ஆய்த எழுத்தை எப்படி உச்சரிப்பது?

**சாமி** · **சாமி** Tue Nov 19, 2013 11:26 am

[You must be registered and logged in to see this image.]

ஆய்த எழுத்தை உச்சரிக்கும்பொழுது "அக்கன்னா' என்றும், "அக்கேனா' என்றும் உச்சரிக்கிறார்கள். இது தவறானது.

குழந்தைகளுக்குத் தமிழிலுள்ள உயிரெழுத்துகளைச் சொல்லிக் கொடுக்கும்போது "அ' என்பதை "ஆனா' என்றும், "ஆ' என்பதை "ஆவன்னா' என்றும் வரிசைப்படுத்தி, "ஒüவன்னா' என்பது ஈறாகச் சொல்லி முடித்துப் பின், ஆய்த எழுத்தை (ஃ) "அக்கன்னா' என்று ஒருவித ஒலிநயத்துடன் சொல்லி முடிப்பதைப் பார்க்கிறோம்.

எழுத்துகளை விட்டிசைக்காமல் ஓர் இயைபு பட உச்சரிப்பதற்காகவே தனி எழுத்துகளின் பின் கரம், காரம், கான் என்ற சாரியைகளைச் சேர்த்துச் சொல்வது தொல்காப்பியர் காலத்திலிருந்தே வழக்கத்திலிருந்து வந்துள்ளது. அதாவது, "அ'கரம், "ஆ'காரம், "ஐ'காரம் அல்லது "ஐ'கான் எனப் போல்வன சாரியைகளோடு இயைந்த அத்தகைய உச்சரிப்புகளாகும்.

இத்தகைய சாரியைகளைத் தவிர ஆனம், ஓனம், ஏனம் (தொல்.சொல்.நூ.296-சேனாவரையம்) என்பவைகளும் வழக்கிலிருந்தன. அவற்றுள் ஒன்றான "ஏனம்' என்பதே ஆய்த எழுத்திற்குரிய சாரியை ஆகும் எனக் கொள்ளவேண்டும்.

தனித்தியங்கும் ஆற்றலில்லாத ஆய்த எழுத்து "அ' என்னும் உயிரை முன்னொட்டாகப் பெற்று "அஃ' என்றாகி, அதனுடன் "ஏனம்' என்பது சேர்ந்து "அஃஏனம்' என்று உச்சரிக்கப்பட வேண்டும். அல்லது "அஃகு' என்பதுடன் (தொல்.மொழிமரபு.நூ.38) "ஏனம்' என்பது சேர்ந்து "அஃகேனம்' என்றும் உச்சரிக்கப்படலாம். எனவே, அக்கன்னா, அக்கேனா என்பன தவறான உச்சரிப்புகள். "அஃஏனம்' அல்லது "அஃகேனம்' என்பதே சரியான உச்சரிப்புகளாகும். முனைவர் ச.சுப்புரெத்தினம் - dinamani

**சிவா** · **சிவா** Tue Nov 19, 2013 11:51 am

எனக்கு அக்கன்னா என்று தான் சொல்லித் தந்துள்ளார்கள்! இனிமேல் மாற்றிக் கொள்கிறேன்!

**ஜாஹீதாபானு** · 16/04/2011

பகிர்வுக்கு நன்றி

அஹ் என்று தான் உச்சரிப்பேன்

**ராஜா** · **ராஜா** Tue Nov 19, 2013 12:38 pm

சிவா wrote:எனக்கு அக்கன்னா என்று தான் சொல்லித் தந்துள்ளார்கள்! இனிமேல் மாற்றிக் கொள்கிறேன்!

5-ல் வளையாதது 60-ல் வளையுமா தல ?! ...... சிரி

(இதை படித்துவிட்டு யாராச்சும் உங்க வயதை கண்டுபிடித்துவிட்டால் அதற்கு நான் தான் பொறுப்பு )

**krishnaamma** · **krishnaamma** Tue Nov 19, 2013 12:41 pm

எனக்கு "அஃகு' என்று தான் சொல்லி தந்திருக்கா புன்னகை

நானும் அப்படித்தான் உச்சரிப்பேன் !

raghuramanp · raghuramanp Tue Nov 19, 2013 12:50 pm

நீங்க ரொம்ப பழியவர் போல எனக்கு "அஃகு' என்று தான் சொல்லிக்கொடுத்தார்கள்.

**சிவா** · **சிவா** Tue Nov 19, 2013 12:52 pm

raghuramanp wrote:நீங்க ரொம்ப பழியவர் போல எனக்கு "அஃகு' என்று தான் சொல்லிக்கொடுத்தார்கள்.

ஆமா, நான் கொஞ்சம் பழைய ஆள்தான்!

இதைப் பார்க்கவில்லையா?

ராஜா wrote:5-ல் வளையாதது 60-ல் வளையுமா தல ?! ......
இதை படித்துவிட்டு யாராச்சும் உங்க வயதை கண்டுபிடித்துவிட்டால் அதற்கு நான் தான் பொறுப்பு )

**ராஜா** · **ராஜா** Tue Nov 19, 2013 1:00 pm

எனக்கும் "அஃகு" என்று தான் சொல்லிக்கொடுத்தார்கள்.

சிறு குழந்தைகள் சொல்லும் போதும் , மனப்பாடம் செய்யும்போதும் ரைமிங்கா இருக்க வேண்டுமென்பதற்காக "ஆனா ,ஆவன்னா, ...... " என்று சொல்லுவார்கள்.

யினியவன் · யினியவன் Tue Nov 19, 2013 6:41 pm

"அஃஏனம்' அல்லது "அஃகேனம்" - நல்ல பகிர்வு சாமி - இது தெரியா கேனையா இருந்திருக்கேன் இம்புட்டு நாளும் புன்னகை

**T.N.Balasubramanian** · **T.N.Balasubramanian** Tue Nov 19, 2013 6:57 pm

அஃகு என்றே எந்தன் ஆசிரியர் கற்பித்துள்ளார் .
தகவலுக்கு நன்றி.
ரமணியன்

Sponsored content · Sponsored content

ஆய்த எழுத்தை எப்படி உச்சரிப்பது?

ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

Re: ஆய்த எழுத்தை எப்படி உச்சரிப்பது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக