ஆப்பிரிக்க பணக்காரர்கள் பட்டியலில் 3 இந்தியர்கள்

by **டார்வின்** Fri Nov 15, 2013 1:30 am

அமெரிக்காவின் ஃபோர்ப்ஸ் பத்திரிகை வெளியிட்டுள்ள ஆப்பிரிக்க பணக்காரர்கள் பட்டியலில் இந்திய வம்சாவளியினர் 3 பேர் இடம் பிடித்துள்ளனர்.

ஆப்பிரிக்காவின் 50 பெரும் பணக்காரர்கள் பட்டியலை ஃபோர்ப்ஸ் பத்திரிகை அண்மையில் வெளியிட்டது. இந்தப் பட்டியலில் ஆப்பிரிக்காவின் அலிகோ டாங்கோட் என்பவர் இந்திய மதிப்பில் சுமார் ரூ.1.31 லட்சம் கோடி சொத்து மதிப்புடன் முதல் இடம் பிடித்துள்ளார். இவர் மிகப்பெரிய சிமென்ட் உற்பத்தி செய்யும் தொழிற்சாலையை நடத்தி வருகிறார்.

இந்திய வம்சாவளியைச் சேர்ந்த விமல் ஷா, சுதிர் ருபாரேலியா, நெüஷத் மெராலி ஆகியோர் இந்தப் பட்டியலில் இடம் பெற்றுள்ளனர். இவர்களில் விமல் ஷா சுமார் ரூ. 10,000 கோடி சொத்து மதிப்புடன் 18-வது இடத்தில் உள்ளார். பிட்கோ என்னும் எண்ணெய் சுத்திகரிப்பு நிறுவனத்தின் தலைமை நிர்வாக அதிகாரியாக இவர் உள்ளார்.

ருபாரேலியா குழுமத்தின் தலைவராக உள்ள சுதிர் ருபாரேலியா, சுமார் ரூ.6,942 கோடி மதிப்புடன் 24-வது இடத்தில் உள்ளார். இந்தக் குழுமம் பல்வேறு ஹோட்டல்கள், அன்னிய செலாவணி நிறுவனங்கள், வணிக வங்கி உள்பட பலவற்றை உள்ளடக்கியதாகும்.

நெüஷத் மெராலி சுமார் ரூ.2,713 கோடியுடன் 48-வது இடம் வகிக்கிறார். இவர் சமீர் குழுமத்தின் தலைவராக உள்ளார். இது கட்டுமானத் தொழில்கள் சார்ந்த குழுமம் ஆகும். மேலும், தகவல் தொழில்நுட்பம், விவசாயம், தொலைத்தொடர்பு மற்றும் நிதி சம்பந்தமான தொழில்களையும் செய்து வருகிறது.
thinamani