ஆன்மிக சிந்தனைகள் » பட்டினத்தார்

அபிராமிவேலூ · அபிராமிவேலூ Fri Oct 30, 2009 1:38 pm

ஆன்மிக சிந்தனைகள்
» பட்டினத்தார்

ஆன்மிக சிந்தனைகள் » பட்டினத்தார் Tblanmegamideanews_5451601744

*தேனீயைப் பாருங்கள்
மலரில் உள்ள தேனை மட்டுமே தேனீ அருந்தும். சாதாரண ஈயோ பேதமில்லாமல்
எதிலும் அமரும் சுபாவம் கொண்டது. அதுபோல நல்ல குடும்பத்தில் பிறந்தவர்கள்
நல்ல செயல்களை மட்டுமே செய்வார்கள்.
* ஒரு பொருளை நாம் விரும்பத்
தொடங்கும்போதே, அதை ஒருநாள் வெறுக்கவும் வேண்டிவரும் என்ற உண்மையை நாம்
உணர்வதில்லை. ஆனால், விரும்பும்போதே வெறுக்கவும் தெரிந்து கொண்டவர்கள்
வீணான மனவருத்தங்களுக்கு ஆளாக நேர்வதில்லை.
* ஆத்திரம் என்பது
உள்ளத்தில் எழும்போது, அறிவு தன்னை திரையிட்டுக் கொள்ளும். ஆத்திரம்
கொண்டவன் தன் ஆத்திரத்தை தீர்த்துக் கொள்வதை தடுப்பது என்பது அவ்வளவு
எளிதான செயல் அல்ல.
* ஆத்திரம் கொண்டவன் செய்யக் கூடாத செயல்களை
புத்தியின்றி செய்ய தலைப்படுவான். அதனால், வாழ்நாள் முழுவதும் தான் செய்த
பழிச்செயலை எண்ணி வருந்துவான். அதனால், ஆத்திரத்தை விடுத்து சாந்த குணத்தை
பின்பற்றுங்கள்.
* தீயகுணம் கொண்டவர்கள் இறந்ததும் மீண்டும் இம்மண்ணில்
உடனே பிறந்து விடுவார்கள். இறைவன் அம்மனிதர்களின் பாவ விமோசனத்திற்காக
உடனே திருப்பி அனுப்பி விடுகிறான். வாழும் காலத்தில் நன்மையை செய்பவனே
முக்தி அடைய தகுதியானவன்.

nandhtiha · nandhtiha Fri Oct 30, 2009 1:56 pm

வணக்கம்
தகவலுக்கு நன்றி
//* தீயகுணம் கொண்டவர்கள் இறந்ததும் மீண்டும் இம்மண்ணில்
உடனே பிறந்து விடுவார்கள்//

நல்ல கருத்து, சிந்தனை சிறகடித்துப் பறக்கிறது, கீதையில் யுத்தம் ஆரம்பிக்கும் போது பாண்டவர்கள் பக்கத்தில் உள்ளவர்களின் பெயர்களையும் அவர்கள் ஊதும் சங்கின் பெயரையும் கூறுகிறார் வியாசர், கெளரவர் பக்கத்தில் குறிப்பிடவில்லை, பிறகு விஸ்வ ரூப தரிசனத்தில் கண்ணனுடைய வாய்க்குள் அனைவரும் புகுவ்தைக் காண்கிறான் அர்ஜுனன் (இது பற்றி பெரும் விழுங்கல் BIG CRUNCH என்னும் தலைப்பில் எழுதிக் கொண்டிருக்கிறேன், முடிந்தால் ஈகரையில் பதிவு செய்கிறேன்) அப்படிப் புகுபவர்களில் கெளரவர்கள் பெயர்கள் குறிப்பிடப் படுகின்றன, யுத்தம் ஆரம்பிக்கும் பொழுது தர்மத்திற்காகக் குரல் கொடுப்பவர்கள் பற்றியும் யுத்தம் முடிந்த பிறகு மீண்டும் பிறக்க வேண்டியவ்ர்களின் பெயர்களும் சொல்லப் படுவது பட்டினத்தடிகள் கருத்தினை ஒத்திருக்கிறது.
அன்புடன்
நந்திதா

ஆன்மிக சிந்தனைகள் » பட்டினத்தார்

ஆன்மிக சிந்தனைகள் » பட்டினத்தார்

Re: ஆன்மிக சிந்தனைகள் » பட்டினத்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக