ஆத்தோரம் ஆலமரம்..........

கார்த்திவாசுகி · 19/11/2013

ஆத்தோரம் ஆலமரம் ஆண்டாண்டா வளர்ந்தமரம்!
நீர் நிறைய போகும்போது நீண்டகரை காத்த மரம்!
நீடித்த வெயில் அடிக்கயில நிழல் தந்து காத்த மரம்!
புயல் காற்று அடிக்கும் போதும் பூ தூவி நின்ற மரம்!
தானே புயல் வந்த போதும் தாங்கி நின்ற மரம்!
மாய்ந்து போகும் மண்வளம் காத்து நின்ற மாபெரும் மரம்!
பறவைகள் பல பாடுத்துறங்கி சென்ற மரம்!
ஊர்காரன் வெட்டினான் தேர்செய்ய தேவையினு
உன் அருமை பெருமை தெரியாத அரக்கர்கள்
மரமே.....
நீ மாய்ந்தால் என்ன உன் உடல் தானே தேர் தாங்குது!
இன்றும் உன் வேர் தானே ஆற்றங்கரை தாங்குது!
மரமே.....
நீ இருந்த அந்த இடம் நிழலின்றி பார்க்கும் போது
இந்த நிமிடங்கள் நிழலா? நிஜமா? என கண்கள் கலங்குகின்றது............

**சிவா** · **சிவா** Sun 24 Nov 2013 - 11:21

[mention]ஆத்தோரம் ஆலமரம்
ஆண்டாண்டா வளர்ந்தமரம்!
நீர் நிறைய போகும்போது
நீண்டகரை காத்த மரம்!
நீடித்த வெயில் அடிக்கயில
நிழல் தந்து காத்த மரம்!
புயல் காற்று அடிக்கும் போதும்
பூ தூவி நின்ற மரம்![/mention] wrote:

இந்தக் கவிதையைப் படிக்கும் பொழுது கீழே உள்ள வைரமுத்துவின் கவிதை வரிகள் நினைவுக்கு வந்தது!
மிகவும் அருமையான கவிதை!

பாண்டியர் குதிரைக் குளம்படியும் - துாள்
பறக்கும் இளைஞர் சிலம்படியும் - மதி
தோண்டிய புலவர் சொல்லடியும் - இளம்
தோகைமார்தம் மெல்லடியும்
மயங்கி ஒலித்த மாமதுரை - இது
மாலையில் மல்லிகைப் பூமதுரை

கார்த்திவாசுகி · 19/11/2013

இதுபோன்ற கவிதைகளை படைத்ததற்கு தங்களின் பாராட்டுகளே காரணம் இந்த வரிகள் உங்கள் பாராட்டுகளினால் படைத்தது மேலும் மேலும் என்னை படைக்க தூண்டுகிறது உங்கள் பாராட்டிற்கு நன்றிகள் பல............