எங்கள் சிவாஜி

First topic message reminder :

தமிழ் பேசும் மக்களின் ஒவ்வொரு குடும்பத்திலும் ஒருவர் நிச்சயம் சிவாஜி ரசிகராயிருப்பார் என்கிற அளவிற்கு நடிகர் திலகத்தின் வீச்சு பரவியுள்ளது. அதைவிட சிறப்பாகச் சொல்ல வேண்டும் என்றால் தமிழைத் தாய்மொழியாய் இல்லாதவரும் கூட சிவாஜி ரசிகராயிருக்கிறார்கள். சிவாஜி ரசிகராயில்லாதவர்கள் கூட அவருடைய நடிப்பில் தம்மை மெய்ம் மறந்தவர்களும் உண்டு.

அப்படி நடிகர் திலகத்தை நேசிக்கும் ஒவ்வொருவரும் விரும்பி பங்கேற்கக் கூடிய இழையாக இது விளங்கும். ஒவ்வொருவரும் தமக்குப் பிடித்த நடிகர் திலகத்தின் பாடலை அல்லது காட்சியை இங்கே பகிரந்து கொள்ளலாம். ஏன் அந்தப் பாடல் அல்லது காட்சி தமக்குப்பிடித்திருக்கிறது என்பதையும் சில வரிகளில் விளக்கினால் அதில் உள்ள நுட்பங்களையும் நுணக்கங்களையும் மற்றவர்கள் அறிந்து கொள்ளவும் குறிப்பாக புதிய தலைமுறையினர் தெரிந்து கொள்ளவும் பயனுள்ளதாய் இருக்கும்.

துவக்கமாக என் விருப்பப் பாடலை அளிக்கிறேன்.

இது சற்றே வியப்பை அளிக்கக் கூடிய தேர்வு. அபூர்வமான பாடலும் கூட.

மெல்லிசை மன்னரின் இசையில் கண்ணதாசன் வரிகளில் திருடன் படத்திற்காக எல்.ஆர்.ஈஸ்வரி பாடிய நினைத்தபடி நடந்ததடி பாடல் எனக்கு விருப்பமான பாடல். கதைப்படி திருடனான நாயகன், தன் குடும்பத்திற்காக மனம் திருந்தி வாழ்கிறான். ஆனால் சந்தர்ப்பமும் சூழ்நிலையும் மீண்டும் அவனை அத்தொழிலில் ஈடுபடத் தள்ளுகிறது. தன்னுடைய எஜமானரின் கூடாரத்திற்குள் மீண்டும் நுழைகிறான். அவனை மனமகிழ்வோடு வரவேற்கும் எஜமானன் அவனுக்கு மனமகிழ்வூட்டும் வகையில் நடன மங்கையரைப் பணிக்கிறான். நீண்ட நாட்களாக அவனைக் காணாமல் இருந்த அந்த நடன மங்கை, அவனை வரவேற்றுப் பாடுகிறாள். இது தான் காட்சி அமைப்பு.

இந்தக் காட்சியில் நடிகர் திலகத்தின் நளினமான நடன அசைவுகளும் அவருடைய தோற்றமும் சிக்கென்ற உடையமைப்பும் மீண்டும் மீண்டும் பார்க்கத் தூண்டும் வண்ணம் அமைந்துள்ளது. பாடலின் தாளத்திற்கேற்ப அவருடைய மென்மையான உடலசைவுகள் இன்றைய தலைமுறையினருக்கு ஒரு பாடமாகக் கொள்ள வேண்டியது. எந்தெந்தப் பாத்திரத்திற்கு எவ்வாறு உடல் மொழி இருக்க வேண்டும் என்பதை சோகமான மற்றும் உருக்கமான காட்சிகள் மட்டுமின்றி இது போன்ற மகிழ்வான சூழ்நிலைக்கும் சொல்லியிருக்கிறார்.

பாடலைப் பாருங்கள்

இணையத்தில் முதன் முதலாக...

வெளிவராத திரைப்படமொன்றில் நடிகர் திலகத்தின் அட்டகாசமான போஸ்

ஆஹா ஆஹா அற்புதம் வீயார் சார்.

வார்த்தைகள் இல்லை இந்தப் போஸையும், அதைத் தந்த உங்கள் நல்ல மனதையும் வர்ணிக்க.

மிக்க நன்றி வாசு சார். தங்களிடம் இல்லாத நிழற்படங்களா...

தொடர்ந்து தாருங்கள்...

அதுவும் பழைய திரைப்படக் கலைஞர்களின் நிழற்படத்தொகுப்பு அசர வைக்கின்றது. அற்புதம்.

இதோ திருமால் பெருமையில் கம்பீரமாக...

தலைவரின் அட்டகாசமான போஸ்

இன்றைய (08.01.2014) தி இந்து தமிழ் நாளிதழில் வெளிவந்துள்ள வாசகர் கடிதம்

வாசு சார்
தங்கள் உள்ளத்தைக் கொள்ளை கொண்ட அந்த நிழற்படம் முப்பரிமாண வடிவில் தங்களுக்காக

முப்பரிமாணத்தில் முத்தாக ஜொலிக்கும் தலைவர். அருமை வீயார் சார். எனக்காக சிரமப்பட்டு பதிவிட்டதற்கு நன்றி!

அருமைத் தம்பி செந்தில்,

வாருங்கள். ஈகரைக்கு வந்ததற்கு வாழ்த்துக்கள். தங்கள் உளமார்ந்த அன்பிற்கு நன்றி!

ராமர் காட்டுக்குப் போனபோது தம்பி லட்சுமணன் உடன் வந்தான். இந்த அண்ணன்கள் ஈகரை என்ற அக்கரையை நாடிய போது செந்தில் என்ற அன்புத் தம்பி அக்கறையுடன் எங்களைப் பின் தொடர்ந்து வந்ததில் ஆச்சர்யம் என்ன!

தாய் வீடு என்று இனி இல்லவே இல்லை. தம்பி வீடுதான்.

வீயார் சார், ரவி சார், செந்தில்

இதோ தலைவரின் இன்னொரு அபூர்வ படம். குழந்தைகளோடு குழந்தையாய் தலைவர் மேக்-அப் இல்லாமல் எவ்வளவு எளிமையாய் வேட்டி சட்டை அணிந்து அமர்ந்துள்ளார் பாருங்கள்! தலை முடி பிரமாதம். கையெடுத்துக் கும்பிடத் தோன்றுகிறது.

வீயார் சார்,வாசு சார்,
என்னை வரவேற்றதற்கு நன்றி .தலைவரின் முப்பரிமான படமும் குடும்ப படமும் சூப்பர்

நமது நடிகர்திலகத்தை தெய்வமாக போற்றி வணங்கும் திரு ஒய்.ஜி.மகேந்திரா அவர்களுக்கு இனிய பிறந்தநாள் நல்வாழ்த்துக்கள்