இஸ்லாமிய வன்முறைகளுக்குகிடையே இன்று பொதுத்தேர்தலை எதிர்கொள்ளும் மாலி

**ராஜா** · **ராஜா** Sun 24 Nov 2013 - 16:29

மாலி நாட்டின் அரசியல் நெருக்கடி 2012-ம் ஆண்டில் தொடங்கியது. அந்நாட்டின் பிரிவினைவாதிகளான துராக் புரட்சியாளர்கள் அல்கொய்தா தீவிரவாதிகளுடன் இணைந்து மேற்கொண்ட வன்முறையில் கிட்டத்தட்ட 5 லட்சம் மக்கள் தங்கள் இருப்பிடங்களைவிட்டுப் புலம் பெயர்ந்தார்கள். அந்த ஆண்டு மார்ச் மாதத்தில் புரட்சியாளர்களை அடக்கத் திறனில்லாத ராணுவத்தினரை எதிர்த்து அரசின் இளநிலை அதிகாரிகளே மேற்கொண்ட சதியில் மாலியின் அதிபர் அமாடோ டுமானி பதவி இழக்க நேரிட்டது.

இதனைத் தொடர்ந்து போராளிகள் 2013-ம் ஆண்டு ஜனவரிக்குள் மாலியில் மூன்றில் இரு பங்கு பகுதிகளைத் தங்கள் கட்டுப்பாட்டில் கொண்டுவந்தனர். இவர்களை அடக்க பிரான்ஸ் 4,500 வீரர்கள் கொண்ட தனது ராணுவத்துருப்பினை அனுப்பியது. கடந்த ஜூன் மாதம் இரு பிரிவினருக்குமிடையே அமைதி ஒப்பந்தம் ஒன்று மேற்கொள்ளப்பட்டு ஆகஸ்ட் மாதத்தில் அதிபர் தேர்தலும் நடைபெற்றது.

அதிபர் தேர்தல் அமைதியாக நடைபெற்றபோதும், அதனைத் தொடர்ந்து மாலியில் வன்முறைக் கலவரங்கள் அதிகரிக்கத் தொடங்கியது. தற்போது பாராளுமன்றத் தேர்தலுக்கான வாக்கெடுப்பு இன்று நடைபெற உள்ள நிலையில் ஐக்கிய நாடுகள் படையான மினுஸ்மா தேர்தல் பொருட்களை அளித்துள்ளது. பிராந்திய மற்றும் சர்வதேசப் பார்வையாளர்கள் நம்பகமான தேர்தலுக்குத் தேவையான அனைத்து ஏற்பாடுகளும் செய்யப்பட்டுள்ள நிலையில் 90 சதவிகிதம் வாக்குப்பதிவு நடைபெறவேண்டும் என்று குறிப்பிட்டுள்ளார்கள்.

ஆனால், கிடால் பகுதியில் கடந்த மூன்று வாரங்களுக்கு முன்னால் இரண்டு பிரஞ்சு பத்திரிகையாளர்கள் தீவிரவாதிகளால் கொல்லப்பட்டுள்ளனர். அதிபர் இப்ராஹீம் பவ்பக்கர் கெய்டாவின் வேட்பாளர்கள் தவிர மற்ற கட்சியினர் பிரச்சாரத்திற்கு செல்லவே அச்சப்படுவதாகத் தெரிவித்துள்ளனர். இதனைத் தொடர்ந்து அதிகப்படியான பிரஞ்சுப் படைகள் அந்தப் பகுதியில் நிலைநிறுத்தப்பட்டுள்ளன. எனினும், கடந்த வியாழன் அன்று மாலியின் வடக்குப்பகுதி நகரமான காவோவில் ராக்கெட் தாக்குதலும் நடைபெற்றதாகத் தெரிவிக்கப்பட்டுள்ளது.

தொடரும் வன்முறைகளுக்கிடையில்,மொத்தம் 6.5 மில்லியன் மக்கள் பாராளுமன்றத் தேர்தலின் முதல் சுற்றில் வாக்களிக்க உள்ளனர். இந்தத் தேர்தல் ராணுவ ஆட்சிக் கவிழ்ப்பு மூலம் பதற்றமான மேற்கு ஆப்பிரிக்க நாட்டின் ஜனநாயக மலர்ச்சிக்கு முதல் படியாகக் கருத்தப்படுவதால் அரசியல் பார்வையாளர்களும் இதன் முடிவை எதிர்நோக்கியுள்ளனர்.

**ayyasamy ram** · **ayyasamy ram** Sun 24 Nov 2013 - 17:22

Mali,
officially the Republic of Mali,
is a landlocked country in West Africa.
Mali is bordered by Algeria to the north,
Niger to the east, Burkina Faso and Côte d'Ivoire
to the south
-
இஸ்லாமிய வன்முறைகளுக்குகிடையே இன்று பொதுத்தேர்தலை எதிர்கொள்ளும் மாலி Ktw78MaZQylawL1d1720+mali