அப்பா பேரில் பவர் இருக்கு

**ayyasamy ram** · **ayyasamy ram** Wed Dec 04, 2013 1:43 am

இன்னும் அதிக இளமையோடும் துள்ளலோடும் இருக்கிறார் பார்த்திபன். "கதையில்லா படம்' என்ற சப் டைட்டிலுடன், முற்றிலும் புது முகங்களை வைத்து, "கதை, திரைக்கதை, வசனம், இயக்கம்' என்ற பெயரில் படம் இயக்குகிறார்.
-
"கதையில்லாத படத்தின் தலைப்பில் "கதை'யிருக்கிறது. இது முரண்பாடாகத் தெரிகிறதே' என்ற கேள்வியுடன் பார்த்திபனிடம் பேச ஆரம்பித்தோம்.
"ஏதாவது முரண்பாடா வித்தியாசமாக செய்தால்தான் கவனிப்பார்கள். இந்த தலைப்பால்தான் நீங்கள் கேள்வியே கேட்கிறீங்க. நீங்களெல்லாம் கேள்வி கேட்கணும்னுதான் இப்படி டைட்டில் வைத்தேன்'(பார்த்திபன் மாறவேயில்லை)
-
நம்ம வாழ்க்கையில் கதை என்பது இருக்காது. நிறைய சம்பவங்களின் கலவைதான் வாழ்க்கை. இந்த சம்பவங்கள் சுவாரஸ்யமாக எதிர்பாராதவிதமாக இருக்கலாம். எனது "கதை, திரைக்கதை, வசனம், இயக்கம்' படம் பல சுவாரஸ்யங்கள் கொண்ட காட்சிகள் அமைந்திருக்கும். இந்த காட்சிகள் ஒரு கதையை நோக்கி நகர்த்திச் செல்லும். மற்ற படங்களில் இடைவேளைக்குப் பிறகு கதை இப்படி நகர்ந்து செல்லும் என ஊகிக்க முடியும். என் படத்தில் ரசிகர்களால் எதையும் ஊகிக்க முடியாது.

எழுத்தாளர் சா. கந்தசாமி நவீனச் சிறுகதைகளை பற்றிக் குறிப்பிடும்போது, கதை பரப்பிலிருந்து கதையை வெளியேற்றிவிட வேண்டுமென்பார். இதுபோல உங்கள் முயற்சி நவீன சினிமாவுக்கான முயற்சியா?

-
இது நவீன சினிமாவா இல்லையா என்பதை படம் பார்த்து ரசிகர்கள்தான் முடிவு செய்ய வேண்டும். ஆனால் என் படம் வேறு தளத்தில் அமைந்த ஜனரஞ்சகமான சினிமா. நான் செய்வத புரட்சி அல்ல. முயற்சி.

உங்கள் படத்தில் நீங்கள் நடிப்பீர்களே... இந்தப் படத்தில் ஏன் நடிக்கவில்லை? வயதாகிவிட்டது என்ற பயமா?

வயதானால்தானே நான் பயப்படணும். இப்படம் பல விஷயங்களுக்கு முதல்படம். இந்த வகையில் என் டைரக்ஷனில் நான் நடிக்காத முதல் படம். எனக்கு ஏற்ற மாதிரியான கேரக்டர்கள் இல்லாததால் நான் நடிக்கவில்லை.
-

**ayyasamy ram** · **ayyasamy ram** Wed Dec 04, 2013 1:46 am

ஸ்ருதிஹாசனைப்போல உங்கள் மகளை எப்போது ஹீரோயினாக்கப் போகிறீர்கள்?
-
என் மகளுக்கு ஹீரோயினாகும் விருப்பம் இல்லை. டைரக்ஷனில்தான் ஆர்வம். "ஆரம்பம்' படத்தில் உதவி இயக்குனராக பணிபுரிந்தாள். தியாகராஜன் குமாரராஜாவிடமும் உதவியாளராக இருக்கிறாள். கூடிய விரைவில் தமிழ் சினிமாவுக்கு ஒரு பெண் இயக்குநர் என் வீட்டிலிருந்து வரப் போகிறார். என் மகளின் உழைப்புக்கு நான் விசிறியாக இருப்பேன்.
-
ஆர்.பார்த்திபன் - இராதாகிருஷ்ணன்பார்த்திபனாக மாறிட்டீங்களே, வயது முதிர்ச்சியால் நியூமராலஜி, ஜாதகம் மீது நம்பிக்கை வந்திடுச்சா?
-
ஜாதகம், நியூமராலஜி மீது நம்பிக்கை வரலை. என் ஆபீசில் எந்த சாமிப்படமும் இருக்காது. என் அப்பா இராதாகிருஷ்ணனின் படம் மட்டும் இருக்கும். கஷ்டம் வரும் போதும், மனதுக்கு ஆறுதல் தேவைப்படும் போதும் அப்பாவை மனதுக்குள் நினைத்துக் கொள்வேன். இராதாகிருஷ்ணன் என்ற என் அப்பாவின் பெயரை என்னுடன் இணைத்துக் கொள்வதால் ஒருவித புது பவரும், ஆறுதலும் கிடைப்பதாக உணர்கிறேன். வேறெந்த காரணமும் இல்லை.
-
----------------------
- ராகவ் குமார்.
நன்றி: கல்கி

அப்பா பேரில் பவர் இருக்கு

அப்பா பேரில் பவர் இருக்கு

Re: அப்பா பேரில் பவர் இருக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக