எங்கள் சிவாஜி

First topic message reminder :

தமிழ் பேசும் மக்களின் ஒவ்வொரு குடும்பத்திலும் ஒருவர் நிச்சயம் சிவாஜி ரசிகராயிருப்பார் என்கிற அளவிற்கு நடிகர் திலகத்தின் வீச்சு பரவியுள்ளது. அதைவிட சிறப்பாகச் சொல்ல வேண்டும் என்றால் தமிழைத் தாய்மொழியாய் இல்லாதவரும் கூட சிவாஜி ரசிகராயிருக்கிறார்கள். சிவாஜி ரசிகராயில்லாதவர்கள் கூட அவருடைய நடிப்பில் தம்மை மெய்ம் மறந்தவர்களும் உண்டு.

அப்படி நடிகர் திலகத்தை நேசிக்கும் ஒவ்வொருவரும் விரும்பி பங்கேற்கக் கூடிய இழையாக இது விளங்கும். ஒவ்வொருவரும் தமக்குப் பிடித்த நடிகர் திலகத்தின் பாடலை அல்லது காட்சியை இங்கே பகிரந்து கொள்ளலாம். ஏன் அந்தப் பாடல் அல்லது காட்சி தமக்குப்பிடித்திருக்கிறது என்பதையும் சில வரிகளில் விளக்கினால் அதில் உள்ள நுட்பங்களையும் நுணக்கங்களையும் மற்றவர்கள் அறிந்து கொள்ளவும் குறிப்பாக புதிய தலைமுறையினர் தெரிந்து கொள்ளவும் பயனுள்ளதாய் இருக்கும்.

துவக்கமாக என் விருப்பப் பாடலை அளிக்கிறேன்.

இது சற்றே வியப்பை அளிக்கக் கூடிய தேர்வு. அபூர்வமான பாடலும் கூட.

மெல்லிசை மன்னரின் இசையில் கண்ணதாசன் வரிகளில் திருடன் படத்திற்காக எல்.ஆர்.ஈஸ்வரி பாடிய நினைத்தபடி நடந்ததடி பாடல் எனக்கு விருப்பமான பாடல். கதைப்படி திருடனான நாயகன், தன் குடும்பத்திற்காக மனம் திருந்தி வாழ்கிறான். ஆனால் சந்தர்ப்பமும் சூழ்நிலையும் மீண்டும் அவனை அத்தொழிலில் ஈடுபடத் தள்ளுகிறது. தன்னுடைய எஜமானரின் கூடாரத்திற்குள் மீண்டும் நுழைகிறான். அவனை மனமகிழ்வோடு வரவேற்கும் எஜமானன் அவனுக்கு மனமகிழ்வூட்டும் வகையில் நடன மங்கையரைப் பணிக்கிறான். நீண்ட நாட்களாக அவனைக் காணாமல் இருந்த அந்த நடன மங்கை, அவனை வரவேற்றுப் பாடுகிறாள். இது தான் காட்சி அமைப்பு.

இந்தக் காட்சியில் நடிகர் திலகத்தின் நளினமான நடன அசைவுகளும் அவருடைய தோற்றமும் சிக்கென்ற உடையமைப்பும் மீண்டும் மீண்டும் பார்க்கத் தூண்டும் வண்ணம் அமைந்துள்ளது. பாடலின் தாளத்திற்கேற்ப அவருடைய மென்மையான உடலசைவுகள் இன்றைய தலைமுறையினருக்கு ஒரு பாடமாகக் கொள்ள வேண்டியது. எந்தெந்தப் பாத்திரத்திற்கு எவ்வாறு உடல் மொழி இருக்க வேண்டும் என்பதை சோகமான மற்றும் உருக்கமான காட்சிகள் மட்டுமின்றி இது போன்ற மகிழ்வான சூழ்நிலைக்கும் சொல்லியிருக்கிறார்.

பாடலைப் பாருங்கள்

நமது நடிகர் திலகம் திரைப்படத் திறனாய்வு அமைப்பின் அடுத்த நிகழ்ச்சி

Veeyar சார் , பிரமாண்டத்தின் மகுடம் என்று எதை எதையோ சிலர் சொல்லிக்கொண்டு அலைகிறார்கள் - உங்கள் பதிவுதான் உண்மையான மகுடம் - அதுதான் நிஜமான பிரமாண்டம் - அசத்துங்கள் - உங்களை அங்கே வாருங்கள்
என்று அழைக்க எனக்கு உரிமை இல்லை - ஆனால் அங்கும் தொடர்ந்தால் மிகவும் நன்றாக இருக்கும் என்பது என் அசைக்க முடியாத நம்பிக்கை --

அன்புடன் ரவி

ரவி
தங்கள் பாராட்டுக்களில் தங்களுடைய உயர்ந்த உள்ளம் தெரிகிறது. தாங்கள் கோரிக்கை வைப்பதில் எந்தத் தவறும் இல்லை, தங்களுக்கு முழு உரிமையும் உள்ளது.
நான் பல முறை சொல்லி வருவது போல் முழுமையாக 100 சதவீதம் நடிகர் திலகத்துக்கு தன்னை அர்ப்பணிப்பு செய்யும் பக்குவம் நம் ஒவ்வொருவருக்கும் வர வேண்டும். இந்தக் காலம் வரை தான் அவருடைய படங்களைப் பார்ப்பேன், அல்லது அது வரை தான் அவரை நான் ரசிப்பேன், இவர் இருந்த வரை தான் அவர் நல்லவர் என்பது போன்ற வரையறை வைத்து அவரை அணுகுபவர்கள் இருக்கும் வரை அங்கு வர நான் தயாராக இல்லை.
தங்கள் அன்புக்கு என்றும் நன்றி.

மிக அருமை படைப்புக்கள் ..நன்றி ஆயிரம்..
இன்னும் தொடருங்க..சிவாஜியின் புகழை இன்னும் யாரும் மறக்க....

தங்கள் பாராட்டுக்களுக்கும் ஆதரவிற்கும் மிக்க நன்றி அச்சலா அவர்களே.

நடிகர் திலகம் நடித்த தெலுங்குத் திரைப்படங்களை மக்கள் அதிகம் அறிந்திருக்க மாட்டார்கள். 1977ம் ஆண்டு வெளிவந்த ஜீவன தீராலு தெலுங்குப் படம் நடிகர் திலகத்தின் மிகச் சிறந்த நடிப்பிற்கு மற்றுமோர் சான்று. கௌரவ நடிகராக வந்தாலும் தன் சிறந்த நடிப்பை இத்திரைப்படத்திலும் அளித்திருப்பார். அப்படத்தின் விளம்பர நிழற்படங்கள் நம் பார்வைக்கு. சம்பந்தப் பட்ட இணைய தளத்திற்கு நமது உளமார்ந்த நன்றி.





ஜீவன தீராலு தெலுங்குப் பட இசைத்தட்டு உறையின் நிழற்படம்

அருமை வீயார் சார். மிக அபூர்வமான ஆவணங்கள், நிழற்படங்கள். மிக்க நன்றி!

என் பங்குக்கு சில.