‘பகல் கொள்ளை’ னு பேர் வச்சிருந்தா எங்க குடும்பத்தையே நாறடிச்சிருப்பீங்க – கருணாநிதி பேரன்

அடி மனசோட ஆழத்துல இருக்கிறதை வாய் வரைக்கும் வரவெச்சு உளறிக் கொட்டின பின்னாடி அதை மறைக்க நெனைக்கிறது எவ்ளோ கஷ்டமோ அப்படி ஒரு கஷ்டத்தைத் தான் கருணாநிதியின் பேரனும் நடிகருமான அருள்நிதியின் பேச்சில் காண முடிந்தது.

‘வம்சம்’, ‘உதயன்’, ‘மெளனகுரு’ ஆகிய படங்களுக்குப் பிறகு அருள்நிதி நடிப்பில் ரிலீசாகப் போகும் படம் தான் ‘தகராறு’.

‘வம்சம்’ படத்தில் பிரஸ்மீட்டில் பேசவே நடுங்கிய அருள்நிதி இந்தப் படத்தின் பிரஸ்மீட்டில் பல உண்மைகளையும் புட்டு புட்டு வைத்து வந்திருந்த ரிப்போர்ட்டர்களை நடுங்க வைத்தார்.

குறிப்பாக சீரியஸான பல விஷயங்களை காமெடியாகப் பேசிய அவர் தாத்தா கருணாநிதியின் நாத்திக நாடகத்தை வெளிச்சம் போட்டு காட்டியது தான் ஹைலைட்டாக இருந்தது.

தொடர்ந்து அருள்நிதி பேசியதாவது :

‘தகராறு’ படம் என்னோட கேரியர்ல ரொம்ப முக்கியமான படமா இருக்கும். ‘மெளனகுரு’வுக்கு அப்புறம் ரொம்ப நாள் கழிச்சி வர்ற படம்கிறதுனால தான் எனக்கு கொஞ்சம் பயமா இருக்கு. பொதுவாவே ரொம்ப இன்னோசெண்ட்டாகவும், சீரியசான கேரக்டர்கள்ல தான் இதுவரைக்கும் என்னை எல்லாரும் பார்த்திருப்பாங்க. ஆனா இந்தப் படத்துல ஒரு டாப் ஹீரோவுக்கான எல்லா விஷயங்களும் இருக்கு.

தயாரிப்பாளர் துரை என்னோட அண்ணன்னு சொல்றதை விட அவன் என்னோட உயிர் நண்பேன்னு தான் சொல்வேன். அவனுக்கும் எனக்கு 10 மாசம் தான் வித்தியாசம். மதுரையிலேர்ந்து சென்னைக்கு வந்தா முதல்ல என்னோட ரூம் கதவைத் தான் தட்டுவான். இந்த காலத்துல, கூட இருக்கிறவனுக்கு யாருமே சப்போர்ட் பண்ண மாட்டாங்க, அது குடும்பமா இருந்தாலும் சரி. ஏன் நீங்களே அடிச்சிக்கிறாங்க… அடிச்சிக்கிறாங்கன்னு எங்க குடும்பத்தைப் பத்தி எழுதுறீங்க. இப்போ நாங்களே எங்க படத்துக்கு ‘தகராறு’ன்னு டைட்டில் வைக்க வேண்டிய கட்டாயமாயிடுச்சு.

நான் என்ன சொல்ல வர்றேன்னா, இந்த காலத்துல நெறைய பேர் சுயநலமாத்தான் இருப்பாங்க. ஆனா எங்க குடும்பத்துல யாருமே அப்படி கெடையாது. அதுக்கு ஒரு பெரிய எடுத்துக்காட்டு தான் துரை என்னை வெச்சு இந்தப்படம் பண்ணினது. இந்தப் படத்தோட கதை நல்லாயிருந்ததால தான் துரை தயாரிச்சார்.

இந்தப் படத்துக்கு முதல்ல ‘பகல் கொள்ளை’ன்னு தான் டைட்டில் வெச்சோம். நல்லவேளை அதை வைக்கல, அப்படி வெச்சிருந்தா நீங்க எங்க குடும்பத்தைப் பத்தி எழுதி, எழுதியே எங்களை கலாய்ச்சிருப்பீங்க. இதுக்கெல்லாம் நாங்க பயப்பட வேண்டியிருக்கு.

துரையை ஒரு பிரதரா பார்க்காமல் அவனோட கம்பெனியை ஒரு பெரிய பேனராப் பார்த்து தான் இந்தப்படத்துல நடிக்க ஓ.கே சொன்னேன். நான் எதிர்ப்பார்த்ததை விட இந்தப் படத்தோட கதை ரொம்ப நல்லாயிருந்துச்சு.

இந்தப்படத்துக்கு நெறைய டைட்டில் தேடினோம். முதல்ல ‘இணைந்த கைகள்’னு டைட்டில் வெச்சோம். ஆனா நாங்க இணையக் கூடாதுன்னே யாராவது நெனைச்சாங்களோ தெரியல அந்த டைட்டில் கெடைக்கல. அப்புறம் தான் என்னடா எந்த டைட்டில் வெச்சாலும் தகராறா இருக்குன்னு பேசும் போது இந்தப்படத்தோட டைரக்டர் கணேஷ் பேசாம ‘தகராறு’ன்னே டைட்டில் வெச்சா என்னன்னு இந்த டைட்டிலை வெச்சார்.

என்று பேசிக்கொண்டே வந்த அருள்நிதி அடுத்து பேசியது தான் செமக் காமெடி. “நல்லவேளை ஆண்டவன் புண்ணியத்துல இந்த டைட்டில் அமைஞ்சிடுச்சு… என்று தன்னை மறந்தவராய்ப் பேசிய அருள்நிதி உடனே அய்யய்யோ… இதையெல்லாம் நான் பேசவே கூடாதே..? என்று பதறி தயவுசெஞ்சி நான் கருணாநிதியோட பேரன்கிற ஆங்கிள்ல இதை எழுதிடாதீங்க. ஒரு நடிகன்கிற பேர்ல மட்டும் எழுதுங்க… என்றால் அசடு வழிந்து கொண்டே…

முகநூல்

 
-

உண்மை அப்படியே பேச்சுவாக்கில் வந்துவிட்டது...

மூடி மூடி மறைத்தாலும் சில சமயங்களில் உண்மை வந்துவிடும் இதுபோல.