கோபாலபுரத்தில் கருணாநிதியுடன் சோ திடீர் சந்திப்பு

**ayyasamy ram** · **ayyasamy ram** Fri Nov 22, 2013 6:50 am

நேற்று காலை, 11:15 மணிக்கு கோபாலபுரம் இல்லத்தில்
கருணாநிதியை, சோ சந்தித்தார். இருவரின் சந்திப்பு,
15 நிமிடம் நீடித்தது.

சந்திப்பின்போது சோ, தன் மகனின் திருமண அழைப்பிதழை க
ருணாநிதியிடம் வழங்கினார். ""திருமண விழாவுக்கு
கண்டிப்பாக வர வேண்டும்; மணமக்களை ஆசீர்வதிக்க வேண்டும்,''
என, சோ கூறியதும், கருணாநிதி, ""நான் கண்டிப்பாக வருவேன்,''
என்றார்.

பின், இருவரும் ஒருவருக்கொருவர் உடல் நலம் குறித்து
விசாரித்துக் கொண்டனர். அப்படியே தற்போதைய அரசியல்
நிலவரம் குறித்து இருவரும் பேசியுள்ளனர்.

தி.மு.க., பொருளாளர் ஸ்டாலினுக்கும் திருமண அழைப்பிதழை,
சோ வழங்கினார். சமீபகாலமாக, தி.மு.க., மற்றும் கருணாநிதியை
பற்றி, சோ கடுமையாக விமர்சித்து எழுதுகிறார். இந்நிலையில்,
இருவரும் நீண்ட நாட்களுக்கு பின், திடீரென சந்தித்து பேசியது,
அரசியல் வட்டாரங்களில் பரப்பரப்பை ஏற்படுத்தியுள்ளது.

N.S.Mani · N.S.Mani Fri Nov 22, 2013 7:02 am

மூடிய கையின் உள்ளே -
முள்ளும் இருக்கும்
ஒரு மலரும் இருக்கும்.

சந்திப்பின் பின்விளைவு:
காக்கவா கவிழ்க்கவா.
எழுச்சிக்கா வீழ்ச்சிக்கா.

எப்படி இருந்தாலும்
நாட்டிற்ககாக இருந்தால் நல்லது. வரவேற்க வேண்டியதுதான்.
அதுவே வீட்டிற்காக இருந்தால்?....

**மாணிக்கம் நடேசன்** · 14/12/2009

சோன்னு பெய்திட்டு ச்சே ன்னு போச்சி.

mohu · mohu Fri Nov 22, 2013 10:06 am

அரசியல் வேறு நட்பு வேறு , நாம் முதலில் இதை புரிந்து கொள்ள வேண்டும் . அரசியலில் எதிரெதிர் திசையில் இருப்பவர்கள் நட்பாய் இருக்க கூடாது என்பது தவறான கண்ணோட்டம் .