எங்கள் சிவாஜி

by veeyaar on Mon Dec 02, 2013 9:33 am

First topic message reminder :

தமிழ் பேசும் மக்களின் ஒவ்வொரு குடும்பத்திலும் ஒருவர் நிச்சயம் சிவாஜி ரசிகராயிருப்பார் என்கிற அளவிற்கு நடிகர் திலகத்தின் வீச்சு பரவியுள்ளது. அதைவிட சிறப்பாகச் சொல்ல வேண்டும் என்றால் தமிழைத் தாய்மொழியாய் இல்லாதவரும் கூட சிவாஜி ரசிகராயிருக்கிறார்கள். சிவாஜி ரசிகராயில்லாதவர்கள் கூட அவருடைய நடிப்பில் தம்மை மெய்ம் மறந்தவர்களும் உண்டு.

அப்படி நடிகர் திலகத்தை நேசிக்கும் ஒவ்வொருவரும் விரும்பி பங்கேற்கக் கூடிய இழையாக இது விளங்கும். ஒவ்வொருவரும் தமக்குப் பிடித்த நடிகர் திலகத்தின் பாடலை அல்லது காட்சியை இங்கே பகிரந்து கொள்ளலாம். ஏன் அந்தப் பாடல் அல்லது காட்சி தமக்குப்பிடித்திருக்கிறது என்பதையும் சில வரிகளில் விளக்கினால் அதில் உள்ள நுட்பங்களையும் நுணக்கங்களையும் மற்றவர்கள் அறிந்து கொள்ளவும் குறிப்பாக புதிய தலைமுறையினர் தெரிந்து கொள்ளவும் பயனுள்ளதாய் இருக்கும்.

துவக்கமாக என் விருப்பப் பாடலை அளிக்கிறேன்.

இது சற்றே வியப்பை அளிக்கக் கூடிய தேர்வு. அபூர்வமான பாடலும் கூட.

மெல்லிசை மன்னரின் இசையில் கண்ணதாசன் வரிகளில் திருடன் படத்திற்காக எல்.ஆர்.ஈஸ்வரி பாடிய நினைத்தபடி நடந்ததடி பாடல் எனக்கு விருப்பமான பாடல். கதைப்படி திருடனான நாயகன், தன் குடும்பத்திற்காக மனம் திருந்தி வாழ்கிறான். ஆனால் சந்தர்ப்பமும் சூழ்நிலையும் மீண்டும் அவனை அத்தொழிலில் ஈடுபடத் தள்ளுகிறது. தன்னுடைய எஜமானரின் கூடாரத்திற்குள் மீண்டும் நுழைகிறான். அவனை மனமகிழ்வோடு வரவேற்கும் எஜமானன் அவனுக்கு மனமகிழ்வூட்டும் வகையில் நடன மங்கையரைப் பணிக்கிறான். நீண்ட நாட்களாக அவனைக் காணாமல் இருந்த அந்த நடன மங்கை, அவனை வரவேற்றுப் பாடுகிறாள். இது தான் காட்சி அமைப்பு.

இந்தக் காட்சியில் நடிகர் திலகத்தின் நளினமான நடன அசைவுகளும் அவருடைய தோற்றமும் சிக்கென்ற உடையமைப்பும் மீண்டும் மீண்டும் பார்க்கத் தூண்டும் வண்ணம் அமைந்துள்ளது. பாடலின் தாளத்திற்கேற்ப அவருடைய மென்மையான உடலசைவுகள் இன்றைய தலைமுறையினருக்கு ஒரு பாடமாகக் கொள்ள வேண்டியது. எந்தெந்தப் பாத்திரத்திற்கு எவ்வாறு உடல் மொழி இருக்க வேண்டும் என்பதை சோகமான மற்றும் உருக்கமான காட்சிகள் மட்டுமின்றி இது போன்ற மகிழ்வான சூழ்நிலைக்கும் சொல்லியிருக்கிறார்.

பாடலைப் பாருங்கள்

by veeyaar on Thu Dec 05, 2013 7:53 pm

பெரிய பணக்கார வீட்டு இளம் பெண். காரில் வரும் போது விபத்தில் சிக்கி கால் செயலிழந்து விடுகிறது. நாயகன் அவளுடைய நிலையைக் கண்டு வருந்துகிறான். விதி வசத்தால் இருவருக்கும் திருமணம் நடக்கிறது. முதலிரவில் இருவரும் அமைதியாக இருக்கின்றனர். அவளுடைய நிலையைக் கண்டு பரிதாபப் பட்டாலும் நாட்டம் இல்லாமல் அவன் இருக்கிறான். அவள் தன்னுடைய பழைய நினைவுகளை அவனுடன் பகிர்ந்து கொள்ளும் விதமாக அவளுடைய நடன நிகழ்ச்சியின் ஒளிப்பதிவை அவனுக்குப் போட்டுக் காட்டுகிறாள். திரையில் அவள் ஆடிப் பாட, நிஜத்தில் அவள் முடமாக அமர்ந்திருக்க இரண்டையும் மாறி மாறிப் பார்க்கிறான். அவனையும் அறியாமல் அவள் மேல் பாசம் வைக்கத் தொடங்குகிறான்.

இந்தக் காட்சியைத் தான் நீங்கள் பார்க்கப் போகிறீர்கள். இந்தியாவின் இரு பெரும் நட்சத்திரங்களின் மிகச் சிறந்த நடிப்பிற்கோர் உதாரணம் இப்பாடல் காட்சி.

திரையையும் சாவித்திரியின் நிஜத்தையும் மாறி மாறிப் பார்க்கும் போது நடிகர் திலகத்தின் முகத்தைப் பாருங்கள். அதே நேரம் சாவித்திரி அந்தப் பாடலைக் கூடவே பாடும் போது நாம் நம்மை முற்றிலும் மறந்து அந்தக் காட்சியிலேயே லயித்து விடுகிறோம்.

by vasudevan31355 on Thu Dec 05, 2013 9:06 pm

கொன்னுட்டீங்க வீயார் சார். நடிகர் திலகமும், சாவித்திரியும் பின்னிப் பெடலடுத்து விட்டார்கள். மிக மிக அபூர்வமான பாடல். ஈகரை அன்பர்கள் நிச்சயம் கண்டு மகிழ வேண்டும்.

by veeyaar on Mon Dec 09, 2013 10:28 pm

இன்றைக்கு சரியாக 49 ஆண்டுகளுக்கு முன் வெளியான திரைப்படம் நடிகர் திலகத்தின் 19வது திரைக்காவியமான எதிர்பாராதது. 9.12.1954 அன்று வெளியான இத்திரைப்படம் அன்றைக்கே கிட்டத்தட்ட 25 ஆண்டுகள் முன்கூட்டியே வந்து விட்டது போன்ற கதையமைப்பு. நடிகர் திலகத்தின் மிகச் சிறந்த நடிப்பிற்கு மற்றோர் சான்று. தன் காதலியை தன் தந்தையே மணமுடித்து, காதலியே சித்தியாக வரும் வகையில் அமைந்த கதையமைப்பு. ஆங்கிலத்தில் Much Ahead of its Time எனச்சொல்வது போல அமைந்தது இப்படம்.

இத்திரைப்படத்தின் பாடல்கள் அன்றைக்கே சூப்பர் ஹிட்டானவை. குறிப்பாக படத்தில் இரு முறை வரும் சிற்பி செதுக்காத பொற்சிலையே பாடல் என்றென்றைக்கும் தெவிட்டாத தேனமுது.

சி.என்.பாண்டுரங்கன் இசையமைத்த இத்திரைப்படத்திலிருந்து மற்றோர் இனிய பாடல் இன்றைக்கு என் விருப்பமாக இடம் பெறுகிறது. நிச்சயம் தங்களுக்கும் இது விருப்பமாக இருக்கும் என்பதில் ஐயமில்லை. இலங்கை வானொலியின் ஒலிபரப்புகளை அக்காலத்தில் அடிக்கடி கேட்டு மகிழ்ந்தவரா நீங்கள். அவ்வாறென்றால் இப்பாடல் முதலில் உங்களைத் தான் சென்றடையும்.

காதல் வாழ்வில் நானே கனியாத காயாகிப் போனேன்...

ஏ.எம்.ராஜா ஜிக்கி குரலில் கே.எஸ்.கோபாலகிருஷ்ணன் வரிகள் ...

என்றும் நினைவில் நிற்கும் பாடல் . பாருங்கள்... கேளுங்கள்...

தங்கள் கருத்தைக் கூறுங்கள்..

by veeyaar on Tue Dec 10, 2013 7:46 am

இன்று டிசம்பர் 10ம் தேதி. இந்த நாளில் 1965ல் நீலவானம், 1982ல் நெஞ்சங்கள், 1986ல் மண்ணுக்குள் வைரம் என மூன்று திரைப்படங்கள் நினைவுக்கு வருகின்றன. நீலவானம் திரைப்படத்தை ஈகரையில் பெரும்பாலானோர் அறிந்திருப்பர். நெஞ்சங்கள் திரைப்படம் மீனா அறிமுகமான திரைப்படம். விஜயகுமார் மஞ்சுளா தயாரிப்பு. மண்ணுக்குள் வைரம் மதர்லேண்ட் பிக்சர்ஸ் கோவைத்தம்பி அவர்கள் தயாரித்தது. முரளி, ரஞ்சனி முதலானோர் நடிகர் திலகத்துடன் நடித்திருந்தனர்.

நீலவானம் திரைப்படம் நடிகர் திலகத்தின் மிகச்சிறந்த படங்களில் ஒன்று. தேவிகாவின் சிறந்த நடிப்பிற்கோர் எடுத்துக்காட்டு. மெல்லிசை மன்னரின் இசையில் பாடல்கள் அனைத்துமே மீண்டும் மீண்டும் கேட்கத் தூண்டும். இன்றைய நாளை நினைவூட்டும் வகையில் நீலவானம் திரைப்படத்திலிருந்து அருமையான காட்சி.

by veeyaar on Tue Dec 10, 2013 7:49 am

நீலவானம் திரைப்படத்தின் வெளிப்புறப் படப்பிடிப்பு .. பேசும்படம் பத்திரிகையில் வந்த கட்டுரையின் நிழற்படம்.

இது போன்ற அபூர்வ நிழற்படங்களுக்கு நமக்கு பெரிதும் கை கொடுப்பது ஆவணத்திலகம் என நாங்கள் அன்புடன் அழைக்கும் பம்மலார் என்கிற பம்மல் சுவாமிநாதன் அவர்கள். அவருக்கு என் உளமார்ந்த நன்றி.

எங்கள் சிவாஜி - Page 2 NVSS1-1

by vasudevan31355 on Tue Dec 10, 2013 9:47 am

பம்மலாருக்கும், தங்களுக்கும் நீலவானம் போல என் நிறைந்த நன்றி வீயார் சார்!

by veeyaar on Wed Dec 11, 2013 9:17 am

மகாகவி பாரதி பிறந்த நாளையொட்டி, கை கொடுத்த தெய்வம் திரைப்படத்திலிருந்து சிந்து நதியின் மிசை நிலவினிலே பாடல்

by பாலாஜி on Wed Dec 11, 2013 12:54 pm

பம்மல் சுவாமிநாதன் மற்றும் தங்களுக்கும் மிக்க நன்றி ..

அருமையான புகைப்பட பகிர்வு

by பாலாஜி on Wed Dec 11, 2013 12:55 pm

பம்மல் சுவாமிநாதன் மற்றும் தங்களுக்கும் மிக்க நன்றி ..

அருமையான புகைப்பட பகிர்வு

@vasudevan31355 wrote:கொன்னுட்டீங்க வீயார் சார். நடிகர் திலகமும், சாவித்திரியும் பின்னிப் பெடலடுத்து விட்டார்கள். மிக மிக அபூர்வமான பாடல். ஈகரை அன்பர்கள் நிச்சயம் கண்டு மகிழ வேண்டும்.

மேற்கோள் செய்த பதிவு: 1036330

நிச்சயம் ஆமோதித்தல்

நீலவானம் திரையின் படம் பார்த்த பலரையும் கலங்க வைத்து காட்சி, என்னையும் சேர்த்து தான்.

நீலவானம் திரையின் படம் பார்த்த பலரையும் கலங்க வைத்து காட்சி, என்னையும் சேர்த்து தான். நன்றி வீயார் ஐயா.

by veeyaar on Wed Dec 11, 2013 5:48 pm

பாராட்டுக்களுக்கு மிக்க நன்றி வாசு சார், பாலாஜி சார் மற்றும் மாணிக்கம் நடேசன் ஐயா.

12.12.2013 ரஜினிகாந்த் பிறந்த நாளையொட்டி நடிகர் திலகம் அவருக்கு வழிகாட்டும் அற்புதமான காட்சி, படையப்பா திரைப்படத்திலிருந்து.

by vasudevan31355 on Fri Dec 13, 2013 9:30 am

அன்பர்களுக்கு ஒரு தாழ்மையான வேண்டுகோள். தங்களுக்குப் பிடித்த பாடலைப் பதியும்போது அந்தப் பாடல் ஏன் பிடித்தது என்று இரண்டு மூன்று வரிகள் எழுதினால் இன்னும் சிறப்பாக இருக்குமே! பதிவும் வெறும் காணொளியாக இல்லாமல் முழுமை பெறுமல்லவா!

by jayaravi on Fri Dec 13, 2013 9:48 pm

எனக்கு பிடித்த படம் /பாடல் - நெஞ்சிருக்கும் வரை

எனக்கு பிடித்தவை என்பதை விட , எல்லோருக்கும் பிடித்த படம் /பாடல் என்றால் அது மிகை யாகாது. இது ஒரு கனவு பாடல் தான் என்றாலும் , இந்த காதலனும் , காதலியும் சேர மாட்டார்களா என்று ஏங்க வைத்துவிடும் . என்ன வரிகள் !! - என்ன நடிப்பு - என்ன மென்மையான காதல் !! - "கன்னி பெண்ணை மெல்ல மெல்ல தென்றல் தாலாட்ட" - பாடலை கேட்கும் அனைவரையும் தென்றல் வந்து தாலாட்டும் போன்ற பிரமை - இந்த பாடலுக்கு மேலாக ஒரு பாடல் உள்ளதா எண்டு கேட்டால் --- உள்ளது என்ற தான் சொல்லவேண்டும் - அது தான் இந்த பாடலை இரண்டாம் தடவை கேட்பது ----- Ravi - Hyderabad பாடகன்

https://youtu.be/SuSINGEocQc

நிஜமாகவே முத்துகள் பதித்த பதமான பாடல். தித்திக்கும் தேன்சுவை கலந்த கன்னிய கானம். விரைந்து விருந்தை பாடலாக படைத்து பண்பாளர் வைக்க ஜெயரவி ஐயா, நன்றிகள் பல.

by Sponsored content

எங்கள் சிவாஜி

எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி

Re: எங்கள் சிவாஜி