'நண்பேண்டா' சந்தானத்துக்காக தீயாய் வேலை பார்த்த சிம்பு

**ராஜா** · **ராஜா** Tue Jan 03, 2017 5:30 pm

சந்தானத்தின் 'சக்கப்போடு போடு ராஜா' படத்தின் பாடல்களை நடிகர் சிம்பு முடித்து விட்டதாக அறிவித்திருக்கிறார். அதுகுறித்த விரிவான செய்தியை கீழே பார்ப்போம்.
நடிகர், பாடகர், இயக்குனர் என பன்முகங்களைக் கொண்ட சிம்பு தற்போது இசையமைப்பாளராக அவதாரம் எடுத்திருக்கிறார். சந்தானம் நடிப்பில் உருவாகவிருக்கும் 'சக்கப்போடு போடு ராஜா' படத்தின் இசையமைப்பாளர் சிம்பு தான்.

இந்நிலையில் இப்படத்தின் பாடல்கள் அனைத்தையும் முடித்து விட்டதாக தனது டுவிட்டர் பக்கத்தில் தெரிவித்து சிம்பு அனைவருக்கும் ஷாக் கொடுத்திருக்கிறார். இப்படம் குறித்து சிம்பு தனது டுவிட்டரில் " சக்கப்போடு போடு ராஜா படத்தின் அனைத்து பாடல்கள் கம்போசிங்கையும் முடித்து விட்டேன். ரெக்கார்டிங் மட்டும் தான் மீதமுள்ளது" என தெரிவித்துள்ளார்.

'அன்பானவன் அடங்காதவன் அசராதவன்' படப்பிடிப்பில் பிசியாக இருந்தாலும், நண்பன் சந்தானத்துக்காக 'சக்கக்போடு போடு ராஜா' பாடல்களை சிம்பு முடித்துக் கொடுத்திருப்பது அவரது ரசிகர்கள் மத்தியில் பெரும் வரவேற்பைப் பெற்று வருகிறது.
-maalaimalar

**T.N.Balasubramanian** · **T.N.Balasubramanian** Tue Jan 03, 2017 6:17 pm

இப்போது அநேகர் இசை அமைப்பாளர்களாக மாறிவிட்டனர்.
நிலைத்து நிற்கக்கூடிய இசை அமைப்பவர்கள் இவர்களில் எவ்வளவு பேர் என்பதுதான் கேள்விக்குறி.
பாடல்களுக்காகவே ஓடிய சினிமாக்கள் அந்த காலத்தில் உண்டு.
ஒத்து வராத இசைக்கருவிகளின் பலத்த சத்தம். காதில் விழாத பாடல் வரிகள். இன்றைய காலத்தின்
கட்டாய திணிப்புகள்.
இனிமையாக இசை அமைத்து இருந்தால் நிச்சயம் வரவேற்போம்.
ரமணியன்

'நண்பேண்டா' சந்தானத்துக்காக தீயாய் வேலை பார்த்த சிம்பு

'நண்பேண்டா' சந்தானத்துக்காக தீயாய் வேலை பார்த்த சிம்பு

Re: 'நண்பேண்டா' சந்தானத்துக்காக தீயாய் வேலை பார்த்த சிம்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக