கண்ணீருடன் விடைபெற்றார் சச்சின்

by **சிவா** Sat Nov 16, 2013 12:11 pm

First topic message reminder :

மும்பை : இந்திய அணியின் மாஸ்டர் பேட்ஸ்மேன் சச்சின் டெண்டுல்கர் தனது 200வது டெஸ்ட் போட்டியுடன் சர்வதேச போட்டிகளில் இருந்து விடைபெற்றார். தனது கடைசி டெஸ்ட்டில் விளையாடிய சச்சின் முதல் இன்னிங்சில் 74 ரன்கள் விளாசினார். இந்திய அணி 2வது டெஸ்ட்டில் இன்னிங்ஸ் மற்றும் 126 ரன்கள் வித்தியாசத்தில் வெற்றி பெற்றது.

முதல் மற்றும் இரண்டாவது டெஸ்ட்டில் இந்திய அணி இன்னிங்ஸ் வெற்றி பெற்றது. வெற்றியை கொண்டாடிய சச்சின், மைதானத்தில் ரசிகர்களை பார்த்து கையசைத்தார். ரசிகர்கள், இந்திய அணி மற்றும் வெஸ்ட் இண்டீஸ் வீரர்கள் சச்சினுக்கு எழுந்து நின்று பிரியா விடை கொடுத்தனர்.

அப்போது சச்சின் கண்ணீருடன் மைதானத்தை விட்டு வெளியேறினார்.

200 டெஸ்ட் போட்டிகளில் விளையாடியுள்ள சச்சின் 68 அரைசதம், 51 சதம் உட்பட 15,921 ரன்கள் விளாசியுள்ளார்.

by **சிவா** Sun Nov 17, 2013 11:33 am

சச்சினுக்கு நன்றியை தெரிவித்து பாலிவுட் பிரபலங்கள் புகழாரம்

கிரிக்கெட் உலகில் பல வரலாற்று சாதனைகளை படைத்த சச்சின் டெண்டுல்கர் நேற்று அவரது 200 வது டெஸ்ட் போட்டியுடன் பிரியா விடைப்பெற்றார். அவருக்கு தங்களது நன்றியை தெரிவிக்கும் வகையில் பாலிவுட் பிரபலங்கள் ட்விட்டர் வலைதளத்தில் தங்களது வாழ்த்துக்களை தெரிவித்துள்ளனர்.

தனது 40வது வயதில் கிரிக்கெட்டிலிருந்து ஓய்வு பெற்ற சச்சினுக்கு அவர் ஓய்வு பெற்ற நாளன்றே நாட்டின் உயரிய பாரத ரத்னா விருதும் அறிவிக்கப்பட்டுவிட்டது.

சச்சின் டெண்டுல்கரின் மாபெரும் சாதனைகளை போற்றும் வகையில், அமிதாப் பச்சன் உள்ளிட்ட இந்தி நடிகர், நடிகைகள் தங்களது வாழ்த்து செய்திகளை ட்விட்டரில் பதிவு செய்தார்கள்.

சச்சினின் ஈர்ப்பு தன்மை.. அவர் விளையாடும் முன்பும், பின்பும்..இன்னும் அவரைப்பற்றி பேசிக்கொண்டிருக்கிறோம் - அபிதாப் பச்சன்

'சச்சின் டெண்டுல்கரை போல் திறமை மிக்க வீரரை கிரிக்கெட் இனி சந்திக்க போவது இல்லை..' - ஸ்ரீதேவி

'சச்சின் மிகவும் அமைதியான மனிதர். யோசிக்காமல் மற்றவர்களுக்கு உதவுவதில் வல்லவர். அவரது இந்த ஓய்வு பெறும் முடிவை நான் மிகவும் பெருமையாக கருதுகிறேன். அவரது சாதனைகளுக்காக பாராட்டுகிறேன். அவர் வாழ்வில் மென்மேலும் பல வெற்றிகள் பெற்று இன்னும் பல சாதனைகள் புரிய இறைவனை பிரார்த்திக்கிறேன்' - லதா மங்கேஷ்கர்

'எங்களது சொந்த மண்ணில் பிறந்து இவ்வளவு சாதனைகளை தனதாக்கி கொண்ட உன்னத மனிதர் சச்சினுக்கு எனது நன்றியை தெரிவித்து கொள்கிறேன். - அபிசேக் பச்சன்

'ரசிகர்களுக்காக சச்சின் அளித்த எல்லாவற்றுக்காகவும் நாங்கள் நன்றி சொல்ல கடமைப்பட்டு இருக்கிறோம். சச்சினை போல வேறு எந்த ஒரு வீரரும் சாதிக்க முடியாது. அவரை மிகவும் நேசிக்கிறேன்' - அமீர் கான்

'கடவுளுக்கு ஏது ஓய்வு....? நன்றி சச்சின்!' - அனுபம் கெர்

'சச்சினை போல் ஒரு கிரிக்கெட் வீரரை யாரும் பார்த்திருக்கவே இல்லை.. இனிமேல் பார்க்க போவதும் இல்லை.. என்னை கிரிக்கெட் ரசிகையாக மாற்றியதற்காக சச்சினுக்கு நன்றி

'கிரிக்கெட் உலகின் பெரும் சகாப்தம் முடிந்தது... நன்றி சச்சின்!' - பிரியங்கா சோப்ரா

'கடைசி தருணத்தில் அவரது பேச்சு என்னை அழ வைத்துவிட்டது.. தேங்ஸ் சச்சின்' - ஸ்ரேயா கோஷல்

by **சிவா** Sun Nov 17, 2013 12:41 pm

by Sponsored content

கண்ணீருடன் விடைபெற்றார் சச்சின்

கண்ணீருடன் விடைபெற்றார் சச்சின்

Re: கண்ணீருடன் விடைபெற்றார் சச்சின்

Re: கண்ணீருடன் விடைபெற்றார் சச்சின்

Re: கண்ணீருடன் விடைபெற்றார் சச்சின்