திருப்பரங்குன்றம் மலை மேல் இன்று கார்த்திகை மகா தீபம்

**சிவா** · **சிவா** Sun Nov 17, 2013 8:22 am

கார்த்திகை தீபத் திருவிழாவை முன்னிட்டு, திருப்பரங்குன்றம் அருள்மிகு சுப்பிரமணிய சுவாமி திருக்கோயில் மலை மேல் மகாதீபம் ஏற்றும் நிகழ்ச்சி இன்று மாலை நடைபெறுகிறது.

கார்த்திகை தீபத் திருவிழா கடந்த 10 ஆம் தேதி கொடியேற்றத்துடன் தொடங்கியது. விழாவினையொட்டி, தினமும் சுவாமி தெய்வானையுடன் காலையில் தங்க சப்பரத்தி லும், மாலையில் தங்கமயில் வாகனம், அன்ன வாகனம், காமதேனு வாகனம் உள்ளிட்ட பல்வேறு வாகனங்களில் எழுந்தருளி, திருவீதி உலா வந்து பக்தர்களுக்கு அருள்பாலித்தார்.

விழாவின் முக்கிய நிகழ்ச்சியாக, இன்று மாலை 6 மணிக்கு பாலதீபம் ஏற்றி, அதன்பின்னர் மலை மேல் மகாதீபம் ஏற்றப்படுகிறது. தொடர்ந்து, 16 கால் மண்டபத்தில் சொக்கப்பனை காட்சி நடைபெறுகிறது. இதையடுத்து, மாலை 6.30 மணியளவில் சுவாமிக்கு நவரத்தினங்களுடன் கூடிய கிரீடம், செங்கோல் வழங்கி பட்டாபிஷேகம் நடைபெறுகிறது. விழாவின் 9 ஆம் நாளான திங்கள்கிழமை தேரோட்டம் நடைபெறுகிறது.

விழா ஏற்பாடுகளை, கோயில் நிர்வாக அதிகாரி இர. பச்சையப்பன் மற்றும் கோயில் பணியாளர்கள் செய்து வருகின்றனர்.

**சிவா** · **சிவா** Sun Nov 17, 2013 8:22 am

திருவண்ணாமலை அருணாசலேஸ்வரர் கோவிலில் இன்று மகாதீபம்

திருவண்ணாமலை அருணாசலேஸ்வரர் கோவிலில் இன்று மகாதீபம் ஏற்றப்படுகிறது. சிறப்பு வாய்ந்த இந்த கார்த்திகைதீப திருவிழா கடந்த 8–ந் தேதி கொடியேற்றத்துடன் தொடங்கியது.

இதன் முக்கிய நிகழ்ச்சிகளாக 13–ந் தேதி வெள்ளிதேரோட்டமும், 14–ந் தேதி மகாதேரோட்டமும் நடைபெற்றது. இதில் லடச்சக்கணக்கான பக்தர்கள் கலந்து கொண்டு தேர் இழுத்தனர். இந்நிலையில் கார்த்திகை தீப திருவிழாவின் முக்கிய நிகழ்ச்சியான மகா தீபம் இன்று (ஞாயிற்றுக்கிழமை) மாலை 6 மணிக்கு கோவிலுக்கு பின்புறம் உள்ள 2,668 அடி உயர மலை

முன்னதாக காலை 4 மணிக்கு சாமி சன்னதியில் உள்ள அர்த்த மண்டபத்தில் பரணிதீபம் ஏற்றப்படும். மாலையில் பஞ்சமூர்த்திகளுக்கு சிறப்பு அபிஷேகம், அலங்காரம், தீபாராதனை செய்யப்பட்டு 5.30 மணிக்குமேல் விநாயகர், முருகர், அண்ணாமலையார், அம்மன், சண்டிகேஸ்வரர் என ஒவ்வொருவராக பலிபீடத்தின் அருகே எழுந்தருள்வார்கள்.

அதைத்தொடர்ந்து ஆண்டுக்கு ஒருமுறை மட்டுமே காட்சி தரும் அர்த்தநாரீஸ்வரர் சாமி சன்னதியில் இருந்து ஆடியபடியே வருவார். அவர் காட்சியளித்ததும் சாமி சன்னதி முன்பு அகண்டதீபம் ஏற்றப்படும். அதே நேரத்தில் ராட்சத கொப்பரையில் மகாதீபம் ஏற்றப்படும்.

திருப்பரங்குன்றம் மலை மேல் இன்று கார்த்திகை மகா தீபம்

திருப்பரங்குன்றம் மலை மேல் இன்று கார்த்திகை மகா தீபம்

Re: திருப்பரங்குன்றம் மலை மேல் இன்று கார்த்திகை மகா தீபம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக