9 ஆண்டுகளுக்குப் பின் கடற்படையில் இணையும் போர்க்கப்பல் ஐஎன்எஸ் விக்ரமாதித்யா !

9 ஆண்டுகளுக்குப் பிறகு ஐஎன்எஸ் விக்ரமாதித்யா போர்க் கப்பல் இந்திய கடற்படையுடன் சேர்க்கப்படுகிறது. ரஷ்யாவில் தயாரிக்கப்பட்ட ஐஎன்எஸ் விக்ரமாதித்யா போர்க் கப்பல் இந்திய கடற்படையுடன் சனிக்கிழமை சேர்க்கப்பட உள்ளது.

கடந்த 2004-ஆம் ஆண்டு, 974 மில்லியன் டாலர் செலவில் ரஷ்யாவிடம் இருந்து இந்த போர்க்கப்பலை வாங்க இந்தியா ஒப்பந்தம் செய்தது. ஆனால் போர்க்கப்பலை இந்தியாவுக்கு வழங்குவதில் ரஷ்யா தொடர்ந்து இழுபறி செய்து வந்தது.

இழுபறி ஏன்?

கப்பல் கட்டும் பணியும் தாமதமாகவே நடந்து வந்தது. இதனால் கப்பல் கட்டுவதற்கான செலவும் அதிகரித்தது. இதுதொடர்பாக, இரு நாட்டு உயரதிகாரிகளுக்கு இடையே பேச்சுவார்த்தை நடந்து வந்தது. இந்நிலையில், இந்தக் கப்பல் கட்டும் பணி 9 ஆண்டுகள் தாமதமாக சமீபத்தில் முடிவடைந்தது. இதனைத் தொடர்ந்து, இந்தக் கப்பல் இந்திய கடற்படையுடன் நாளை (சனிக்கிழமை) இந்திய கடற்படையுடன் சேர்க்கப்பட உள்ளது.

ஐஎன்எஸ் விக்ரமாதித்யா சிறப்பு:

இந்தக் கப்பலின் மொத்த எடை 40,000 டன்கள். இந்த போர்க்கப்பல் 60 மீட்டர் உயரமானது. ஒரே நேரத்தில் 20க்கும் மேற்பட்ட மிக்-29 ரக விமானங்களையும், 10 ஹெலிகாப்டர்களையும் தாங்கிச் செல்லும் திறன் படைத்தது இந்தக் கப்பல்.

போர்க் கப்பல்களை தாக்கி அழிக்கக் கூடிய ஏவுகணைகளும் இடம்பெற்றுள்ளன. இந்தக் கப்பலால், நாள் ஒன்றுக்கு 13,000 கடல் மைல்கள் பயணம் செய்து கண்காணிப்புப் பணியில் ஈடுபட முடியும்.

அந்தோணி ரஷ்யா பயணம்:

ரஷ்யாவில் தயாரிக்கப்பட்ட ஐஎன்எஸ் விக்ரமாதித்யா போர்க் கப்பல் 9 ஆண்டுகளுக்குப் பிறகு இந்திய கடற்படையுடன் சேர்க்கப்படுவதை ஒட்டி பாதுகாப்பு அமைச்சர் ஏ.கே.அந்தோணி இன்று இரவு ரஷ்யா செல்கிறார். நிகழ்ச்சி, ரஷ்யாவின் அணுஆயுத நீர்மூழ்கிக் கப்பல்கள் மையம் உள்ள சேவ்மாஷ் கப்பல் கட்டமைப்புத் தளத்தில் நடைபெறுகிறது.

நன்றி : ஹிந்து

இதன் மூலம் இந்தியாவின் படைபலம் பெருகும் என்றாலும் முற்றிலும் அணுசக்தியால் இயங்கும் போர்க்கப்பலை தயாரித்த இந்திய அரசு இனிமேலாவது போர்க்கப்பல்களை இந்தியாவிலேயே செய்ய முன்வருமா இதன் மூலம் நிறைய பேருக்கு வேலை வாய்பு கிடைக்கும்

இந்த கப்பல் சோவியத் யூனியன் படைக்கு கட்டப்பட்டது ..1986 முதல் 1996 வரை இது படையில் இருந்தது அதன் பிறகு பணப் பிரச்சனையால் அது படையிலிருந்து விலக்கிகொள்ளப்பட்டது ..1994 இல் அது இந்தியாவிற்கு இலவசமாக கொடுக்கப்பட்டது ..அனால் நாம் அதை திரும்ப கட்ட பணம் கொடுக்க வேண்டும் முதலில் $400 மில்லியன் பணம் பேசப்பட்டது ..பின்பு அது $700 ஆக அதிகரித்தது ..அதன் பின்பு $974 மில்லியன்ஆக விலை கூட்டபட்டது ..

எப்படி இருந்தாலும் இது நமக்கு லாபம் தான்

இந்தக் கப்பலால், நாள் ஒன்றுக்கு 13,000 கடல் மைல்கள் பயணம் செய்து கண்காணிப்புப் பணியில் ஈடுபட முடியும்.

தவறு இதனால் ஒரு நாளில் 600 கடல் மைல் தான் பயணம் செய்யா முடியும் ..மேலும் இந்த கப்பலில் உள்ள விமானங்கள் மூலம் 2500 km தூரத்தில் உள்ள இலக்குகளை கூட தாக்கி அழிக்கமுடியும் ..இந்த கப்பலால் அதன் சுற்று வட்டத்தில் 300 km வரை கண்காணிக்க இயலும்

raghuramanp wrote:இதன் மூலம் இந்தியாவின் படைபலம் பெருகும் என்றாலும் முற்றிலும் அணுசக்தியால் இயங்கும் போர்க்கப்பலை தயாரித்த இந்திய அரசு இனிமேலாவது போர்க்கப்பல்களை இந்தியாவிலேயே செய்ய முன்வருமா இதன் மூலம் நிறைய பேருக்கு வேலை வாய்பு கிடைக்கும்

முற்றிலும் அணு சக்தியால் இயங்கும் கப்பல்களுக்கு பராமரிப்பு செலவு அதிகம் ...50000 டன் கப்பல் வரை நாம் சாதாரண டீஸல் அல்லது காஸ் என்ஜின் மூலமே இயக்கலாம் ..அதற்க்கு மேல் சென்றால் அணு சக்தி லாபம் தான்

இப்போது ஒரு 40000 டன் கப்பலை செய்து கொண்டு இருக்கிறோம் ..மேலும் ஒரு 65000 டன் கப்பல் செய்ய திட்டமிட்டுள்ளோம்

மேலும் இந்தியாவில் உள்ள எல்லா கப்பல் கட்டும் இடமும் பழைய ஆர்டர்களால் நிறைந்துள்ளது ..

Baku class Helicopter cruiser aka Admiral Gorshkov





INS Vikramaditya Aircraft Carrier ( STOBAR )

சிறப்பான படங்கள் , தகவல்கள்

சிவா மற்றும் சஞ்சீவ் இருவருக்கும் நன்றி