சொத்து !

by வசீகரப்ரியன் Sat Nov 23, 2013 6:19 pm

சொத்து !
இதன் மேல் பலருக்கு பித்து !
சேர்த்தவன் போய் சேர்ந்தபிறகு
பிரிப்பது உறவை மட்டுமல்ல !
உயிரையும் தான் !

சொத்து ! கெட்டுப் போன
இதன் மேல் கெட்டுப் போகும்
உடலுக்கும் அதனைவிட்டுப்போகும்
உயிருக்கும் என்ன
அத்தனை ,மோகம் ?

பழம் கெட்டுப் போனால்
சொத்து என்று ஒதுக்குகிறோம் !
பருப்பு கெட்டுப் போனால்
சொத்து என்று ஒதுக்குகிறோம் !
பணம் நமை தொட்டு நின்றால்
சொத்து என்று விலக்குவதில்லை !
தனம் என்று விளக்குகின்றோம் !

என்ன மனமடா ?இது மடமடா ?
இனியேனும் சொத்தை சுற்றி
சொத்தைப் போவதை நிறுத்து !
ஆன்மாவை அதிலிருந்து
அரைமைல் தூரத்தில் நிறுத்து !
நிலையானதை நினைத்து
நிலையற்றதை துரத்து !

by **M.M.SENTHIL** Sat Nov 23, 2013 10:19 pm

சொத்து அது இல்லையேல் மண்ணில் ஏது கெத்து
மனதை மட்டும் பார்த்து வரும் காதல் கூட
மணிபர்சை பார்த்துதானே வருகிறது இங்கே.
சொத்து இல்லாதவன் இருக்கும்போதே மறக்கப்படுகிறான்
சொத்து உள்ளவன் இறந்தபின்னும் சிலையாய் நிற்கிறான்

by வசீகரப்ரியன் Mon Dec 02, 2013 6:58 pm

நன்றி திரு செந்தில் ..

by **சிவா** Mon Dec 02, 2013 7:04 pm

சொத்து அது இல்லையேல் மண்ணில் ஏது கெத்து

செந்தில் கூறியதுதான் சரி!

திறமையானவனுக்கு மரியாதை என்று ஏதுமில்லை! பணம் உள்ளவனுக்கே செல்லுமிடமெல்லாம் சிறப்பு!

by **ayyasamy ram** Tue Dec 03, 2013 9:13 am

கவிதை..

-
காசேதான் கடவுளடா
அந்த கடவுளுக்கும் இது தெரியுமடா...
-
என்ற திரைப்பட பாடல் நினைவுக்கு வருகிறது.

by **விஸ்வாஜீ** Tue Dec 03, 2013 9:42 am

M.M.SENTHIL wrote:சொத்து அது இல்லையேல் மண்ணில் ஏது கெத்து
மனதை மட்டும் பார்த்து வரும் காதல் கூட
மணிபர்சை பார்த்துதானே வருகிறது இங்கே.
சொத்து இல்லாதவன் இருக்கும்போதே மறக்கப்படுகிறான்
சொத்து உள்ளவன் இறந்தபின்னும் சிலையாய் நிற்கிறான்

வருத்தத்துடன் கூறினாலும் அதுதான் உண்மை நண்பா
நன்றி