காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

by **சிவா** Wed Nov 13, 2013 12:31 am

இலங்கையில் நடைபெற உள்ள காமன்வெல்த் மாநாட்டை இந்தியா முற்றிலும் புறக்கணிக்க வேண்டும் என்று தமிழக சட்டசபை சிறப்பு கூட்டத்தில் இன்று தீர்மானம் கொண்டு வரப்பட்டது. தீர்மானத்தை முன்மொழிந்து முதல்வர் ஜெயலலிதா பேசினார். அதன்பின்னர் தீர்மானத்தின் மீது உறுப்பினர்கள் பேசினர்.

சமத்துவ மக்கள் கட்சி தலைவர் சரத்குமார் பேசுகையில், பிரதமர் மன்மோகன் சிங்கை விமர்சனம் செய்தார். இதற்கு காங்கிரஸ் உறுப்பினர்கள் கடும் எதிர்ப்பு தெரிவித்து வெளிநடப்பு செய்தனர். பின்னர் காங்கிரஸ் பேசுவதற்கு வாய்ப்பு அளிக்கப்பட்டது. அப்போது, தமிழர்களின் உணர்வுகளை புரிந்துகொண்டுதான் இந்த மாநாட்டில் பிரதமர் மன்மோகன் சிங் பங்கேற்கவில்லை என்று காங்கிரஸ் உறுப்பினர் ரங்கராஜன் தெரிவித்தார்.

தீர்மானத்தை வரவேற்று வழிமொழிவதாக தி.மு.க. சட்டமன்றக் கட்சி தலைவர் மு.க.ஸ்டாலின் பேசினார். இவ்வாறு பல்வேறு உறுப்பினர்களின் கருத்துக்களை கேட்டறிந்தபிறகு, தி.மு.க. உள்ளிட்ட கட்சிகளின் ஆதரவுடன் தீர்மானம் ஒருமனதாக நிறைவேற்றப்பட்டது. தீர்மானம் நிறைவேறியபோது காங்கிரஸ் மற்றும் மார்க்சிஸ்ட் உறுப்பினர்கள் அவையில் இல்லை.

ஜெ.குரு எம்.எல்.ஏ. கைது செய்யப்பட்டதைக் கண்டித்து இக்கூட்டத்தில் பா.ம.க. பங்கேற்கவில்லை என்பது குறிப்பிடத்தக்கது.

by **சிவா** Wed Nov 13, 2013 12:36 am

சட்டசபையில் இருந்து கிருஷ்ணசாமி வெளியேற்றம்

காமன்வெல்த் மாநாட்டை இந்தியா முற்றிலும் புறக்கணிக்க வேண்டும் என்று தமிழக சட்டசபையில் இன்று தீர்மானம் நிறைவேற்றப்பட்டது. தீர்மானத்தை முன்மொழிந்து முதல்வர் ஜெயலலிதா பேசினார். இந்த தீர்மானத்தின் மீது கட்சி தலைவர்கள் பேசினர்.

தமிழர்களின் உணர்வுகளை புரிந்துகொண்டுதான் இந்த மாநாட்டில் பிரதமர் மன்மோகன் சிங் பங்கேற்கவில்லை என்று காங்கிரஸ் உறுப்பினர் ரங்கராஜன் தெரிவித்தார்.

புதிய தமிழகம் கட்சி தலைவர் கிருஷ்ணசாமி பேசும்போது, ‘காமன்வெல்த் விவகாரம் தொடர்பாக அனைத்துக் கட்சி குழு பிரதமரை சந்திக்க வேண்டும்’ என்று வலியுறுத்தினார். அவரது கருத்துக்கு அ.தி.மு.க. உறுப்பினர்கள் எதிர்ப்பு தெரிவித்து கோஷமிட்டனர்.

அதேசமயம் கிருஷ்ணசாமி, சபாநாயகர் இருக்கை அருகே சென்று தர்ணாவில் ஈடுபட முயன்றார். இதனால் அவரை அவையில் இருந்து வெளியேற்ற சபாநாயகர் தனபால் உத்தரவிட்டார். இதையடுத்து அவரை சபைக் காவலர்கள் வெளியேற்றினர்.

by **ayyasamy ram** Wed Nov 13, 2013 5:51 am

அனைத்துக் கட்சி குழு...!!
-
அப்படியாவது தமிழ்நாட்டில் பல கட்சிகள்
இருப்பதை பறைசாற்ற விரும்பி இருப்பார்..!!

செவிடன் காதில் ஊதிய சங்கு....வேறு என்னவென்று சொல்வது ? சோகம்

by **ayyasamy ram** Wed Nov 13, 2013 6:33 am

காமன்வெல்த் மாநாடு விவகாரத்தில்
இரு நாடுகளுக்கு இடையிலான உறவை
பணயம் வைக்கக் கூடாது என்றும்
வெளியுறவு அமைச்சர் சல்மான் குர்ஷித் தெரிவித்தார்

by **SajeevJino** Wed Nov 13, 2013 8:16 am

இவெனெல்லாம் ஒரு வெளி உறவு மந்திரி

இந்தியாவை விட சீனாவில் வாழ்வது பிடிக்கும் என்று கூறியவன்

பாகிஸ்தானுடன் அமைதி பேச்சிற்கு எந்த பங்கமும் வந்து விடாது என்று கூறியவன் ..அவர்கள் நம் வீரர்களை கழுதை அறுத்து கொலை செய்த போது..

by **ராஜா** Wed Nov 13, 2013 10:39 am

SajeevJino wrote:இவெனெல்லாம் ஒரு வெளி உறவு மந்திரி

இந்தியாவை விட சீனாவில் வாழ்வது பிடிக்கும் என்று கூறியவன்

பாகிஸ்தானுடன் அமைதி பேச்சிற்கு எந்த பங்கமும் வந்து விடாது என்று கூறியவன் ..அவர்கள் நம் வீரர்களை கழுதை அறுத்து கொலை செய்த போது..

ஒரு இருபது வருடம் சர்வாதிகார ராணுவ ஆட்சி நடைபெற வேண்டும். ஆட்சி நடத்தும் ராணுவ அதிகாரி தாய்நாட்டை நேசிக்கும் மிகசிறந்த தேசபக்தராக இருக்க வேண்டும் அப்பதான் இந்தியா உருப்படும்.

by **SajeevJino** Wed Nov 13, 2013 2:37 pm

ராஜா wrote:ஒரு இருபது வருடம் சர்வாதிகார ராணுவ ஆட்சி நடைபெற வேண்டும். ஆட்சி நடத்தும் ராணுவ அதிகாரி தாய்நாட்டை நேசிக்கும் மிகசிறந்த தேசபக்தராக இருக்க வேண்டும் அப்பதான் இந்தியா உருப்படும்.

முழுமையாக ஆதரிக்கிறேன்

by Sponsored content

காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்

Re: காமன்வெல்த் மாநாட்டில் இந்தியா பங்கேற்க கூடாது: சட்டசபையில் ஒருமனதாக நிறைவேறியது தீர்மானம்