இலங்கை பாராளுமன்றத்தில் பிரபாகரனுக்கு புகழாரம்: தமிழ் எம்.பி.ஸ்ரீதரன் பேச்சு

இலங்கை பாராளுமன்றத்தில் பிரபாகரனுக்கு தமிழ் எம்.பி. ஸ்ரீதரன் புகழாரம் சூட்டினார்.

இலங்கை பாராளுமன்ற கூட்டம் கொழும்புவில் நடந்தது. அதில் தமிழ் தேசிய கூட்டமைப்பின் எம்.பி. ஸ்ரீதரன் சிவஞானம் கலந்து கொண்டு பேசினார். அப்போது விடுதலைப்புலிகள் தலைவர் பிரபாகரனுக்கு புகழாரம் சூட்டினார்.

பாராளுமன்றத்தில் அவர் பேசியதாவது:–

விடுதலைப்புலிகளின் தலைவர் பிரபாகரனின் போராட்டம் நியாயமானது. அதில் தவறில்லை. அவரது பிறந்த நாள் இன்றைய தினம் அமைந்துள்ளது.

மாவீரர் தினத்தில் பிரபாகரன் மற்றும் உயிரிழந்த மற்ற போராளிகளுக்கு (விடுதலைப்புலிகளுக்கு) அஞ்சலி செலுத்த வேண்டியது அவசியம். தமிழீழ விடுதலைப்புலிகளின் போராட்டம் ஒரு சுதந்திர போராட்டமாக கருதப்பட வேண்டும்.

இவ்வாறு அவர் பேசினார்.

அவரது இந்த உரைக்கு ஆளும் கட்சியினர் கடும் எதிர்ப்பு தெரிவித்தனர். பிரபாகரன் தமிழ் மற்றும் சிங்கள தலைவர்களை கொலை செய்துள்ளதாக உயர்கல்வி மந்திரி குற்றம் சாட்டினார்.

மந்திரி வாசுதேவ நாணயக்காராவும் எதிர்ப்பு தெரிவித்தார். பிரபாகரன் குறித்து ஸ்ரீதரன் எம்.பி. ஆற்றிய உரையை அவை குறிப்பில் இருந்து நீக்கி விடுமாறு சபாநாயகர் உத்தரவிட்டார். எனவே பிரபாகரன் குறித்தும் மாவீரர்கள் குறித்தும் அவர் உரையாற்றிய சில பகுதிகள் நீக்கப்பட்டன.

எனவே பாராளுமன்றத்தில் ஸ்ரீதரன் எம்.பி. பேசிய உரையின் முழு பகுதியும் இலங்கை பாராளுமன்ற இணையதளத்தில் பிரசுரிக்கப்படவில்லை.

-maalaimalar

தமிழகத்திலேயே அவர் பெயரைப் பயன்படுத்தினால் தடை செய்கிறார்கள், சிங்களவன் சும்மா இருப்பனா?

சிவா wrote:தமிழகத்திலேயே அவர் பெயரைப் பயன்படுத்தினால் தடை செய்கிறார்கள், சிங்களவன் சும்மா இருப்பனா?

தமிழகத்தில் இருக்கும் ஓட்டுபொறுக்கிகள் கூட செய்யமுடியாத செயலை ஒரு ஈழத்தமிழன் செய்துள்ளது தான் மகிழ்ச்சியாக உள்ளது தல.

சிங்கத்தின் குகையிலேயே புலியின் பெருமையை பேசிய மாவீரன் இந்த சகோதரர் ஸ்ரீதரன்,மனமார்ந்த வாழ்த்துகள் , கவனமுடன் இருங்கள்

ராஜா wrote:

சிவா wrote:தமிழகத்திலேயே அவர் பெயரைப் பயன்படுத்தினால் தடை செய்கிறார்கள், சிங்களவன் சும்மா இருப்பனா?

தமிழகத்தில் இருக்கும் ஓட்டுபொறுக்கிகள் கூட செய்யமுடியாத செயலை ஒரு ஈழத்தமிழன் செய்துள்ளது தான் மகிழ்ச்சியாக உள்ளது தல.

சிங்கத்தின் குகையிலேயே புலியின் பெருமையை பேசிய மாவீரன் இந்த சகோதரர் ஸ்ரீதரன்,மனமார்ந்த வாழ்த்துகள் , கவனமுடன் இருங்கள்