மாடுகளை மேய்க்கும் புதிய 'ரோபோ’ கண்டுபிடிப்பு !

**krishnaamma** · **krishnaamma** Tue Nov 19, 2013 8:44 pm

சிட்னி பல்கலைக்கழக ஆராய்ச்சியாளர்கள் பசுக்களை மேய்க்கும் புதிய 'ரோபோ’வை வடிவமைத்துள்ளனர், இந்த ரோபாவால் பசுக்களின் ஆரோக்கியம் மேம்படுவதாகவும், அதனால் பால் உற்பத்தி அதிகரிக்க சாத்தியக்கூறுகள் இருப்பதாகவும் தெரிவிக்கப்பட்டுள்ளது.

அறிவியல், தொழில்நுட்ப வளர்ச்சியின் தாக்கத்தால் பலவிதமான ‘ரோபோ’வை விஞ்ஞானிகள் வடிவமைத்துள்ளனர். இந்த நிலையில், தற்போது மாடுகளை மேய்த்து விட்டு மீண்டும் பத்திரமாக திரும்ப அழைத்து வரும் புதிய 'ரோபோ’வை அவர்கள் கண்டுபிடித்துள்ளனர்.

ஆஸ்திரேலியாவின் சிட்னி பல்கலைக்கழகத்தை சேர்ந்த ஆராய்ச்சியாளர்கள் பண்ணைகளில் இருந்து மாடுகளை மேய்ச்சல் நிலத்துக்கு பத்திரமாக அழைத்து சென்று கண்காணித்து, மாடுகள் மேய்ந்தவுடன் மாலையில் அவற்றை மீண்டும் பத்திரமாக பண்ணைக்கு அழைத்து வரும் ரோபோக்களை கண்டுபிடித்துள்ளனர்.

இந்த ரோபோக்களை பரிசோதிப்பதற்காக 100 மாடுகளை மேய்ச்சலுக்கு அழைத்து செல்லும்படி கமாண்ட் செய்யப்பட்டது. இந்த ரோபோ அதன் வேலையை செய்யும்போது மேய்ச்சலுக்கு சென்ற மாடுகள் மிரளாமல் மெதுவாக, திரும்பி வந்தன.

பெரும்பாலும் மேய்ச்சலுக்கு அழைத்து செல்லப்படும்போது தான் மாடுகள் வேகமாக ஓடி கால்கள் மற்றும் பிற பகுதிகளில் காயம் ஏற்படும். இந்த ரோபோவால் மிக குறைந்த வேகத்தில் நகர முடியுமென்பதால் அதற்கேற்ற வேகத்தில் மாடுகளும் நடக்கின்றன.

இதனால் மாடுகளுக்கு காயம் ஏற்படாமல் உடல் ஆரோக்கியம் மேம்படுவதால் பால் உற்பத்தி அதிகரிக்க சாத்தியக்கூறுகள் அதிகம் இருப்பதாக பால் உற்பத்தியாளர்கள் கருதுகின்றனர்.

நன்றி : வெப்துனியா

**ayyasamy ram** · **ayyasamy ram** Wed Nov 20, 2013 7:22 am

இங்கு எல்லா கிராமங்களிலும் மந்தைவெளி
புறம்போக்கு என்று வகைப்படுத்த புறம்போக்கு
நிலங்கள் ஆதி காலத்தில் இருந்தன...
-
நம்ம நாட்டுக்கு இந்த இயந்திரம் தேவைப்படாது..!!!

amirmaran · amirmaran Wed Nov 20, 2013 10:23 am

சென்றவாரம் ஆடு மேய்க்க ஆட்கள் தேவைன்னு விளம்பரம் வந்துச்சு.... தகுதி: பட்டபடிப்பு......... ஆனா அங்க ரோபோ வந்துருக்கு... என்ன ஒரு வித்தியாசம்.... இப்படியே போனா............ ஐயோ நான் ஒன்னும் சொல்லல அய்யோ, நான் இல்லை