எங்கள் சிவாஜி

by veeyaar Mon Dec 02, 2013 9:33 am

First topic message reminder :

தமிழ் பேசும் மக்களின் ஒவ்வொரு குடும்பத்திலும் ஒருவர் நிச்சயம் சிவாஜி ரசிகராயிருப்பார் என்கிற அளவிற்கு நடிகர் திலகத்தின் வீச்சு பரவியுள்ளது. அதைவிட சிறப்பாகச் சொல்ல வேண்டும் என்றால் தமிழைத் தாய்மொழியாய் இல்லாதவரும் கூட சிவாஜி ரசிகராயிருக்கிறார்கள். சிவாஜி ரசிகராயில்லாதவர்கள் கூட அவருடைய நடிப்பில் தம்மை மெய்ம் மறந்தவர்களும் உண்டு.

அப்படி நடிகர் திலகத்தை நேசிக்கும் ஒவ்வொருவரும் விரும்பி பங்கேற்கக் கூடிய இழையாக இது விளங்கும். ஒவ்வொருவரும் தமக்குப் பிடித்த நடிகர் திலகத்தின் பாடலை அல்லது காட்சியை இங்கே பகிரந்து கொள்ளலாம். ஏன் அந்தப் பாடல் அல்லது காட்சி தமக்குப்பிடித்திருக்கிறது என்பதையும் சில வரிகளில் விளக்கினால் அதில் உள்ள நுட்பங்களையும் நுணக்கங்களையும் மற்றவர்கள் அறிந்து கொள்ளவும் குறிப்பாக புதிய தலைமுறையினர் தெரிந்து கொள்ளவும் பயனுள்ளதாய் இருக்கும்.

துவக்கமாக என் விருப்பப் பாடலை அளிக்கிறேன்.

இது சற்றே வியப்பை அளிக்கக் கூடிய தேர்வு. அபூர்வமான பாடலும் கூட.

மெல்லிசை மன்னரின் இசையில் கண்ணதாசன் வரிகளில் திருடன் படத்திற்காக எல்.ஆர்.ஈஸ்வரி பாடிய நினைத்தபடி நடந்ததடி பாடல் எனக்கு விருப்பமான பாடல். கதைப்படி திருடனான நாயகன், தன் குடும்பத்திற்காக மனம் திருந்தி வாழ்கிறான். ஆனால் சந்தர்ப்பமும் சூழ்நிலையும் மீண்டும் அவனை அத்தொழிலில் ஈடுபடத் தள்ளுகிறது. தன்னுடைய எஜமானரின் கூடாரத்திற்குள் மீண்டும் நுழைகிறான். அவனை மனமகிழ்வோடு வரவேற்கும் எஜமானன் அவனுக்கு மனமகிழ்வூட்டும் வகையில் நடன மங்கையரைப் பணிக்கிறான். நீண்ட நாட்களாக அவனைக் காணாமல் இருந்த அந்த நடன மங்கை, அவனை வரவேற்றுப் பாடுகிறாள். இது தான் காட்சி அமைப்பு.

இந்தக் காட்சியில் நடிகர் திலகத்தின் நளினமான நடன அசைவுகளும் அவருடைய தோற்றமும் சிக்கென்ற உடையமைப்பும் மீண்டும் மீண்டும் பார்க்கத் தூண்டும் வண்ணம் அமைந்துள்ளது. பாடலின் தாளத்திற்கேற்ப அவருடைய மென்மையான உடலசைவுகள் இன்றைய தலைமுறையினருக்கு ஒரு பாடமாகக் கொள்ள வேண்டியது. எந்தெந்தப் பாத்திரத்திற்கு எவ்வாறு உடல் மொழி இருக்க வேண்டும் என்பதை சோகமான மற்றும் உருக்கமான காட்சிகள் மட்டுமின்றி இது போன்ற மகிழ்வான சூழ்நிலைக்கும் சொல்லியிருக்கிறார்.

பாடலைப் பாருங்கள்

by vasudevan31355 Sat Jan 18, 2014 5:37 am

ரவி சார்,

எனக்கு மிகவும் பிடித்த 'மகாகவி காளிதாஸ்' படப் பாடலை பகிர்ந்தமைக்கு நன்றி! நம் தலைவருக்கேன்றே பிரத்தியோகமாக எழுதப்பட்ட பாட்டு. அதை சுருக்கமாக அழகாக வர்ணித்திருக்கிறீர்கள். அற்புதம்.

வீயார் சார்,

நன்றி என்ற ஒரு சொல்லுக்கு முதன்மையானவர் நம் நடிகர் திலகம் அல்லவோ! அவர்தம் வழிமுறையினரும் அதை பின் பற்றுவதில் எவ்வித ஆச்சரியமும் இல்லை. நல்ல பகிர்வுக்கு நன்றி!

by veeyaar Sat Jan 18, 2014 9:34 pm

பெருமாள் முதலியார் அவர்களின் மனைவி திருமதி மீனாட்சி அவர்களிடம் பிரபு, திருமதி பிரபு, விக்ரம் பிரபு சீர் தரும் காட்சி. நிழற்படம் நன்றி மாலைமலர் இணைய தளம்

எங்கள் சிவாஜி - Page 14 017c56b7-4788-4053-9612-4023d32bdb8f_S_secvpf

எங்கள் சிவாஜி - Page 14 017c56b7-4788-4053-9612-4023d32bdb8f_S_secvpf

by veeyaar Sun Jan 19, 2014 9:31 am

எழில் கொஞ்சும் சென்னை செம்மொழிப் பூங்காவில் நடிகர் திலகத்தின் தோற்றம் ... ஒரு கற்பனை

எங்கள் சிவாஜி - Page 14 NTinSemmozhiPark_zps78d6d254

by veeyaar Mon Jan 20, 2014 2:25 am

20.01.2014 முதல் 26.01.2014 வரையிலான நாட்களில் தொலைக்காட்சிகளில் நடிகர் திலகத்தின் திரைப்படங்கள். உத்தேச நிகழ்ச்சி நிரல். சரியான விவரத்திற்கு சம்பந்தப் பட்ட தொலைக்காட்சியில் சரிபார்த்துக்கொள்ளவும்.

ஜே. மூவீஸ்
25.01.2014 காலை 6 மணி – கிரஹப் பிரவேசம்
25.01.2014 பகல் 1 மணி நீதி

மெகா 24
25.01.2014 காலை 8.30 மணி ராஜ பக்தி
26.01.2014 காலை 8.30 மணி சபாஷ் மீனா
21.01.2014 பகல் 2.30 மணி மனிதரில் மாணிக்கம்
22.01.2014 பகல் 2.30 மணி முதல் தேதி
20.01.2014 மாலை 6.00 மணி தீர்ப்பு
24.01.2014 மாலை 6.00 மணி சித்ரா பௌர்ணமி

ராஜ் டிஜிட்டல் ப்ளஸ்
21.01.2014 காலை 10 மணி பொன்னூஞ்சல்
26.01.2014 காலை 10 மணி திரிசூலம்
21.01.2014 மாலை 4 மணி லாரி டிரைவர் ராஜாக்கண்ணு
23.01.2014 மாலை 4 மணி நான் வணங்கும் தெய்வம்

வசந்த் டிவி
23.01.2014 பகல் 2 மணி எங்கிருந்தோ வந்தாள்

ஜீ தமிழ்
20.01.2014 பகல் 2.30 மணி நீதி
22.01.2014 பகல் 2.30 மணி ரிஷிமூலம்

by veeyaar Mon Jan 20, 2014 6:15 pm

by vasudevan31355 Wed Jan 22, 2014 11:16 am

'ராணி லலிதாங்கி' படத்தில் அற்புதமான ஒரு பாடல். பாடகர் திலகத்தின் 'ஆண்டவனே இல்லையே'....பாடல்தான் அது. 'ஆண்டவனே இல்லையே' என்று திரவிடக் கொள்கை பாடல் போல அதிர்ச்சியாகத் தொடங்கும் பாடல் சற்றே நின்று 'தில்லை தாண்டவனே!... உன் போல தாரணி மீதில் ஆண்டவனே இல்லையே' என்று திடுமென திசை மாறி ஆன்மிகப் பாடலாய் எதிரொலிக்கும். இளம் துறவி போல பக்தி மார்க்கத்துடன் நடிகர் திலகம் தில்லை அம்பலத்தானின் சிலை முன் நின்று பாடும் அழகு அகிலம் புகழும் காட்சி. வாயசைப்புத் திறமை எவரும் நினைத்துப் பார்க்க முடியாதவை. பாடலின் துவக்கத்தில் கையைத் தொடையில் வைத்தபடி கம்பீரத்துடன் நடிகர் திலகம் நின்று பாடலை பாடும் ஸ்டைலே தனி. பின் சற்றே உடலை ஆட்டி அசைத்தபடி வந்து பாடும் போது நம் கண்கள் அந்த மகாநடிகரை விட்டு அகலாது. கழுத்தில், கைகளில் ருத்ராட்சக் கொட்டை மாலைகளுடன், நெற்றியில் திலகத்துடன், நம் திலகம் உடலெங்கும் விபூதிப் பூச்சுகளுடன் காதில் குண்டலம் அணிந்து, கண்களில் ஒளி மின்ன, தாடி சகிதம் அழகு பொங்கும் திருமுகத்தோடு தில்லை நடராஜப் பெருமானின் விக்கிரகத்தின் முன் நின்று பாடும் போது பக்தியில் கரையாத மனமும் உண்டோ! நீங்களும் இந்த பக்திப் பரவசத்தில் மூழ்கி இன்புறுங்கள். அந்த மாகா நடிகரின் புகழ் பாடுங்கள்.

by jayaravi Wed Jan 22, 2014 1:54 pm

Vasu , NT யின் நடிப்பில் பாதி உருகினோம் , மீதி பாதி உங்கள் தமிழ் நடையில் - அழகாக வர்ணிப்பதில் ஏன் உங்களை நாங்கள் தமிழ் திலகம் என்று இனிமேல் கூப்பிட கூடாது ??

அன்புடன் ரவி

by veeyaar Sun Jan 26, 2014 11:11 am

திரைப்படங்களிலிருந்து நடிகர் திலகத்தின் வித்தியாசமான தோற்றங்கள் - நிழற்பட அணிவகுப்பு

இத்தொடரில் நடிகர் திலகத்தின் நிழற்படங்கள் திரைப்படங்களிலிருந்து வித்தியாசமான தோற்றங்களில் இடம் பெறும். இவை collage வகையிலும் உருவாக்கப் பட்டு இங்கே பகிர்ந்து கொள்ளப் படும்.

எங்கள் சிவாஜி - Page 14 NTcollage015_zpsc31874fa

எங்கள் சிவாஜி - Page 14 NTcollage015_zpsc31874fa

by அன்பு தளபதி Sun Jan 26, 2014 11:21 am

சில வருடங்களுக்கு முன் சிவாஜி கணேசனின் புகழ் பரப்பும் வசந்த மாளிகை என்ற இதழ் வந்தது அற்புதமான செய்திகள் அறிய புகைப்படங்கள் என அருமையான இதழ் தற்பொழுது நின்று விட்டது அந்த இதழ் மீண்டும் வருவது போல உள்ளது உங்கள் அனைத்து பதிவுகளையும் காணும்போது

by vasudevan31355 Sun Jan 26, 2014 6:07 pm

வீயார் சார்,

அடடா! ஸ்டைலுக்கென்றே பிறந்த அற்புத மனிதர் நம் நாடு போற்றும் நடிகர் திலகத்தின் 'ராமன் எத்தனை ராமனடி' படத்தின் நிழற்படம் தங்கள் கற்பனையில் மேலும் மெருகேறி செம அசத்தலாய் கண்களுக்கு விருந்தளிக்கிறது. என் இதயபூர்வமான நன்றிகள் சார்.