மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

**சிவா** · **சிவா** Sat Nov 23, 2013 3:41 pm

வரும் ஜனவரி மாதம் 1 ஆம் தேதி முதல் ஜோகூர் மாநிலத்தில் வார விடுமுறை நாட்களாக வெள்ளிக்கிழமையும், சனிக்கிழமையும் இருக்குமென ஜோகூர் சுல்தான் இன்று அறிவித்தார்.

வேகமாக வளர்ந்து வரும் இஸ்கண்டார் பொருளாதார நிலையைக் கருத்தில் கொண்டு இம்முடிவை எடுத்திருப்பதாகவும் சுல்தான் தனது 55 பிறந்தநாள் விழாவில் தெரிவித்துள்ளார்.

“இஸ்லாமியர்கள் தங்கள் வழிபாடுகளை அமைதியான முறையில் நடத்த வெள்ளிக்கிழமை விடுமுறை வேண்டும் என்று பல்வேறு இஸ்லாமியர்களிடமிருந்து வந்த கோரிக்கையின் அடிப்படையில் இந்த முடிவு எடுக்கப்படுகின்றது” என்று ஜூப்ளி இந்தான் சுல்தான் இப்ராகிம் மண்டபத்தில் நடைபெற்ற விழாவில் சுல்தான் கூறினார்.

இதற்கு முன்னர், கடந்த 1994 ஆம் ஆண்டு வரை ஜோகூரில் வெள்ளி, சனி விடுமுறை அமலில் இருந்தது. அதன் பின்னர் தற்போது வரை சனி, ஞாயிறு விடுமுறை நாட்களாக இருந்து வருகின்றது குறிப்பிடத்தக்கது.

தற்போது மலேசியாவில், கெடா, கிளந்தான் மற்றும் திரங்காணு ஆகிய மாநிலங்களில் வெள்ளி, சனி விடுமுறை நாட்களாக இருந்து வருவது குறிப்பிடத்தக்கது.

செல்லியல்

**ayyasamy ram** · **ayyasamy ram** Sat Nov 23, 2013 6:28 pm

அரபு நாடுகளில் உள்ளது போல
மாற்றம் கண்டுள்ளது...
-
வரவேற்கத்தக்கது

**SajeevJino** · **SajeevJino** Sat Nov 23, 2013 7:16 pm

ஹ்ம்ம் ..யூத மரபுப் படி சனிக்கிழமை வார விடுமுறை ... நல்லது

**சிவா** · **சிவா** Mon Nov 25, 2013 5:53 pm

ஜோகூரில் தனியார் நிறுவனங்கள் வெள்ளிக்கிழமை செயல்படுமா?

ஜோகூரில் அடுத்த ஆண்டிலிருந்து ஞாயிறு முதல் வெள்ளி வரை வேலை நாட்களாக அறிவித்ததை ஜோகூர் மாநில வர்த்தகக் கூட்டமைப்பு வரவேற்றுள்ளது. அதே நேரத்தில் தனியார் நிறுவனங்கள் மற்றும் வங்கிகள் பழைய நிலையிலேயே இருக்கவும் வலியுறுத்தியுள்ளது.

இது குறித்து கூட்டமைப்புத் தலைவர் டான் செங் லியாங் கூறுகையில், “கடந்த 1994 ஆம் ஆண்டு வரை ஜோகூர் மாநிலத்தில் வழக்கத்தில் இருந்த வெள்ளி, சனி வார விடுமுறை மீண்டும் அமல்படுத்தப்படவுள்ளது.அதே நேரத்தில் 1990 ஆம் ஆண்டில், ஜோகூர் மாநிலத்தில் தனியார் நிறுவனங்கள் அனைத்தும் திங்கள் முதல் வெள்ளி வரை வேலை நாட்களாகவும், அரசாங்க நிறுவனங்கள் மற்றும் பள்ளிகள் வெள்ளி, சனி விடுமுறை நாட்களாகவும் பின்பற்றி வந்தன. எனவே மீண்டும் அதே முறையை நடைமுறைப்படுத்தும் படி கேட்டுக்கொள்கின்றோம்” என்று தெரிவித்தார்.

மேலும், தொழில் துறைகளை வெள்ளிக்கிழமை தங்கள் பணியாளர்களுக்கு கூடுதல் நேர ஊதியம் கொடுக்கும் படி கட்டாயப்படுத்தக் கூடாது என்றும் டான் செங் குறிப்பிட்டார்.

இது குறித்து ஜோகூர் மந்திரி பெசார் காலிட் நோர்தின் கூறுகையில், “வெள்ளிக்கிழமை விடுமுறையா அல்லது வேலை நாளா என்பதை தனியார் நிறுவனங்கள் முடிவெடுத்துக் கொள்ளலாம்” என்று தெரிவித்தார்.

இருப்பினும், அந்நிறுவனங்கள் வெள்ளிக்கிழமை ஊழியர்களுக்கு கூடுதல் நேர ஊதியம் வழங்க வேண்டுமா என்பதை குறிப்பிடவில்லை.

Sponsored content · Sponsored content

மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

Re: மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

Re: மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

Re: மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

Re: மலேசியா: ஜோகூரில் ஜனவரி முதல் வெள்ளி,சனி வார விடுமுறை – சுல்தான் அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக