நாளையேனும் விடியுமா இவர்களுக்கு?

மீனு · மீனு Sat Oct 31, 2009 3:09 am

இனத்தின் பெயரால்
இரக்கமற்று இதயமின்றி
இனப்படுகொலை செய்யும்
இதயமற்றவர்கள் இடையிலும்

பசியின் கொடுமை
பரிவு காட்ட யாருமில்லாத் தனிமை
பச்சோந்திகளின் கயமை-என
பார்க்கின்றவை பயமுறுத்துகையிலும்

நானூறு உயிர்கள் மடிவு
நான்று கொண்டு மரணம்
நாணத்தால் தற்கொலை-என்ற
நாளிதழ்களின் செய்திகள் நடுவிலும்

அதிகாரத்தின் போதையால்
அகங்காரிகளின் வதையால்
விதியின் சதியால்
வீதியில் சாமானியன் வீழ்கையிலும்

விடியும் என்ற நம்பிக்கையில்
வினாக்களோடு பயணிக்கிறவர்கள்
விடைகளைப் பெறுவது என்றோ?
------------------------------
அனுதினம் சீறும் பீரங்கிக் குண்டுகளுக்கு
அக்கரையில் உயிர்கள் மடிவது கண்டு
அகம் அங்கலாய்ப்பதுண்டு
அமைதி நிலவ வேண்டும்-என வேண்டுவது
அல்லாது வேறென்ன செய்வேன் நான்.

THANKS::TAMILAN EDVIN

kirupairajah · kirupairajah Sat Oct 31, 2009 3:24 am

கடவுளுக்கு கண்ணில்லையொ என தோன்றுகிறது,எப்போதுதான் எம்மக்களுக்கு விடிவு கிடைக்குமோ, நல்ல கவிதை, நன்றி மீனு

ரூபன் · ரூபன் Sat Oct 31, 2009 3:28 am

நான் கடவுளில் நம்பிக்கை உடையவன் ஆனால் இந்த விடையத்தில் அது தோற்றுப்போய் விட்டது கிருபை ஆனால் அரசன் அன்று கொல்வான் தெய்வம் நின்று கொல்லும் என்ற நம்பிக்கைதான் இருக்கிறது

kirupairajah · kirupairajah Sat Oct 31, 2009 3:30 am

எல்லோருக்கும் இப்போதிருக்கும் ஓரே நம்பிக்கை அதுதான் ரூபன்

Sponsored content · Sponsored content

நாளையேனும் விடியுமா இவர்களுக்கு?

நாளையேனும் விடியுமா இவர்களுக்கு?

Re: நாளையேனும் விடியுமா இவர்களுக்கு?

Re: நாளையேனும் விடியுமா இவர்களுக்கு?

Re: நாளையேனும் விடியுமா இவர்களுக்கு?

Re: நாளையேனும் விடியுமா இவர்களுக்கு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக