பாரத ரத்னா - Bharat Ratna விருது பெற்றவர்கள்

by **சிவா** Sat Nov 23, 2013 1:19 pm

First topic message reminder :

பாரத ரத்னா - Bharat Ratna விருது பெற்றவர்கள் - Page 2 RJzbXPWwSxKBdCcZES2Y+5023846569623669903_Org

நாட்டின் குடிமக்களுக்கு வழங்கப்படும் மிக உயரிய விருதான பாரத ரத்னா 1954-ம் ஆண்டு தோற்றுவிக்கப்பட்டது.

இந்த விருதுக்கு தகுதியானவர்களின் பெயர்களை குடியரசுத் தலைவருக்கு பிரதமர் பரிந்துரைப்பார். ஓராண்டில் அதிகபட்சமாக 3 பேருக்கு பாரத ரத்னா விருது அறிவிக்கப்படும். இந்த விருது ஏற்படுத்தப்பட்டபோது, அமரர்களுக்கு வழங்கப்படாது என்ற விதி பின்பற்றப்பட்டது. அதனால்தான் 1948-ல் மறைந்த மகாத்மா காந்திக்கு விருது வழங்கப்படவில்லை என்று கூறப்படுகிறது.

இதை மாற்றும் வகையில் 1966-ல் அந்த விதியில் திருத்தம் கொண்டு வரப்பட்டது. அதன்பிறகு, முன்னாள் பிரதமர் லால் பகதூர் சாஸ்திரி உள்பட இதுவரை 12 பேருக்கு அவர்களின் மறைவுக்குப் பிறகு பாரத ரத்னா வழங்கப்பட்டுள்ளது.

நம் நாட்டவர்களைத் தவிர்த்து அன்னை தெரசா, அப்துல் கபார் கான், நெல்சன் மண்டேலா ஆகிய வெளிநாட்டினர் மூவருக்கும் இந்த விருது வழங்கப்பட்டுள்ளது.

ரொக்கப் பரிசு கிடையாது

பாரத ரத்னா விருதில் குடியரசுத் தலைவர் கையெழுத்திட்ட சான்றிதழ், பதக்கம் ஆகியவை அடங்கும். ரொக்கப் பரிசு கிடையாது.

விருது பெறுவோருக்கு அணிவிக்கப்படும் பதக்கம் 32 மி.மீட்டர் விட்டத்தில் அரச இலை வடிவில் இருக்கும். அதில் சூரியனின் உருவமும் “பாரத ரத்னா” என்ற சொல் தேவநாகரி எழுத்திலும் பொறிக்கப்பட்டிருக்கும்.

விதி 18 (1)-ன்படி விருது பெற்றோர் தங்களின் பெயருக்கு முன்போ, பின்போ பாரத ரத்னா அடைமொழியைப் பயன்படுத்தக் கூடாது. அவசியம் என்று கருதினால் மட்டும் விசிட்டிங் கார்டு, லெட்டர் பேட் ஆகியவற்றில் “பாரத ரத்னா விருதைப் பெற்றவர்” என்ற சொற்றொடரைப் பயன்படுத்திக் கொள்ளலாம்.

முதல்முறையாக விருது வாபஸ்

சுதந்திரப் போராட்டத் தலைவர் சுபாஷ் சந்திர போஸுக்கு 1992-ல் பாரத ரத்னா விருது அறிவிக்கப்பட்டது. ஆனால், அவரது மரணத்தில் மர்மம் நீடிப்பதை சுட்டிக் காட்டி உச்ச நீதிமன்றத்தில் பொதுநல மனு தாக்கல் செய்யப்பட்டது. அதன்மீது உச்ச நீதிமன்றம் பிறப்பித்த உத்தரவு காரணமாக சுபாஷ் சந்திர போஸுக்கு அறிவிக்கப்பட்ட பாரத ரத்னா விருது முதல்முறையாக வாபஸ் பெறப்பட்டது.

நடைமுறை விதியில் மாற்றம்

கலை, இலக்கியம், அறிவியல், பொதுச் சேவை உள்ளிட்ட துறைகளில் சிறந்து விளங்குவோருக்கு மட்டுமே இதுவரை பாரத ரத்னா விருது வழங்கப்பட்டு வந்தது. பிற துறைகளில் சாதித்தவர்களும் இந்த விருதைப் பெறும் வகையில் விதியில் மாற்றம் செய்து அறிவிக்கை வெளியிடப்பட்டது.

இதை தொடர்ந்தே முதல்முறையாக விளையாட்டுத் துறையைச் சேர்ந்த சச்சின் டெண்டுல்கருக்கு பாரத ரத்னா விருது அறிவிக்கப்பட்டுள்ளது. அவரையும் சேர்த்து இதுவரை 43 பேர் பாரத ரத்னா விருது பட்டியலில் இடம்பெற்றுள்ளனர்.

2013 – சி. என். ஆர். ராவ்

(1934 ஜூன் 30) கர்நாடகத்தைச் சேர்ந்த பிரபல வேதியியல் விஞ்ஞானி. செவ்வாய்க் கிரகத்துக்கு விண்கலம் அனுப்பும் திட்டத்தில் பின்புலமாகச் செயல்பட்டவர். தற்போது பிரதமரின் அறிவியல் ஆலோசகராக உள்ளார்.

2013- சச்சின் டெண்டுல்கர்

(1973 ஏப்ரல் 24) உலகின் தலைச் சிறந்த கிரிக்கெட் வீரர். கிரிக்கெட் உலகில் முறியடிக்கப்பட முடியாத பல்வேறு சாதனைகளுக்கு சொந்தக்காரர். பாரத ரத்னா விருது பெற்ற முதல் விளையாட்டு வீரர்.

by **சிவா** Sat Nov 23, 2013 1:24 pm

பாரத ரத்னா - Bharat Ratna விருது பெற்றவர்கள் - Page 2 C151

1961- புருஷோத்தம் தாஸ் தாண்டன்

(1882 ஆகஸ்ட் 1 – 1962 ஜூலை 1)

உத்தர பிரதேசத்தைச் சேர்ந்த சுதந்திரப் போராட்டத் தலைவர். இந்தி ஆட்சி மொழி அந்தஸ்து பெறுவதற்கு பின்புலமாகச் செயல்பட்ட அவரை வடஇந்திய மக்கள் “ராஜரிஷி” என்று அழைக்கின்றனர்.

by **சிவா** Sat Nov 23, 2013 1:25 pm

1962- ராஜேந்திர பிரசாத்

(1884 டிசம்பர் 3 – 1963 பிப்ரவரி 28)

நாட்டின் முதல் குடியரசுத் தலைவர். வழக்கறிஞர், பத்திரிகையாளர், அரசியல் தலைவர் என பன்முகத்தன்மை கொண்டவர்.

by **சிவா** Sat Nov 23, 2013 1:26 pm

பாரத ரத்னா - Bharat Ratna விருது பெற்றவர்கள் - Page 2 13panduranga+vaman

1963- பாண்டுரங்க வாமன் காணே

(1880- 1972)

மகாராஷ்டிரத்தைச் சேர்ந்த புகழ்பெற்ற சம்ஸ்கிருத அறிஞர். சாகித்ய அகாதெமி உள்பட பல்வேறு விருதுகளைப் பெற்றவர்.

by **சிவா** Sat Nov 23, 2013 1:26 pm

1963- ஜாகீர் உசேன்

(1897 பிப்ரவரி 8 – 1969 மே 3)

நாட்டின் 3-வது குடியரசுத் தலைவர், முதல் முஸ்லிம் குடியரசுத் தலைவர். ஜாமியா மிலியா இஸ்லாமியா பல்கலைக்கழகத்தை தோற்றுவித்த நிறுவன தலைவர்களில் ஒருவர்.

by **சிவா** Sat Nov 23, 2013 1:27 pm

1966- லால் பகதூர் சாஸ்திரி

( 1904 அக்டோபர் 2 – 1966 ஜனவரி 11)

நாட்டின் 2-வது பிரதமர். அவரது மறைவுக்குப் பின்னர் பாரத ரத்னா விருது வழங்கப்பட்டது. அவரது ஆட்சியில் 1965 பாகிஸ்தான் போரில் இந்தியா மகத்தான வெற்றி பெற்றது. ஜெய் ஜவான், ஜெய் கிஷான் என்ற மந்திரச் சொல்லுக்கு சொந்தக்காரர்.

by **சிவா** Sat Nov 23, 2013 1:27 pm

1971- இந்திரா காந்தி

(1917 நவம்பர் 19 – 1984 அக்டோபர் 31)

நாட்டின் 3-வது பிரதமர். மொத்தம் 4 முறை பிரதமராகப் பதவி வகித்தவர். அவரது ஆட்சிக் காலத்தில், 1971 பாகிஸ்தான் போரில் இந்தியா வெற்றி பெற்று வங்கதேசம் உருவானது.

by **சிவா** Sat Nov 23, 2013 1:28 pm

1975- வராககிரி வேங்கட கிரி

(1894 ஆகஸ்ட் 10 – 1980 ஜூன் 23)

நாட்டின் 4-வது குடியரசுத் தலைவர். ஆந்திரத்தைச் சேர்ந்த அவர் அகில இந்திய காங்கிரஸ் தொழிற்சங்கத் தலைவர் உள்ளிட்ட பல்வேறு பொறுப்புகளை வகித்தவர்.

by **சிவா** Sat Nov 23, 2013 1:28 pm

1976- காமராஜர்

( 1903 ஜூலை 15 – 1975 அக்டோபர் 2)

9 ஆண்டுகள் தமிழக முதல்வராகப் பதவி வகித்தவர். அவரது மறைவுக்குப் பின் பாரத ரத்னா வழங்கப்பட்டது. எளிமைக்கும் நேர்மைக்கும் பெயர் பெற்ற அவர், தென்னாட்டு காந்தி என்றும் புகழப்படுகிறார்.

by **சிவா** Sat Nov 23, 2013 1:29 pm

1980- அன்னை தெரசா

(1910 ஆகஸ்ட் 26 – 1997 செப்டம்பர் 5)

அல்பேனியா நாட்டைச் சேர்ந்த கத்தோலிக்க கிறிஸ்தவ கன்னியாஸ்திரீ. கொல்கத்தாவில் சமயப் பணியாற்ற வந்த அவர் பின்னாளில் “மிஷினரிஸ் ஆப் சேரிட்டி” அமைப்பை உருவாக்கி சமூக சேவைகளில் மாபெரும் சாதனை படைத்தவர்.

by **சிவா** Sat Nov 23, 2013 1:29 pm

1983- வினோபா பாவே

(1895 செப்டம்பர் 11 – 1982 நவம்பர் 15)

சுதந்திரப் போராட்ட வீரர். ஆன்மிகத் தலைவர். பூமி தான இயக்கத்தை தொடங்கி ஏழை எளியோருக்கு நிலம் கிடைக்கச் செய்தவர். மகாராஷ்டிரத்தைச் சேர்ந்த அவர் மராத்தி, ஹிந்தியில் பல்வேறு ஆன்மிக நூல்களை எழுதியுள்ளார்.