நடன இயக்குநர் ரகுராம் காலமானார்

by **ayyasamy ram** Sat Nov 30, 2013 3:37 pm

-
தமிழ் திரைப்பட நடன இயக்குநர் ரகுராம்
இன்று மதியம் சென்னையில் உள்ள அவரது
இல்லத்தில் காலமானார்.
அவருக்கு வயது 64.
-
நன்றி: தினமணி

நடன இயக்குநர் ரகுராம் காலமானார் 30-dance-master-raghuram-600

நடன இயக்குநர் ரகுராம் காலமானார் 30-dance-master-raghuram-600

பிரபல சினிமா நடன இயக்குனர் ரகுராம் மாரடைப்பால் காலமானார். அவருக்கு வயது 69. நடன குடும்பத்தில் இருந்து வந்தவர் ரகுராம். அதன் வெளிப்பாடாக இவரும் சினிமாவில் நடன இயக்குனராக களம் இறங்கினார். எம்.ஜி.ஆர்., சிவாஜி, ரஜினி, கமல் உள்ளிட்ட தமிழ் சினிமாவின் முன்னணி நடிகர்களின் படங்களுக்கு நடனம் அமைத்துள்ளார். தமிழ் மட்டுமல்லாது தெலுங்கு மலையாளம் உள்ளிட்ட பல மொழி படங்களிலும் நடன இயக்குனராக சுமார் 1000 பாடல்களுக்கு மேல் நடனம் அமைத்துள்ளார்.

சென்னை, மகாலிங்கபுரத்தில் தனது வீட்டில் வசித்து வந்த ரகுராமிற்கு இன்று(நவ., 30ம் தேதி) மதியம் திடீரென நெஞ்சுவலி ஏற்பட்டு மாரடைப்பால் காலமானார். மறைந்த ரகுராமிற்கு கிரிஜா என்ற மனைவியும், காயத்ரி ரகுராம், சுஜா ரகுராம் என்ற இரு மகள்களும் உள்ளனர். கிரிஜாவும் நடன இயக்குனர் தான். இவர் பிரபல நடன இயக்குனர் கலாவின் சகோதரி ஆவார். மகள்கள் காயத்ரியும், சுஜாவும் நடன இயக்குநர்களாக உள்ளனர். இதில் காயத்ரி ரகுராம் சார்லி சாப்ளின் உள்ளிட்ட படங்களில் ஹீரோயினாக நடித்துள்ளார்.

மறைந்த ரகுராமின் உடல் சென்னை, மகாலிங்கபுரத்தில் உள்ள அவரது இல்லத்தில் அஞ்சலிக்காக வைக்கப்பட்டுள்ளது. காயத்ரி ரகுராம், வை ராஜா வை படத்தின் பாடல் ஷூட்டிங்கிற்காக பாங்காக் சென்றுள்ளார். தந்தை மறைவுக்கு குறித்து அவருக்கு தகவல் தெரிவிக்கப்பட்டுள்ளது. இதனால் அவர் வந்த பிறகு, ரகுராமின் இறுதிசடங்கு திங்களன்று(டிச. 2ம் தேதி) நடைபெறுகிறது.

-dinamalar

by **சிவா** Sat Nov 30, 2013 4:42 pm

அன்னாரின் ஆத்மா சாந்தியடைய பிரார்த்திக்கிறேன்!

by **ஜாஹீதாபானு** Sat Nov 30, 2013 5:47 pm

அவரின் குடும்பத்தார்க்கு ஆழ்ந்த இரங்கல்

by **ராஜா** Sat Nov 30, 2013 6:27 pm

அவரின் குடும்பத்தார்க்கு ஆழ்ந்த இரங்கல்

by **M.M.SENTHIL** Sat Nov 30, 2013 10:02 pm

ஆடி, ஆடியே பழக்கப்பட்ட கால்கள் இப்போது ஆறடி மண்ணை முத்தமிட செல்கிறது. ஆழ்ந்த அனுதாபங்கள் அவரது குடும்பத்தாருக்கு.

by உதயசுதா Sun Dec 01, 2013 9:54 am

அன்னாரின் மறைவுக்கு என் ஆழ்ந்த இரங்கல்கள்.

அவரது ஆன்மா சாந்தி அடையவும், அவரது குடும்பத்துக்கு இந்த இழப்பை தாங்கும் சக்தி தர வேண்டும் என்றும் இறைவனிடம் என்னுடைய பிரார்த்தனைகள்