சமையலின் போது செய்யும் 5 தவறுகள்

by **சிவா** Wed Nov 20, 2013 3:24 am

சமையலில் உப்பை அதிகமாக சேர்த்து விடுவதோ, காரத்தை அளவு தெரியாமல் போட்டுவிடுவதோ தவறு அல்ல. அது அப்போதைய சமையல் ருசியை மட்டுமே கெடுக்கும்.

ஆனால்.. அதையும் விட நமக்கு தவறு என்று தெரியாமல் வெறும் ருசிக்காகவும், அழகுக்காகவும் சில தவறுகளை செய்து விடுகிறோம். அதனால் நமது உடல் ஆரோக்கியமும் பாதிக்கிறது.

1. எந்த உணவு பொருளையும் கழுவாமல் பயன்படுத்தவே கூடாது. உதாரணத்துக்கு சிலர் புளியை தண்ணீர் ஊற்றி கரைப்பார்கள். ஆனால், அதையும் ஒரு முறை தண்ணீர் சேர்த்து அலசி கீழே ஊற்றிவிட்டு, அடுத்து நீர் ஊற்றி கரைத்துக் கொள்ளலாம். இதே போல, முட்டைகளை நன்கு கழுவிவிட்டு வேக வைக்க வேண்டும். கீரையை 2 முறையாவது கழுவ வேண்டும்.

2. கோழிக்கறியை சமைக்கும் முன்பு அலசும் போது எச்சரிக்கையாக இருக்க வேண்டும். அதாவது, கோழிக்கறியில் தண்ணீரை ஊற்றும் போது அதில் இருந்து தெளிக்கும் தண்ணீர் படும் இடங்களில் எல்லாம் பாக்டீரியாக்கள் பரவும் என்பதை மறக்கக் கூடாது. மேலும், கோழிக்கறியை அலசி கீழே விடும் தண்ணீர் நேராக வெளியேற்றப்பட வேண்டும். அதில் ஏராளமான பாக்டீரியாக்கள் இருக்கும் என்பதால் கவனமாக அந்த நீரை வெளியேற்ற வேண்டும்.

3. எந்த உணவு பொருளையும் அதிக நேரம் வதக்கவோ, கருக வைக்கவோ கூடாது. எல்லோருக்குமே உணவு பொருள் என்பது நன்கு சிவந்து இருக்க வேண்டும் என்று விரும்புவார்கள். ஆனால், அது உடல் நலனுக்கு தீமையை ஏற்படுத்தும். எனவே, எந்த உணவையும் அதிகமாக வதக்கி கருக வைக்க வேண்டாம். கருகிய அல்லது தீய்ந்த உணவு பொருள் புற்றுநோயை ஏற்படுத்தும்.

4. காலையில் வேகமாக சமைக்க வேண்டும் என்பதால் பலரும் வெங்காயத்தை இரவே நறுக்கி வைத்துக் கொள்வார்கள். அது மிகப்பெரிய தவறாகும். வெங்காயத்துக்கு கிருமிகளை கவர்ந்திழுக்கும் குணம் உள்ளது. அதனால், வெங்காயத்தை நறுக்கியதும், அது காற்றில் இருக்கும் அனைத்து கிருமிகளையும் கவர்ந்திழுத்து வைத்துக் கொள்ளும். கிருமிகள் நிறைந்த வெங்காயத்தைத் தான் நாம் மறுநாள் உணவுக்குப் பயன்படுத்துகிறோம் என்பதை மறவாதீர்.

5. மேலும், இஞ்சியை தோலோடு சமைக்கக் கூடாது. கீரையோடு புளி சேர்க்கக் கூடாது. கோழிக்கறியை எடுத்து வைத்து மறு நாள் சாப்பிடக் கூடாது. நான்ஸ்டிக் தவாவை இரும்பு தேய்ப்பானைப் பயன்படுத்தி தேய்த்துக் கழுவக் கூடாது. விரத நாட்களை தவிர்த்து, சமைத்து ருசி பார்த்துவிட்டுத்தான் சமையலை முடிக்க வேண்டும்.

தினமணி

by amirmaran Wed Nov 20, 2013 11:05 am

5 தவறையும் எல்லாரும் செய்றாங்க அப்படினு நான் சொன்னதுக்கு..........பிசா, பெர்கர், சாப்பிடுறவங்க 5ம் செய்ய மாட்டங்கன்னு என் தோழி நகைக்கிறாள்...

by **ராஜா** Wed Nov 20, 2013 11:52 am

பயனுள்ள குறிப்புகள் தல

by **ஜாஹீதாபானு** Wed Nov 20, 2013 11:56 am

பயனுள்ள தகவல் நன்றி

by **M.M.SENTHIL** Wed Nov 20, 2013 12:52 pm

எல்லாவற்றையும் சொன்னீர்களே, ருசியாக சமைக்க தெரியாதது ஒரு தவறு என்பதையும் சேர்த்து சொல்லுங்கள் அண்ணா.

by **ஜாஹீதாபானு** Wed Nov 20, 2013 1:00 pm

M.M.SENTHIL wrote:எல்லாவற்றையும் சொன்னீர்களே, ருசியாக சமைக்க தெரியாதது ஒரு தவறு என்பதையும் சேர்த்து சொல்லுங்கள் அண்ணா.

உங்க மனைவி கிட்ட சொல்லுங்க

by **M.M.SENTHIL** Wed Nov 20, 2013 1:01 pm

ஜாஹீதாபானு wrote:
M.M.SENTHIL wrote:எல்லாவற்றையும் சொன்னீர்களே, ருசியாக சமைக்க தெரியாதது ஒரு தவறு என்பதையும் சேர்த்து சொல்லுங்கள் அண்ணா.
உங்க மனைவி கிட்ட சொல்லுங்க

அவங்க சொல்லித்தான் நான் டைப் செய்தேன்.

by **ஜாஹீதாபானு** Wed Nov 20, 2013 1:04 pm

M.M.SENTHIL wrote:
ஜாஹீதாபானு wrote:
M.M.SENTHIL wrote:எல்லாவற்றையும் சொன்னீர்களே, ருசியாக சமைக்க தெரியாதது ஒரு தவறு என்பதையும் சேர்த்து சொல்லுங்கள் அண்ணா.
உங்க மனைவி கிட்ட சொல்லுங்க
அவங்க சொல்லித்தான் நான் டைப் செய்தேன்.

அவுங்க சமையலறை ரகசியத்தை சொல்ல்ல பெரிய மனசு வேணும் நன்றீ சொன்னேனு சொல்லுங்க ஜாலி

by **M.M.SENTHIL** Wed Nov 20, 2013 1:06 pm

ஜாஹீதாபானு wrote:
M.M.SENTHIL wrote:
ஜாஹீதாபானு wrote:
M.M.SENTHIL wrote:எல்லாவற்றையும் சொன்னீர்களே, ருசியாக சமைக்க தெரியாதது ஒரு தவறு என்பதையும் சேர்த்து சொல்லுங்கள் அண்ணா.
உங்க மனைவி கிட்ட சொல்லுங்க
அவங்க சொல்லித்தான் நான் டைப் செய்தேன்.
அவுங்க சமையலறை ரகசியத்தை சொல்ல்ல பெரிய மனசு வேணும் நன்றீ சொன்னேனு சொல்லுங்க

நன்றிக்கு நன்றி சொல்ல சொன்னார்கள். கூடவே ஒரு கேள்வியும் ருசியா சமைக்கறது எப்படின்னு உங்ககிட்ட கேட்க சொன்னாங்க.

by **ஜாஹீதாபானு** Wed Nov 20, 2013 1:26 pm

M.M.SENTHIL wrote:
ஜாஹீதாபானு wrote:
M.M.SENTHIL wrote:
ஜாஹீதாபானு wrote:
M.M.SENTHIL wrote:எல்லாவற்றையும் சொன்னீர்களே, ருசியாக சமைக்க தெரியாதது ஒரு தவறு என்பதையும் சேர்த்து சொல்லுங்கள் அண்ணா.
உங்க மனைவி கிட்ட சொல்லுங்க
அவங்க சொல்லித்தான் நான் டைப் செய்தேன்.
அவுங்க சமையலறை ரகசியத்தை சொல்ல்ல பெரிய மனசு வேணும் நன்றீ சொன்னேனு சொல்லுங்க
நன்றிக்கு நன்றி சொல்ல சொன்னார்கள். கூடவே ஒரு கேள்வியும் ருசியா சமைக்கறது எப்படின்னு உங்ககிட்ட கேட்க சொன்னாங்க.

அதுக்கு அட்மிஷன் ஃபார்ம் வாங்குங்க. அப்புறமா கிளாஸ் எடுக்குறென் மகிழ்ச்சி