எள்ளு-கொள்ளு தானியங்கள்

**ayyasamy ram** · **ayyasamy ram** Wed Nov 27, 2013 9:05 am

-

‘இளைத்தவனுக்கு எள்ளு கொழுத்தவனுக்குக் கொள்ளு‘
என்பது கிராமத்துப் பழமொழி.

எள்ளும் கொள்ளும் சங்க இலக்கியங்களில் கூட இடம்
பெற்றுள்ளன. எள் மிகச் சிறந்த உணவுப் பொருள்.
இது உடல் அளவில் இளைத்து இருப்பவர்களை
வலுவுள்ளவர்களாக மாற்றும் தன்மை கொண்டது.

கிராமப்புறங்களில் இன்னும் கூட நரம்புத்தளர்ச்சி
வந்தவனுக்கு எள் உருண்டையைக் கொடுப்பதைக்
காணலாம். சுருக்கமாகச் சொன்னால் எள் இல்லாத
தமிழர் பலகாரத்தைப் பார்க்க முடியாது.

எள்ளில் இருந்து பிழிந்து எடுக்கப்படும்
எண்ணெயைத்தான் ‘நல்லெண்ணெய்‘ என்று
சொல்கிறோம். ஆக, இளைத்தவனை தேற்றும் என்பதால்
இளைத்தவனுக்கு எள்ளைக் கொடு என்றார்கள்.

அதே போல், கொழுத்தவனுக்கு கொள்ளு கொடுக்க
சொன்னதிலும் காரணம் உள்ளது. ஊளைச்சதை
போட்டவர்களை, கட்டுடல் காளையாக மாற்றும்
சக்தி கொள்ளுக்கு உண்டு. கொள்ளு,

குதிரைகளுக்கு விருப்பமான உணவு.
அதை சாப்பிட்டால், களைப்பு இல்லாமல் குதிரைகள்
ஓடும். அதிக அளவுக்கு தீனி எடுத்துக் கொண்டாலும்,
குதிரைக்கு அளவான உடல் இருப்பதற்கு காரணம்
அந்தக் கொள்ளுதான். விவசாயத்துக்கும் இது பொருந்தி
வரும், பொருளாதார ரீதியாக வளம் குறைந்து
இருப்பவர்கள், எள் பயிர் செய்தால் நல்ல பயன் பெற
முடியும்.

மானவாரியில் கூட சிறப்பாக விளைச்சல் கொடுக்கக்
கூடியது. செலவில்லாமலே நல்ல வருமானம் கிடைத்து
விடும். அதனால்தான் பொருளாதாரத்தில் இளைத்தவர்
எள் பயிர் செய்ய வேண்டும் என்கிறார்கள். அளவுக்கு
மீறிய பணம் இருந்தால் நிலத்தில் பயிர் செய்யாமல்
விடக்கூடாது. எதையாவது பயிர் செய்ய வேண்டும்.
சோம்பேறித்தனமாக இருந்து, நிலத்தில் பயிர் செய்வதை
மறந்து விடக் கூடாது என்பதற்காகவே
கொழுத்தவனுக்கு கொள்ளு என்றும் சொல்லி வைத்தார்கள்.
-
------------------------------------
நன்றி: தினத்தந்தி

**ஜாஹீதாபானு** · **ஜாஹீதாபானு** Wed Nov 27, 2013 1:05 pm

நல்ல விளக்கம் நன்றீ

**T.N.Balasubramanian** · **T.N.Balasubramanian** Wed Nov 27, 2013 1:19 pm

மிகவும் கோபமாக உள்ள சமயத்தில் "முகத்தில் எள்ளும் கொள்ளும் வெடித்தது " என்ற வார்த்தை புழக்கத்தில் உள்ளது. எள்ளுக்கும் கொள்ளுக்கும் கோபத்தில் என்ன சம்பந்தம் என்று கூற இயலுமா? பதில் தெரிந்தவர்கள் பகிர்ந்துக் கொள்ளலாம்.
ரமணியன்

**krishnaamma** · **krishnaamma** Wed Nov 27, 2013 1:54 pm

T.N.Balasubramanian wrote:மிகவும் கோபமாக உள்ள சமயத்தில் "முகத்தில் எள்ளும் கொள்ளும் வெடித்தது " என்ற வார்த்தை புழக்கத்தில் உள்ளது. எள்ளுக்கும் கொள்ளுக்கும் கோபத்தில் என்ன சம்பந்தம் என்று கூற இயலுமா? பதில் தெரிந்தவர்கள் பகிர்ந்துக் கொள்ளலாம்.
ரமணியன்

சூடான வாணலி இல் எள்ளோ அல்லது கொள்ளோ போட்டால் 'பட பட' வென வெடிக்கும். ( தோசை மிளகாய் பொடி அல்லது எள் பொடி செய்ய இப்படித்தான் வறுப்போம் ஐயா புன்னகை

) அது போல கோபமாக உள்ளவர்களின் முகத்தில் எள்ளோ கொள்ளோ போட்டால் வெடிக்கும் ....அதாவது அவர்கள் அவ்வளவு 'சூடாக' இருக்கிறார்கள் என்பதற்கு சொன்ன உவமானம் தான் நீங்கள் சொன்ன "முகத்தில் எள்ளும் கொள்ளும் வெடித்தது " என்பது. என் பதில் சரியா ஐயா? புன்னகை

**T.N.Balasubramanian** · **T.N.Balasubramanian** Wed Nov 27, 2013 5:25 pm

நீங்கள் சொன்னால் சரியாகத்தானே இருக்கும்.
( எனக்கும் சரி என்றே படுகிறது) நன்றி.
ரமணியன்

Sponsored content · Sponsored content

எள்ளு-கொள்ளு தானியங்கள்

எள்ளு-கொள்ளு தானியங்கள்

Re: எள்ளு-கொள்ளு தானியங்கள்

Re: எள்ளு-கொள்ளு தானியங்கள்

Re: எள்ளு-கொள்ளு தானியங்கள்

Re: எள்ளு-கொள்ளு தானியங்கள்

Re: எள்ளு-கொள்ளு தானியங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக