தஞ்சையில் செல்போன் டவர் அமைக்க பொதுமக்கள் எதிர்ப்பு

by **ராஜா** Sun Nov 24, 2013 3:01 pm

தஞ்சாவூர் ரெட்டி பாளையம் சாலையில் உள்ள ராகவேந்திராநகர் விரிவாக்கத்தில் ஒருதனியார் நிறுவனம் சார்பில் செல்போன் டவர் அமைக்க குழி தோண்டப்பட்டது.
தஞ்சையில் செல்போன் டவர் அமைக்க பொதுமக்கள் எதிர்ப்பு Bff8940a-5099-4514-917b-947ddc78a626_S_secvpf

தஞ்சையில் செல்போன் டவர் அமைக்க பொதுமக்கள் எதிர்ப்பு Bff8940a-5099-4514-917b-947ddc78a626_S_secvpf

இதுபற்றி தகவல் அறிந்த அப்பகுதி மக்கள் தங்கள் பகுதியில் செல்போன் டவர் அமைத்தால் மிகுந்த பாதிப்பு ஏற்படும். 1 ½ கி.மீ. தூரத்துக்கு ஏற்படும் கதிர்வீச்சு காரணமாக அப்பகுதி மக்களுக்கு புற்றுநோய் வர வாய்ப்பு உருவாகும், எனவே செல்போன் டவர் அமைக்க கூடாது என்று கூறி மாவட்ட கலெக்டர் மாவட்ட போலீஸ் சூப்பிரண்டு ஆகியோருக்கு மனு கொடுத்தனர். இருந்த போதிலும் செல்போன் டவர் அமைக்கும்பணி தொடர்ந்து நடைபெற்று வந்தது.

இதனால் ஆத்திரம் அடைந்த அப்பகுதி மக்கள் நூற்றுக்கும் மேற்பட்டவர்கள் இன்று திரண்டு செல்போன் டவர் அமைக்க கடும் கண்டனம் தெரிவித்தனர்.

மேலவெளி ஊராட்சி மன்ற தலைவர் முரளிதரன், வணிகர் சங்க பேரவை மாவட்ட தலைவர் கணேசன், மாநில துணைத்தலைவர் புண்ணியமூர்த்தி, மாவட்ட செயலாளர் முருகேசன் பொருளாளர் ரவி, துணைத் தலைவர் ரமேஷ் இணைச் செயலாளர் கருப்பையன், வார்டு உறுப்பினர் வாசுதேவன் ஆகியோரும் செல்போன் டவர் அமைக்க எதிர்ப்பு தெரிவித்தனர்.

அவர்களுடன் தஞ்சாவூர் தாசில்தார். மற்றும் அதிகாரிகள் சமரச பேச்சுவார்த்தை நடத்தினார்கள். இதில் உடன்பாடு ஏற்பட்டதை தொடர்ந்து ஜே.சி.பி. எந்திரம் மூலம் செல்போன் டவர் அமைக்க தோண்டப்பட்ட குழி மூடப்பட்டது.

இந்த சம்பவம் காரணமாக தஞ்சையில் இன்று பரபரப்பு ஏற்பட்டது.

-maalaimalar

by **ராஜா** Sun Nov 24, 2013 3:05 pm

அதிக வாடகை கிடைக்கிறது என்பதற்காக சென்னையில் தங்களின் அப்பார்ட்மெண்ட் மொட்டைமாடியில் செல் போன் டவர் அமைக்க அனுமதி கொடுக்கும் மக்கள் இதை பார்த்தாவது திருந்துவார்களா?!.

தஞ்சை மக்களின் விழிப்புணர்வை மதிக்கிறேன் புன்னகை

by SHANMUGHAM Sun Nov 24, 2013 9:31 pm

தனி மனிதர்கள் அவ்வாறு கருத்து கொள்வது சாதாராணமானது, அனைவரும் ஒருமித்த கருத்துடன் போராடியது மட்டுமல்லாமல், நடவடிக்கையிலும் இறங்கியது பாராட்டத்தக்கது. அனைவருக்கும் சிரம் தாழ்ந்த பாராட்டுதல்கள்,

by raghuramanp Sun Nov 24, 2013 9:49 pm

வரவேற்க்கதக்க போராட்டம் இனிமேலாவது செல் போன் நிறுவனகள் இது மக்கள் வசிக்கும் பகுதிகளில் அமைக்காமல் இருக்குமா.

by **M.M.SENTHIL** Sun Nov 24, 2013 9:58 pm

கதிர்வீச்சு காரணமாக வரும் பாதிப்பை விளக்கி மாவட்ட கலெக்டர் மற்றும் மாவட்ட போலீஸ் சூப்பிரண்டு ஆகியோருக்கு மனு கொடுத்தும், அந்த மனு குப்பை தொட்டிக்கு போனதால் கொதித்தெழுந்த மக்கள் ஒன்று கூடி நடத்திய போராட்டம் மிக அருமை.

சிட்டு குருவி என்ற இனமே பாதி அழிந்துவிட்டது, மீதியுள்ள குருவிகளும் காப்பாற்ற போராடுவோம், நமது நலனையும் கருத்தில் கொள்வோம்.

by Sponsored content

தஞ்சையில் செல்போன் டவர் அமைக்க பொதுமக்கள் எதிர்ப்பு

தஞ்சையில் செல்போன் டவர் அமைக்க பொதுமக்கள் எதிர்ப்பு

Re: தஞ்சையில் செல்போன் டவர் அமைக்க பொதுமக்கள் எதிர்ப்பு

Re: தஞ்சையில் செல்போன் டவர் அமைக்க பொதுமக்கள் எதிர்ப்பு

Re: தஞ்சையில் செல்போன் டவர் அமைக்க பொதுமக்கள் எதிர்ப்பு

Re: தஞ்சையில் செல்போன் டவர் அமைக்க பொதுமக்கள் எதிர்ப்பு

Re: தஞ்சையில் செல்போன் டவர் அமைக்க பொதுமக்கள் எதிர்ப்பு