வர்த்தக பயன்பாட்டுக்கு வந்தது 'ஐபிடிவி' (IPTV)

by **முத்துராஜ்** Mon Nov 25, 2013 4:05 pm

`

வர்த்தக பயன்பாட்டுக்கு வந்தது 'ஐபிடிவி' (IPTV) Xbox_360_iptv

சென்னையில், பி.எஸ். என்.எல்., நிறுவனத்தின் 'ஐபிடிவி' இம்மாத முதல் தேதியில் இருந்து வர்த்தக ரீதியாக பயன்பாட்டிற்கு வந்தது.

பொதுமக்கள் தற்போது அனைத்து 'டிவி' சேனல்களையும் கேபிள் அல்லது, 'டிடிஎச்' வழியாக பார்த்து வருகின்றனர். வீட்டில் கம்ப்யூட்டர் மற்றும் இன்டர்நெட் இணைப்பு பெற்றிருப்பவர்கள், கம்ப்யூட்டரிலேயே அனைத்து கேபிள் சேனல்களையும் பார்க்கும் வசதியை, சமீபத்தில் பி.எஸ்.என்.எல்., அறிமுகப்படுத்தியது.

'ஐபிடிவி' என்ற பெயரில் அறிமுகப்படுத்தப்பட்டிருக்கும் இந்த சேவைக்கென, தனியான 'டிஷ்' அல்லது ஒயர் இணைப்பு தேவையில்லை.

பி.எஸ்.என்.எல்., பிராட்பேண்டு இணைப்புடன் சேர்த்தே வழங்கப்படுகிறது. மைவே என்ற நிறுவனத்துடன், பி.எஸ்.என்.எல்., நிறுவனம் இணைந்து வழங்கும் இந்தச் சேவையில், சேனல்களைப் பொறுத்து பல்வேறு திட்டங்கள் அறிவிக்கப்பட்டுள்ளன.

நான்கு மாதங்களுக்கு முன் பரீட்சார்த்த ரீதியாக இந்த சேவை, விண்ணப்பித்தவர்களுக்கு வழங்கப்பட்டது. கடந்த 1ம் தேதி முதல் இந்த சேவை, வர்த்தக ரீதியாக பயன்பாட்டிற்கு வந்துள்ளது. கேபிள்களில் வழங்கப்படும் அனைத்து சேனல்களும் இதில் இடம்பெற்றுள்ளன.

வாடிக்கையாளர்கள் தேவைப்படும் திட்டங்களை தேர்வு செய்துகொள்ளலாம். மேலும், மைவே நிறுவனத்தை தொடர்ந்து, 'ஏசிடி' எனும் நிறுவனமும் தற்போது தனது சேவையை பி.எஸ்.என்.எல்., 'ஐபிடிவி' மூலம் வழங்க உள்ளது.

இதனால், திட்டங்களுக்கான கட்டணம் போட்டி அடிப்படையில் குறைய வாய்ப்புள்ளதாக, பி.எஸ்.என்.எல்., அதிகாரி ஒருவர் தெரிவித்தார். சென்னையில் அறிமுகப்படுத்தப்பட்டுள்ள இந்த, 'ஐபிடிவி' இந்தியாவில் பல நகரங்களிலும் வர்த்தக ரீதியாக பயன்பாட்டிற்கு வந்து, மக்களிடம் நல்ல வரவேற்பைப் பெற்றுள்ளது

tamil

by **ஜாஹீதாபானு** Mon Nov 25, 2013 4:50 pm

தகவலுக்கு நன்றி

by **சிவா** Mon Nov 25, 2013 5:37 pm

Internet Protocol television சேவை வழங்கும் அளவிற்கு பி.எஸ்.என்.எல். இணைய சேவை வேகமானதா?

by **ராஜா** Mon Nov 25, 2013 5:43 pm

இருக்கும் தல , இங்கும் இந்த வசதி முன்பே வந்துவிட்டது ஆரம்பத்தில் இன்டர்நெட் மிக கேவலமாக இருக்கும் ஆனால் தொலைக்காட்சி நன்றாக தடங்கல் இல்லாமல் வரும்.

by **சிவா** Mon Nov 25, 2013 5:48 pm

ராஜா wrote:இருக்கும் தல , இங்கும் இந்த வசதி முன்பே வந்துவிட்டது ஆரம்பத்தில் இன்டர்நெட் மிக கேவலமாக இருக்கும் ஆனால் தொலைக்காட்சி நன்றாக தடங்கல் இல்லாமல் வரும்.

வர்த்தக பயன்பாட்டுக்கு வந்தது 'ஐபிடிவி' (IPTV) 3838410834

by veeyaar Fri Nov 29, 2013 7:15 am

மிகவும் பயனுள்ள தகவல். ஒரு சில ஆண்டுகட்கு முன் வரை இது பயன்பாட்டில் இருந்தது. நடுவில் நின்று விட்டது. தற்போது இது தொடருவதாக தாங்கள் கூறியிருக்கிறீர்கள். இதைத் தற்போது பயன்பாட்டிற்கு அளித்துள்ளார்களா. தகவல் தர முடியுமா. மீண்டும் தொடர விரும்புகிறேன். மைவே இணைய தளத்தில் போதிய தகவல்கள் இல்லை.

by **ayyasamy ram** Fri Nov 29, 2013 7:44 am

இப்போ மாத கட்டணம் 100 ரூபாயில்
பார்த்து விடுகிறோம்..
-
'ஐபிடிவி-யில் மாத கட்டணம் ரூ 280 ஆகும்..
-

by **T.N.Balasubramanian** Fri Nov 29, 2013 9:14 am

சென்னையை பொறுத்தவரையில் BSNL சேவை வேகம் , மிகவும் நன்றாகவே உள்ளது. எனது கர்நாடக /மைசூர் உறவினருக்கு ஒரே ஆச்சர்யம். அங்கே மிகவும் தண்டமாக இருப்பதாக கூறினார். நாம் தேர்ந்து எடுக்கும் Plan தக்கமாதிரி ஸ்பீடும் வேறுபடுகிறது.
ரமணியன்