவிர, வேறு என்ன கூறிவிட முடியும்? 11 தொகுதிகளிலும், நாங்கள் வெற்றி பெறுவோம்.டில்லி வாழ் தமிழர்களுக்கு, ஜாதி சான்றிதழ் கிடைப்பதில், சிக்கல் உள்ளது. இது சட்டப் பிரச்னை. இதுகுறித்து, தமிழக சட்டசபையில், பிரச்னையை கிளப்புவேன். தமிழக அரசு தான், டில்லி அரசோடு பேசி, தீர்வு காண முடியும்.

ஏற்காடு இடைத் தேர்தலில், தே.மு.தி.க.,வின் தொண்டர்கள், எந்த கட்சிக்கு ஓட்டளிக்க வேண்டுமென்று, நான் கூறத் தேவையில்லை. யாருக்கு ஓட்டுப்போட வேண்டுமென்று, அவர்களுக்கு தெரியும். எனவே, டில்லி பத்திரிகையாளர்கள், அதுபற்றி கவலைப்பட வேண்டாம். டில்லி சட்டசபைத் தேர்தலுக்கு, பிரசாரத்துக்கு வந்த இடத்தில், அதைப் பற்றி மட்டுமே பேசுவேன். தமிழக பிரச்னைகளை, தமிழகத்தில் தான் பேசுவேன்.
இவ்வாறு கூறிய விஜயகாந்திடம், "இரண்டு திராவிட கட்சிகளுக்கு மாற்றாக, கட்சியைத் துவங்கிவிட்டு, 2008ல், அ.தி.மு.க.,வுடன் கூட்டணி வைத்த, தே.மு.தி.க., 2014ல், தி.மு.க.,வுடன் கூட்டணி வைக்கப் போவதாக, செய்தி வருகிறதே. லோக்சபா தேர்தலில், தே.மு.தி.க.,வின் நிலை என்ன?' என, நிருபர்கள் கேட்டனர்.
அதற்கு, ""கூட்டணி என்றால், என் தலைமையை, ஏற்றுக் கொள்ள வேண்டும். அவ்வாறு ஏற்றுக் கொண்டு, மக்களுக்கு நல்லது செய்ய வேண்டுமென நினைத்து, முன்வரும், எந்த கட்சியுடனும், நான் கூட்டணி வைத்துக் கொள்ளத் தயார்,'' என்றார்.

தொடர்ந்து நிருபர்கள், "டில்லி வாழ் தமிழர்களின், நிலைமை மோசமாக உள்ளது. பல ஆண்டுகளாக, ஆட்சி செய்தது காங்கிரஸ் தான். இந்நிலையில், காங்கிரசுடன் கூட்டணிக்கு சாத்தியமா?' என்று, கேட்டனர். அதற்கு, ""காங்கிரஸ் மீது, சில குறைகள் கூறப்படலாம். இருப்பினும், அந்த கட்சியை, தமிழர்களுக்கு நல்லது செய்ய வைக்க, என்னால் முடியும் என, நம்புகிறேன்,'' என்றார்.

தி.மு.க., கூட்டணியில், தே.மு.தி.க., இடம்பெறுமா என்ற எதிர்பார்ப்பு நிலவி வரும் நிலையில், தன் தலைமையை ஏற்க வேண்டுமென்றும், காங்கிரசுக்கு சாதகமாகவும், விஜயகாந்த் கருத்து தெரிவித்துள்ளது, தமிழக அரசியல் அரங்கில் பரபரப்பை ஏற்படுத்தியுள்ளது.

நன்றி தினமலர்

----------------------------------------------------------------------------------------

ரமணியன்

by **ayyasamy ram** Tue Dec 03, 2013 9:41 am

தன்னம்பிக்கை உள்ள தலைவன்..!

by ஹர்ஷித் Tue Dec 03, 2013 10:50 am

வேகமாக முன்னேறிய தலைவர்.,சில தவறான முடிவுகளால் தவறிப்போனார்..
அது மட்டுமல்ல இவரை அரசியலில் வீழ்த்த பலர் முயன்றனர்.அவரைப்பற்றி தவறான சித்தரிப்புக்களை அள்ளித் தெளித்தனர்,அவதூறுகளை பரப்பினர்.
இன்று ஆளும் கட்ச்சியும் சரி நேற்று ஆண்ட கட்ச்சியினரும் சரி இவர் முன்னேறக்கூடாது என்பதில் முனைப்புடன் இருந்தனர் என்பது அனைவரு அறிந்ததே.

தமிழக அரசியலில் மாற்றம் வந்துவிடாதா என எண்ணிக்கொண்டிருக்கும் வேலையில் சரியாக களமிறங்கியவர்..,ஏனோ சில தவறான வழிசென்றதால் மக்களின் நம்பிக்கையை இழந்தார்.
இன்றும் இவரில் நம் மக்களுக்கு இருக்கும் நம்பிக்கை சற்று உள்ளதாகவே நான் கருதுகிறேன்.

விரைவில் தடை வென்று...சிறப்பானதொரு ஆரம்பத்தை பெற இவர் கடுமையாக உழைக்க வேண்டியுள்ளது.,

நன்றி
ஜேன்