டெலி மார்கெட்டிங் கால்கள் - தடுப்பது எப்படி ?

by **T.N.Balasubramanian** Tue Nov 12, 2013 7:42 pm

டெலி மார்கெட்டிங் கால் தடுப்பது எப்படி

கல்யாண ஆசை...

பெண் : வணக்கம். ----- பேசுகிறேன். நான் தங்களுக்கு எவ்வாறு உதவ வேண்டும் கூறுங்கள்?
இளைஞர் : என்னைக் கல்யாணம் செஞ்சுக்கறியா...?
பெண் : ( அதிர்ச்சியுடன்...) சார், நீங்கள் தவறான எண்ணுக்கு அழைத்து விட்டீர்கள் என எண்ணுகிறேன். நம்பரை மறுமுறை சரி பார்த்து அழைக்கவும். நன்றி...
இளைஞர் : இல்லை, நான் சரியாகத் தான் அழைத்திருக்கிறேன். சொல், என்னை திருமணம் செய்து கொள்ள விருப்பமா..?

பெண் : மன்னித்துக் கொள்ளுக்கள் சார், எனக்கு உங்களைத் திருமணம் செய்து கொள்ள விருப்பமில்லை... ( வாடிக்கையாளரின் அழைப்புகள் ரெக்கார்ட் செய்யப் படும் என்பதால் பல்லைக் கடித்துக் கொண்டு பொறுமையுடன் பேசுகிறார்)

இளைஞர் : நல்லா யோசிச்சுச் சொல்லுங்க மேடம், காதல் திருமணம் செஞ்சுக்கிட்டீங்கனா சுவிட்சர்லாந்துக்கு ஹனிமூன் போகலாம், அரேஞ்ச் மேரேஜ்னா பாரீஸ் போகலாம்...
பெண் : எனக்குத் தான் உங்களைக் கல்யாணம் பண்ணிக்கவே விருப்பம் இல்லைனு சொல்லிட்டேனே அப்புறமும் ஏன் இதெல்லாம் சொல்றீங்க...
இளைஞர் : சிம்பிளா வேணும்னா ரூ 20 ஆயிரம் செலவு பண்ணி கல்யாணம் பண்ணிக்கலாம், கிராண்ட்டா வேணும்னா ரூ2 லட்சம் செலவாகும். பரவாயில்லையா....?
பெண் : எனக்கு விருப்பம் இல்லைனு எத்தனைத் தடவைச் சொல்றது சார்... ( சற்று கடுப்புடன் பேசுகிறார் அப்பெண்...)
இளைஞர் : இப்போ புரியுதா... தேவையிலாம, தேவையில்லாதத பேசுனா எவ்ளோ கோபம் வரும்னு....கண்ட நேரத்துல கால் பண்ணி ‘அந்த ஆஃபர், இந்த ஆஃபர்'னு இனிமே யாராவது எனக்கு கால் பண்ணினா, உனக்குத் தான் நான் கால் பண்ணுவேன் புரியுதா...?

பெண் : நல்லா புரிஞ்சது சார். உங்க நம்பர 'டூ நாட் டிஸ்டர்ப்' லிஸ்ட்ல போட்டுடறேன்....

பெண் : ஆனா, எனக்கு ஒரு டவுட்டு.... எனக்குப் பதிலா இந்தக் காலை ஒரு ஆண் ஆபிசர் அட்டெண்ட் பண்ணிருந்தா நீங்க என்ன பண்ணியிருப்பீங்க...?

இளைஞர் : ஹா...ஹா...ஹா...அப்பவும் ‘என்னைக் கல்யாணம் பண்ணிக்கறியா'னு தான் கேட்டுருப்பேன்...எப்பூடி

பெண் : ....!!!!
-------------------------------------------------------------------------------------------------------------
ரமணியன்

நன்றி : தட்ஸ்தமிழ்