சொத்து !

வசீகரப்ரியன் · 25/09/2011

சொத்து !
இதன் மேல் பலருக்கு பித்து !
சேர்த்தவன் போய் சேர்ந்தபிறகு
பிரிப்பது உறவை மட்டுமல்ல !
உயிரையும் தான் !

சொத்து ! கெட்டுப் போன
இதன் மேல் கெட்டுப் போகும்
உடலுக்கும் அதனைவிட்டுப்போகும்
உயிருக்கும் என்ன
அத்தனை ,மோகம் ?

பழம் கெட்டுப் போனால்
சொத்து என்று ஒதுக்குகிறோம் !
பருப்பு கெட்டுப் போனால்
சொத்து என்று ஒதுக்குகிறோம் !
பணம் நமை தொட்டு நின்றால்
சொத்து என்று விலக்குவதில்லை !
தனம் என்று விளக்குகின்றோம் !

என்ன மனமடா ?இது மடமடா ?
இனியேனும் சொத்தை சுற்றி
சொத்தைப் போவதை நிறுத்து !
ஆன்மாவை அதிலிருந்து
அரைமைல் தூரத்தில் நிறுத்து !
நிலையானதை நினைத்து
நிலையற்றதை துரத்து !

**M.M.SENTHIL** · **M.M.SENTHIL** Sat 23 Nov 2013 - 23:49

சொத்து அது இல்லையேல் மண்ணில் ஏது கெத்து
மனதை மட்டும் பார்த்து வரும் காதல் கூட
மணிபர்சை பார்த்துதானே வருகிறது இங்கே.
சொத்து இல்லாதவன் இருக்கும்போதே மறக்கப்படுகிறான்
சொத்து உள்ளவன் இறந்தபின்னும் சிலையாய் நிற்கிறான்

வசீகரப்ரியன் · வசீகரப்ரியன் Mon 2 Dec 2013 - 20:28

நன்றி திரு செந்தில் ..

**சிவா** · **சிவா** Mon 2 Dec 2013 - 20:34

சொத்து அது இல்லையேல் மண்ணில் ஏது கெத்து

செந்தில் கூறியதுதான் சரி!

திறமையானவனுக்கு மரியாதை என்று ஏதுமில்லை! பணம் உள்ளவனுக்கே செல்லுமிடமெல்லாம் சிறப்பு!

**ayyasamy ram** · **ayyasamy ram** Tue 3 Dec 2013 - 10:43

கவிதை..

-
காசேதான் கடவுளடா
அந்த கடவுளுக்கும் இது தெரியுமடா...
-
என்ற திரைப்பட பாடல் நினைவுக்கு வருகிறது.

**விஸ்வாஜீ** · **விஸ்வாஜீ** Tue 3 Dec 2013 - 11:12

M.M.SENTHIL wrote:சொத்து அது இல்லையேல் மண்ணில் ஏது கெத்து
மனதை மட்டும் பார்த்து வரும் காதல் கூட
மணிபர்சை பார்த்துதானே வருகிறது இங்கே.
சொத்து இல்லாதவன் இருக்கும்போதே மறக்கப்படுகிறான்
சொத்து உள்ளவன் இறந்தபின்னும் சிலையாய் நிற்கிறான்

வருத்தத்துடன் கூறினாலும் அதுதான் உண்மை நண்பா