மருத மரத்தை வெட்டலாமா?

சிவகங்கை சமஸ்தானத்து ஆட்சிக்கு உட்பட்ட திருபுவனம் என்கிற ஊரில் நடந்த சம்பவம் இது.

மருது பாண்டியர் ஆட்சிக் காலத்தில் பெரிய மருது காளையார்கோவிலுக்குப் புதிதாக ஒரு தேர் நிர்மாணிக்கும் பணியில் தீவிரமாக இருந்தபோது, தேருக்குத் தேவையான சக்கர அச்சு மரம் பெரிதாக வேண்டியிருந்தது.

திருபுவனம் சிவாலயத்துக்கு முன்னால் இருந்த மருதமரம், உருவில் மிகப் பெரிதாக இருந்ததால், அரசர் அந்த மரத்தை வெட்டிக் கொண்டு வரச் சொல்லி சிலரை அனுப்பி வைத்தார்.

அவர்கள் மரத்தை வெட்ட முயன்ற போது, கோயில் குருக்கள் வந்து தடுத்தார். கோயிலுக்கு முன் காற்று வாங்க பக்தர்கள் அமரும் அந்த மரத்தடியைக் காப்பாற்ற வேண்டுமென்கிற எண்ணம் அவரிடம் மேலோங்கியிருந்தது. அதனால்,"அரசர் மேல் ஆணை. இந்த மரத்தை வெட்டக் கூடாது'' என்று சொல்லிவிட்டார்.

வேலையாட்கள் அரசரிடம் சென்று "குருக்கள், "அரசர் மேல் ஆணை' என்று குறிப்பிட்டு மரத்தை வெட்டுவதைத் தடுத்துவிட்ட விவரத்தைச் சொன்னார்கள்.

அரசர் கோபமாகக் குதிரை மீதேறி, படையுடன் திருபுவனம் வந்தார். குருக்களை அழைத்து,"என் ஆணைக்கு மேல் ஆணையிட்டு தடுக்குமளவுக்கு உங்களுக்கு அதிகாரம் யார் கொடுத்தது?'' என்று கோபமாகக் கேட்டார்.

குருக்கள் கடவுளை மனதில் நிறுத்தி, பவ்யமாக மன்னனிடம்,"அரசே, உங்கள் மீது உள்ள பற்றுதான். நீங்கள் வெட்டும்படி சொன்ன இந்த மரத்தின் பெயர் என்ன?'' என்று கேட்டார்.

"மருதமரம்'' என்று மன்னர் சொல்ல...

"உங்கள் பெயரைத் தாங்கி நிற்கும் இந்த மரத்தைப் பார்க்கும்போதெல்லாம் எனக்கும், இங்குள்ள மக்களுக்கும் உங்கள் நினைவுதான் வரும். இந்த மரம்தான் இந்தக் கோயிலுக்கு வரும் பக்தர்களைக் கோடை வெப்பத்திலிருந்து தங்களைப் போல பாதுகாக்கிறது. அதனால்தான் இந்த மரத்தை வெட்ட வேண்டாமென்று தடுத்தேன்'' என்று சொல்ல, அவர் சொன்னதில் நியாயம் இருப்பதை உணர்ந்த மன்னர் வேலையாட்களிடம் வேறு மரத்தை வெட்டிக் கொள்ள ஆணையிட்டுவிட்டு குருக்களைப் பாராட்டி பொன்னும், பொருளும் பரிசளித்தாராம்.

("பெரிய மனிதர்கள் அரிய சாதனைகள்' நூலிலிருந்து)

அருமையான குருக்கள், என்னே ராஜா பக்தி அவருக்கு நல்ல பதிவு சிவா !

இதற்க்கு அருகே இன்னொமொரு காளி கோயிலுண்டு மடப்புரம் காளி என்று நினைக்கிறேன் சிறு வயதில் சென்றிருந்த போது காளியின் பெரிய உருவத்தைப் பார்த்து பயந்து விட்டேன் .
வந்து பாருங்களேன் ....

செம்மொழியான் பாண்டியன் wrote:இதற்க்கு அருகே இன்னொமொரு காளி கோயிலுண்டு மடப்புரம் காளி என்று நினைக்கிறேன் சிறு வயதில் சென்றிருந்த போது காளியின் பெரிய உருவத்தைப் பார்த்து பயந்து விட்டேன் .
வந்து பாருங்களேன் ....

சிறு வயதில் காளி உருவத்தைப் பார்த்துப் பயப்படுவதும், பெரியவனானதும் மனைவியைப் பார்த்துப் பயப்படுவதும் இயற்கை தானே!

சிவா wrote:

செம்மொழியான் பாண்டியன் wrote:இதற்க்கு அருகே இன்னொமொரு காளி கோயிலுண்டு மடப்புரம் காளி என்று நினைக்கிறேன் சிறு வயதில் சென்றிருந்த போது காளியின் பெரிய உருவத்தைப் பார்த்து பயந்து விட்டேன் .
வந்து பாருங்களேன் ....

சிறு வயதில் காளி உருவத்தைப் பார்த்துப் பயப்படுவதும், பெரியவனானதும் மனைவியைப் பார்த்துப் பயப்படுவதும் இயற்கை தானே!

அச்சச்சோ............அதுக்குத்தான் பாரதி கூட " யாதுமாகி நின்றாய் காளி" என்றாரோ?    

krishnaamma wrote:
அச்சச்சோ............அதுக்குத்தான் பாரதி கூட " யாதுமாகி நின்றாய் காளி" என்றாரோ?    

அவரும் பயந்திருப்பாரோ?

காளிமாதிரி பயங்கரமா இல்ல ஆனா மோகினி மாதிரி பயமா இருக்கா(ங்க)





(அந்த அடைப்புகுறி எதற்க்காக என்றால் என் மனைவி ஈகரை படிக்கும் பழக்கம் உள்ளவ(ங்க) )

செம்மொழியான் பாண்டியன் wrote:காளிமாதிரி பயங்கரமா இல்ல ஆனா மோகினி மாதிரி பயமா இருக்கா(ங்க)





(அந்த அடைப்புகுறி எதற்க்காக என்றால் என் மனைவி ஈகரை படிக்கும் பழக்கம்  உள்ளவ(ங்க)   )

    

ம்ம்ம்ம்.. அந்த பயம் இருக்கட்டும்!

சிவா wrote:

krishnaamma wrote:
அச்சச்சோ............அதுக்குத்தான் பாரதி கூட " யாதுமாகி நின்றாய் காளி" என்றாரோ?    

அவரும் பயந்திருப்பாரோ?

இருக்கும் இருக்கும்................ அதனால் தான் பாருங்கள் 'செல்லம்மா' என்று அன்பொழுக மனைவியை அழைப்பர், கண்ணம்மா , கண்ணம்மா என்று கொஞ்சலாக எவ்வளவு அருமையான கவிதைகள் வடித்து இருக்கார்

செம்மொழியான் பாண்டியன் wrote:காளிமாதிரி பயங்கரமா இல்ல ஆனா மோகினி மாதிரி பயமா இருக்கா(ங்க)





(அந்த அடைப்புகுறி எதற்க்காக என்றால் என் மனைவி ஈகரை படிக்கும் பழக்கம்  உள்ளவ(ங்க)   )

ஹா.ஹா...ஹா..............